" بقولك ايه انا عندي لوكيشن بعد " نظر في الساعة " بعد ساعة إلا ربع بالظبط بما انه يوم اجازتك بقى..تيجي معايا؟ " ابتسم ونظر اليها باهتمام
" بس انا مش عارفة الجو ده وبعدين شكلي هيبقى مختلف اوي وغريب وسط الناس دي مش شبهي ولا انا شبهم "
" انتِ احلى منهم كلهم "
نظرت اليه بخجل " مش كفاية مجاملات؟ "
" طب والله العظيم ما بجاملك..بيني وبينك دول كلهم عمليات تجميل وميكب انما انتِ طبيعي في طبيعي وزي القمر من غير حاجة "
ابتسمت بخجل " ميرسي اوي يا وائل"
" اه ياني على وائل المكسوفة الي بتدوب قلبي دي " حدث نفسه وهو ينظر اليها بتمعن
" وبعدين انتِ هتبقي ارق واحدة هناك اراهنك ان كلهم هيغيروا منك..بس انتِ معايا محدش يقدر يقولك كلمة "
تسارعت دقات قلبها بقوة " طب هو انا ممكن البس ايه مثلا يليق على الجو ده؟ "
" انا عايزك زي ما انتِ كدة..انا عايز اعرفك بقى على صاحب عمري كرم البحيري "
" ثواني هو مش ده المصور بتاع الممثلين والمغنيين انا عاملاله فولو هو صح!؟ "
" ايوا هو "
" انا عايزة اتصور معاه يا وائل!! " تحدثت بسعادة
" ايه ده يعني.. اشمعنى هو " تحدث بغيرة
" اصل هو قمور اوي انا بفضل اتفرج عليه وبتفرج عليه لما يطلع لايف " كانت تتحدث بشغف عندما لاحظت الغيرة التي تقتله من الداخل وتصب لخارجه
" واكيد عايزة اتصور معاك " تحدثت بحرج
" مكنتش اعرف ان كرم جامد اوي كدة " تحدث بغيرة
" ممكن اتصور معاك؟ " تحدثت ببراءة
" لا يا شيخة..لسة فاكرة..بتثبتيني ولا ايه "
" على فكرة انت قمور اوي بردو " تحدثت ووجهها يحمر بشدة
" بجد ولا مجاملة " اقترب منها قليلا فتسارعت دقات قلبها بعنف
" بجد..بجد..هو احنا مش هنمشي؟ "
" هنمشي..بس انا الي عايز اتصور معاكي عشان اخليها ذكرى جميلة في حياتي "
ابتسمت وامسك هو بالهاتف والتقط الصورة
" يلا بينا " وقف ومد يده لتمسك بها نظرت اليها وامسكت بها وذهبوا سويا ووصلوا لموقع التصوير
نظرت نسرين إليها بتفحص " سما..هى مين دي؟ "
" الي مع وائل؟ "
" ايوا مين دي؟ "
" مش عارفة بصراحة "
" وائل..هى دي نسرين صابر! "
" ايوا هى "
