"Junoon-e-Ishq" 🔥

Qist 2

Rayyan Shamshair ke saamne mujood hota lekin use kisi baat ka bhi dar nh hota us k chehre pr koi fikr k asaar nh dikh rahe hote...
•
Shamshair... Rayyan akhri baar poch raha houn me tumse yeh kaam hosakta hai to batado warna mere pas or log hain jo yeh kaam ek jhatke me krdengen
Shamshair bohut ghusse se bol raha hota hai...
Rayyan... Me jaanta houn mujhe kia krna h or kab krna bai iski zarorat nh aaj aapka kaam hojayega fikr na karen
Rayyan taish me a jaata hai or wahan se nikal jaata hai... Shamshair ghusse se use dekhta reh jaata hai...
Shamshair ka ghar kaafi bara hota hai. Rayyan pool side se bahar k darwaaze ki taraf ja raha hota tabhi Rayyan ka wahan Nida se takrao hota hai. Nida Rayyan ka raasta rokte howe...
Nida... Aaj me apna jawaab liye bagair nh jaane doungi tumhain Rayyan
Rayyan Nida ko chirti hoi nazroun se dekhta hai or lambi saans bharta hai...
Rayyan... Mene kitni baar kaha h mere raaste me youn na aya karo samajh nh aata tumhain
Nida Rayyan ke kandhe par hath rakhte howe uski taraf barhti hai...
Nida... Me tumhain bohut pasand krti houn tum mujhse door kyun bhaagte ho han kyun nh kehte dekho hum yahan se kahen door chale jayengen khush rahegain bs tum or me ek baar han kehdo please me bohut chahti houn tumhain
Rayyan nazrain chura raha hota h Nida k hathoun ko apne kandhe se jhatakta hai or us se khud de door krdeta hai...
Rayyan ... Mene kitni baar kaha h tumh se aaj phir se keh raha houn me tumhain pasand nh karta h acha hoga tum is haqeeqt ko jald tasleem krlo or agar thori bhi self respect bachi hai tum me to dubara mere saamne na aana
Nida... Kyun kia kami hai mujh me kyun nh krte tum mujhse mohabbat haaan jawaab chahiye aaj mujhe mere sawaal ka oh acha to koi or pasand h tumhain hai na bolo
Nida ko hamesha se inkaar krta howa Rayyan aaj uski baat or Arshiya k khayaal me doob jata hai or is baar Nida ko jawaab me han keh deta hai...
Rayyan... Han me kisi or ko chahta houn kisi or se mohabbat hai mujhe samjhi an door rehna mujhse
Nida ko jhatka làgta hai...
Nida... Ki..... Kia wo bhi tumhain chahti hai
Rayyan... Us se fark nh parhta agar me use chahta houn itna kaafi hoga us k liye
Or Rayyan yeh kehte k sath hi wahan se jaane lagta hai, par Nida k alfaaz use rukne pr bajboor kr dete hain...
Nida... To meri bhi ek baat sunte jao agar tum kisi or ko pasand krte hoto wo tumhain kabhi nh milegi me use itni mohlat hi nh doungi k tm tk pohuch sake tum sirf mere ho sirf Nida k
Rayyan yeh sunte hi taish me a jaata hai....
Or taizi se qadam barhaate howe Nida ki taraf bharta hai or uska gala apne hathoun se bheechne lagta hai...
Nida karrati hai or Rayyan se apne aap ko churwaane ki koshish krti hai Rayyan ki aankhoun me khoon utar aata hai...
Nida... Aaaaah......... choro mujhe Rayyan chor..... Choroooo
Rayyan... Aaj to kehdiya h tumne jo kehna tha aainda agar us k baare me ek lafz bhi apne moun se nikala to tumhain khatam krne me ek second ka bhi wakt zaya nh krounga
Nida... Tu...m tum mujhe dhamki de rahe ho jante ho na kon houn me mere dad boss hai tumhare
Rayyan yeh sunte hi usko chor deta hai...
Rayyan... Jaanta houn bohut ache se jaanta houn isiliye tumhain mar kr unhain naraz nh krna chahta ab behter ho mujhse or mere mamlaat se door rehna acha hoga tumhare liye
Or Rayyan chala jata h. Nida us k taizi se barhte howe qadnoum ko dekh rahi hoti hai...
Nida... Chorne wali to me bhi nh Mr Rayyan hasil kr k rahoungi tumhain kisi bhi surat ab tum Meri zid ban gaye ho or wo larki Kon hai dekhloungi use bhi
Nida apna gala sehla rahi hoti hai...
Dosre din Arshi ruba ko yaad dilaate howe...
Arshi... Ruba jaldi kro dair hojayegi
Ruba... A gai aapi
Ammi... Dekho sab rakhliya na ache se paper dena ek baar bar dubara delhlo
Ruba... G g sab hai aapi bs dua kren k acha jaye mera paper
Arshi... Han bilkul acha jayega fikr na kro
Ruba... Chalain ab
Arshu... Han han chalo
Arshi ruba ko college chorti hai or apne office k liye nikal jaati hai...
Office me pehle se hi sab mojud hote hain. Arshi meeting room me jaati hai or Nida ko dekhte hi us k tassuraat badal jaate hain...
Arshi... (Sochte howe barbarati hai) Ahhhh us din to bach gai is se yeh opening pr nh ayi thi par aaj phir dimaagh khayegi yeh mera
Nida... Welcome welcome world's best writer Miss Arshiya
Nida tanz krte Howe kehti hai...
Arshi.... Zabardasti muskuraate howe shukriya
Arshi side se nikalte howe shiza k pas ja khaari hoti hai...
Nida... Producer sahaab mene bhi aap k barabar hi invest kiya h apni writer ko kahain hamain bilkul mayus na kre
Producer... Aap fikr na karen madam Arshiya pr bharosa hai hamain, ab aap pichle serial ki hi rating dekhlaiaan it was so good
Nida... Bs bs mene aapko speech dene liye nh kaha bas meri baat yaad rakhiyega
Nida ki baat kaatte howe Arshi bol parhti baj
Arshi... Aap fikr nh karen madam mujhe apna kaam ache se karna aata h na pehle mene producer sahaab ko mayus kiya h na ab karoungi aap ki investment zaya nh hogi be-fikr rahain
Nida chir jaati hai or Arshi ko ghorrte howe wahan se pair pathakti nikal jaati hai...
Producer...ufff yeh larki ko patanh kab tk bardaasht krna hoga mujhe...!!!
Shiza... Sorry sir par shayad marte dam tk
Arshi.... 😆
Shiza... 😆
Producer... Shizaaa 😑
Shiza... Oops 😬 sorry
.
• Dosri taraf raat k pichle peher Rayyan apne kamre me laita gehri soch me mubtila hota hai...
Rayyan kamre me leta howa chat ko dekh raha hai or uska zehen or dil kahen or hota hai wo ek lamhe k liye bhi Arshi ko bhula nh pa raha hota...
.
Rayyan... Kia ho tum Arshiya mere dil me kaise ghar kr gayen mujhe khud bhi khabar na hoi tum mere dil o rooh par qabiz is saltanat ki akloti waris ban gai ho tum mere sukoon ka waja ban gai ho, tumhari soch hi mujhe pur sukoon krdeti hai...
Rayyan khaayaloun me gum kuch dair khud se baatain krta h or nend ki agosh me chala jaata hai...
.
• Subha subha Rayyan ki aankh us k phone ki ringtone se khulti hai. Wo adhi khuli aankhoun se phone pick krta hai...
Rayyan... Hello
Shamshair... Tum abhi tk so rahe ho Rayyan mene kaha bhi tha, Mera kaam nh krna to batado mujhe Kuch ulta seedha krne pr majboor na kro tum
Rayyan uth baithta hai...
Rayyan... Me aap k pas a raha houn sabar rakhain kuch krne ki zarorat nh
Or Rayyan mazeed bina kuch sune phone cut krdeta hai...
Kuch wakt baad Rayyan Shamshair k mention pohuchta hai...
Shamshair... Akhir chahte kia ho tum meri baat nh sunte yeh last warning h warna mujhe aage tumhari complain krni hogi, yaad rakho tum mere under to hamare contract ko mat bhulo tm apni marzi nh chala sakte
Rayyan... Behter hoga meri baat khatam hone tk kuch na kahen aap or rahi baat aap ki BAAT manne ki to I am sorry me kisi k under to kaam krta houn par marzi sirf meri chalti h aapko jo krna h shook se karen or rahi baat aap k kaam ki woo kaam kal hi hogaya h chahain to kisi bhi news channel laga kr dekh sakte hain...
Rayyan ki baat sunte hi Shamshair foran se tv on kr k dekhte hain or wahan news chal rahi hoti hai us anchor ki suicide ki...
Shamshair... What...!!!!! is ne suicide ki hai
Rayyan... Yeh Mera kaam karne ka tareeka hai mujhe kab murder ko suicide banana h or kab suicide ko murder ache se janta houn aap is ki fikr na kren aapka kaam hogaya h us or tawajja dain
Rayyan apni baat khatam krte hi jaane lagta h....
Shamshair... Ruk Jao Rayyan ek kaam or krna hai tumhain or mujhe yakeen hai yeh bilkul b mushkil nh hoga tumhare liye
Rayyan theher jaata h or Shamshair ki taraf dekhne lagta hai...
Rayyan... Mere liye kuch b mushkil nh or mushkil ko asaan krna adat h meri aap apna kaam batayain baaki mujh pr chordain
Rayyan or Shamshair ki baat hi chal rhi hoti hai, tabhi wahan Nida a jaati hai...
Shamshair... Nida Rayyan ko batado us larki k baare me acha Hoga tumhare raaste ka kamta jald hat jaye
Nida... Theek hai dad par aap Rayaan se kahen isko mere sath parso ek party hai wahan jana hoga wo b laazmi ayegi acha hoga yeh use face to face dekhle
Rayyan Nida ko ghoorte howe Shamshair ko dekhta hai or haami bharta hai...
Rayyan... Theek hai me a jaounga...
Or rayyan chala jaata hai
.
• Use garz nh hoti k wo kon larki hai use bs itna pata hota h use shamshy k order k manna h kyun k wo us k under hai...
...
• Arshi or Ruba naashta kr rahi hoti hai tabhi Shaila tv on krti hain...
...
Shaila... Yeh kia kia ho raha h duniya me dekho koi suicide kaise kr sakta hai khud hi ki jaan lena kitna baara zulm h khud pr or ALLAH ki na farmaani bhi
Arshi Shaila ki baatoun ko sunte hi apni nazrain tv ki taraf dhouraati hai or use ek jhatka lagta h news anchor ki picture dekh kr...
Arshi... Ye... Yeh kaise hogaya
Ruba... Kia hogaya aapi
Arshi... Yeh anchor to us din opening pr aya tha acha bhala tha aaise kaise suicide mujhe bohut hairaani ho rhi hai
Ruba.... Oh yeh duniya h aapi kuch bhi hosakta hai yahan kabhi bhi
Arshi... Ahhhh khair jo bhi howa bohut bura howa khair kia kr sakte hain ammi ruba me chalti houn shaam me milte hain
Shaila... ALLAH ki amaan me jao beta
Or Shaila tv ki taraf hi mutawajja hoti hai puri trhan...
Ruba Arshi ko hath pkr kr rokte howe
Ruba... Aapi baat ki aapne bhai se
Arshi... Han aaj karloungi tum Dua krna k sab acha hojaye
Ruba... IN SHA ALLAH or aap bhi kab se duain kr rhi har namaz me dekhiyega hojayega sab theek
Arshi... IN SHA ALLAH Chalo bye
Ruba... Bye
...
To be continued.....