لقلوب تشتت ان الله قادر على اصلاحك❤️
قالت لي اسفه قلت ليها م مشكله يا جوريه اسفه م حتلم قلبي ولا حتجبر كسرى ع الاقل عرفتي يلا عرسك قالت لي عرس شنو غيث كلم اهلي اني م بنفع معاهو خالتو ناديه فجأه سرخت وقالت لا م تعمل ليها شي يا غيث قبل التفت فجأة حسيت بي يد بتشدني لورا رجعت ومصدومه خالتو ناديه شالت مؤتمن وقالت لي غيث غيث اوعه تضربها اوعه قال ليها انا رجعتها وحضني شديد وبقا يبكي خالتو ناديه قالت لي جوريه عليك الله امشي قالت ليها اصلا جوري منتضراني يلا العفو والعافيه ومرقت بي الكرسي ونادت جوري د كلو م انتبهت ليهو بس مركزه مع غيث ودموعو الملتني وكيف داسيني في حضنو قال لي ظلمتك. كتير انا والله ظلمتك قلت ليه م فهمت انت بتقول كده ليه فجأه مسك يدي وطلعنا فوق خالتو ناديه انبسطت شديد ومسكت أولادي وتلعب معاهم انا ماشه مع غيث خايفه يكون حلم واصحي منو قال لي تعالي ودخل فتح الابتوب وقال لي الفيدوهين ديل هزوني يا بنان شفتهم واحد كنت بحكي لي مؤتمن يوم داك والتاني لمن جوريه جات وقالت كلامها قلت ليه انا تعبت ليه رجعتني انت حتى م وثقت فيني قال لي اي راجل كان حيعمل كده صح قلت ليه انت ظلمتني كتير انت مجبور على وبتحب فرحه لي الان وهي بي اولادها ومبسوطين مع بعض م عارفه انت م طلقتني تلاته ليه قال لي عشان بحبك يا بنان ولمن جوريه جات ورتني د غيره والله غيره ولمن عاوز اعرسها اقسم بالله عشان اقهرك واوريك وجعي بنان انا بحبك اقسم بالله بحبك شديد عليك الله م تخليني م تمشي مني اعفي لي عن كل الوجع العشتي والله اكون اليك اب وام وخال وعم وكل م تشتهي بس انتي قولي بنان انا اسف على كل دمعه وكل اهتمام جا منك اسف يا بنان حضني شديد قال لي راضيه ابتسمت بخجل و.....
عدت شهور وكانت احلي شهور ف حياتي بدلع دلع وغيث م مقصر مني خالص كل يوم بجيب لي بلالين واندومي وكل يوم بي حاجات جديده ولي أولادي ملينا البيت فرح وضحكات ونسات ومرت اسيم بتجينا وبتنحنن مع بعض ونتلم الجمعه مع بعض في بيت أمي اشتقت لسميره وفاقدها وم عارفه الحاصل عليها شنو ف يوم قررت امشي ليها فعلا مشيت دقيت للجرس فتح لي مجاهد قبل اتكلم قال لي مشت لي سيد حقها د وقفل الباب طبعا بقيت م فاهمه شي جريت ركبت ركشه ومشيت العمارة جريت بس براحه بقيت ادق ف الجرس وقلبي بدق بسرعه شديدة وخايفه شديد فتح لي سيد دفرت الباب ودخلت قلت ليه وين وين سميره يلا وريني قال لي جوا يا بت قولي بسم الله جات سميره من جوا وقالت بنان اخيرا وجرت حضنتني وانا مخلوعه وبقيت اقول ليها اذاك عمل ليك شي وريني وريني يلا قالت لي د زوجي وقعدتني انا م هديت الا لمن حكت لي بقيت ابكي ع قصتهم الحلوه رجعت البيت مبسوطه ليهم ياخ دخلت حكيت لي غيث وهو انبسط نمت ف حضنو لمن الصباح يجي غلبني اقوم وم قدرت نمت تاني صحيت تاني المغرب استحميت وم قدرت انزل تحت غيث جا من الشغل قال لي ليه حبيبي م مشيتي لصحبتك ليه قلت ليه تعال مسكت يدو وقلت ليه حبيبي انا حامل بقا يضحك ويسرخ ويقول كذابه يا بنان انتي جاده لالا بتهظري صح شالني وجرا بي تحت وبسرخ يا امي يا مؤتمن يا ارم امي امي وانا بسرخ اكتر واقول ليه واااااااااي بولد يا ولد نزلني وبعلي هو المتخلف نزلني قال لي نمشي المستشفى؟ ها ردي ضحكنا كتير خالتو مدي ومرت اسيم جات من سواريخو وخالتو ناديه بزغرتو كانو اول حمل لي كنت مبسوطه شديد غيث طلع م عارفه وين قلت ليهم انا تعبانه حطلع فوق طلعت فجأه جاني مزاجي اتضبط استشورت شعري واتمكيجت كنت عاوزه انزل شفت غيث فتح الباب جريت حضنتو قلت ليه مشيت وين اشتقت لك قال لي حبيبي انزلي شوفي جبت ليك شنو لقيتو جايب لي طقم دهب لي ولي ارم ضحكت وبستو ف راسو قلت ليه ربنا يخليك لي يارب قال لي اللهم امين يلا م تنزلي كتير من السلم انتي ابتسمت قال لي م تنزلي قلت ليه انت عارف انا حاسه روحي يادوب قامت او جاني شغف اكمل حياتي الباب دق قلت اتفضل جات فاطمه شايله الشفع قالت لي مدام مدام ارم قالت ماما قمت على حيلي وجريت شلتها قلت ليها قولي ماما حبيبي م اتكلمت غيث شالها قال ليها لا م تقولي قلت ليه حقار د بكرهك جضمني قال لي بحبك ارم فجأه قالت بااب لا ماما لا.....
*_كلهم حاربو وكلهم اتوجعو وعاشو اوقات صعبه وكلهم اتخطو وقامو تاني وكان عندهم ايمان في ربنا وعزيمة انهم حيقدرو يتجاوزو انا رغم كسري بس اتخطيت مع غيث والجد البت بتحتاج راجل يسندها هي م بتكون بدون راجل كلهم وقفو مع بعض ومنهم لا ومنهم حاقدين بس ف النهايه عرفو ان ربنا م بخزل حد وتابو.*
*_بنان عاشت احلي عيشه بعد صبر واجتهاد منها وحفاظا على زواجها م كانت همجيه وصبرت على راجلها واتمسكت ورتنا انو مهما كان لازم نتمسك بالحاجة البنحبها ورتنا اننا نستعين بي ربنا في كل شي ورتنا حاجات كتيره وعزيمتها في الحفاظ على صبرها ورتنا انو الانسان بغلط وبصلح غلطو ورتنا كيف م نغلط في حق الناس عشان ربنا حياخد حقو بياخذ.*
*_قصه خزل جوريه ورتنا انو ربنا قادر يغير كل شي ف ثانيه وسط دعوة ورتنا انو القريب بطعن والغريب بطعن والباقي ليك بكون ربنا في وسط الشدايد.*
*_ملاذ عرفت كيف تكسب نسيبتها خففت هي الطرف والطرف التاني شد كانت بتخدمها واي شي امرك وحاضر لمن حبتها رغم قسوتها وقاص كان راجل وحافظ على مرتو وعشان عارف طبع امو قال لي ملاذ الا نرحل بس ملاذ كانت أقوى من انها ترحل عشان حاجه اذتها وقررت تواجهه حتى لو هي عارفه المصير بس م عارفه ربنا كان رايد شنو عاشت احلى سنين وعمر مع عائلتها.*
*_منصور لقا البستاهلها وحباها وم اتذكر بنان خالص وعرف ان العلاقه د عابره ومن خلال قصتو عرفنا ان م اي علاقه بتحب انك معجب بتاخد قرار لازم اول تستخير.*
*_ارم يا ارم ورتتنا كيف نتفاهم وكيف نجهز نفسنا للمواقف الزي د ماف زول بستحمل الحصل وحيهيج ويسرخ بس هس عكس فهمت ابوها وامها الاعترضو على السكوت ان هم م متفقين ولو عرستو حيطلقو وتخرب حياتها هي صح كانت بتحبو بس مرات الانسان لازم يضحي عشان سعاده الطرف التاني وياهو جاها ارجل راجل وحبها بالحلال وعيشها عيشه ولا في الخيال صح المشاكل كتيره بينهم لكن لمن فهمو بعض تاني م احتاجو لحاجه.*
*اتقرب لربنا لانو الموت م معروف بجي متين ودايما نحسن علاقتنا مع الناس خليك طيبان وم تأذي زول م اذاك ولاحتي الاذاك م تأذيهو ربنا قاعد... عليكم بالقرآن إذا ضاقت الصدور صلو واقرو قران بترتاحو*
*#بقلمي _انا _بنان _عماد.*
*#دعوه حلوه من قاع القلوب لو سمحتو.*
*#بنبن بتحبكم*
*النــــــــــــــــTheـــهــــايـــــه*
