" زي ما اتفقنا عايزاك تجرحه فيها مش هيعرف يتجوزها بعد ما واحد يكون علم عليها وكسر كرامتها وكبريائها ولا ايه " ضحكت بخبث
" اوامرك يا فنانة "
" خلي بالك..لو الفنانة دي جت سيرتها كدة ولا كدة مش هتعيش يوم واحد زيادة انت عارفني لما بوعد وعد بيتنفذ"
" عارف ولو فيها موتي مش هجيب سيرة حضرتك" تحدث وهو يجثو على ركبتيه ويقبل يدها
ابتسمت " تعمل الي اتفقنا عليه ليك خمسين الف بحالهم تفشل يبقى ملكش حاجة عندي تمام؟ "
" تمام يا فنانة "
ابتسمت نسرين ونظرت اليه وهو يرحل
" وائل عملت ايه مع كرم؟ "
" هو كاتم في نفسه هو بيعمل كدة على طول عشان ميجرحش الي حواليه بس الحمدلله مفيش حاجة من ناحيته ليا اتكلمنا واتصافينا "
" طب هو بقى كويس؟ "
" اكيد يا لين محتاج ياخد وقته عشان يبقى كويس "
" اكيد..طمني عليك "
" انا كويس يا حبيبتي.. سامحيني على العيد ميلاد الرهيب ده هعوضك النهاردة "
" صدقني انا مكنتش عايزة اكتر من كدة انا كنت فرحانة جدا "
" طب ايه كلمتي طنط؟ "
" بصراحة لسة بس مقررة اكلمها النهاردة "
" انا مستني اوي "
" طب انا لازم اقفل معاك دلوقتي عشان قربت اوصل المحل "
" ماشي يا حبيبتي..لين "
" نعم "
" بعد الجواز مفيش بهدلة تاني ولا ليكي ولا لأهلك "
ابتسمت ووقفت في مكانها تسارعت دقات قلبها بقوة " ربنا يخليك ليا "
" ويخليكي يا حبيبتي "
اغلقت الهاتف ونظرت امامها ولازالت مبتسمة عندما وقفت سيارة بجانبها وسحبها رجل للداخل بسرعة
" ايه فيه ايه! " تحدثت بفزع وهى تنظر حولها
" فيه كل خير ان شاء الله " تحدث بضحكة عالية وهو يحاول فتح ازرار قميصها
صرخت وتجمدت اطرافها للحظة ثم تذكرت الصاعق الكهربائي الذي اهداه وائل لها امسكت به من جيبها الخلفي وصعقته مرارا وتكرارا حتى وقع مغشيا عليه
شعرت بالادرينالين يتدفق في عروقها وصرخت بأعلى صوتها " وقف العربية!! "
" اهدي خالص.. اهدي"
" بقولك وقفها!! " تحدثت بصراخ وهى تشعل الصاعق
" حاضر..حاضر..اهدي " تحدث بهدوء ليوقفها واوقف السيارة مثلما اخبرته امسكت بالصاعق وصعقته كالآخر وفرت هاربة من السيارة التقطت صورة لبيانات السيارة وهرولت بين الطرقات وصولا لمحل عملها
اخيرا استطاعت الانهيار جلست على الكرسي وجسدها يرتجف بقوة امسكت بالهاتف بصعوبة وراسلت وائل
YOU ARE READING
Womanizer
Romanceالمرأة؟..المرأة هى الجانب اللذيذ من الحياة اقسم اننا بدونها لا نسوى شئ
