....
في مكان تاني :
بفكر في البت الطقشتني وكيف اقدر اتصرف معاها كده من دون البنات يا الله يا منصور م معقول تحب من اول نضره اصلا لا طيب ليه حبيت قربها مني وحركاتها ولي زعلت لمن قالت لي اسفه ومشت ما اني حسيت بنصر ليه هي من دون البنات ارتحت ليها من دخلت الشركه وعدت ثواني وانا براقب حركاتها وم صدقت لمن سألتني انت المدير يارب م اكون حبيت د ما وقت حب..
.....
صحيت لبست ومرقت طوالي مع مريم البنات اوف اليوم مف وحده صحت مشينا الشركه قلت ليها عاوزه قهوه مع كرسون قالت لي طيب انتظري هنا قعدت وبقيت اتفرج بس شفت المدير نازل ومعاهو تلات رجال وبوريهم يعملو شنو ويصممو شنو نزلت راسي وانا بقول بنان لازم تمشي تعتذري عن موقفك حق أمس ف النهايه انتي بت والحاجهه د م صح مريم جات قالت لي بنبن القهوه كملت جبت ليك عصير وانا شاي قلت ليها طيب قعدت اكل وسرحانه في الف محل عن شغلي الخليتو وعن سميره وحكايتها المابدتها وعن المدير وعن اسيم وارم احي ياربي وعيت بصوت المدير بطلب قهوه قالو ليه خلصت قال ليه اعملو طيب منتظر شنو قمت قلت د فرصتي مشيت وقلت ليه لو عملت اعمل لي معاك لو سمعت قال لي حاضر عاينت لي المدير لقيتو م شغال بي قلت ليه مدير ااا قال لي منصور اها قلت ليه انا انا اسفه صراحه على موقفي الامس وم صح مني ك بت وكده قال لي د كلو عشان م تطردي مسكت اعصابي وقلت ليه انا م شغاله معاك انا موظفه طيران قاال لي اووووبا م شاء الله وجيتي اجازه ولا شنو قلت ليه لا استقلت وعن اذنك قال لي سامحتك وانتي كمان سامحيني انا ك راجل م مفترض اتقرب منك كده ابتسمت وقلت ليه العفو يلا سلام مشيت قعدت مع مريم وانا مبسوطه من للموقف العملتو رجع لي احترامي قالت لي بجد فخوره شديد هسي لو بت تانيه كان م هماها قلت ليها لا حيهمني دقيت لي ملاذ قلت ليها عندك فكره ناس رابع شغالين ولا لا قالت لي لالا م شغالين قلت ليها اوك تمام يلا انا حمشي السوق اجيب فستان لي ارم وانتي نظفي البيت ف المسافه د وانا حجي اظبط الشاي والكيك قالت لي طيب يلا بالسلامه قلت ليها الله يسلمك سلمت علي مريم ومشيت سامعه قال ليها مريم عندك شغل كتير اليوم قالت ليه اليوم عندي مناسبه م بقدر اسفه قال ليها طيب تمام ومشا انا ركبت العربيه ومشيت السوق اشتريت ليها فستان كنت مارقه لقيت لي علبه مكياج ياخ لمن فتحت نفسي قلت ليه بكم قال لي سبعين عاينت ليه بخلعه ومشيت زعلت لاني م جبت قروشي غشيت السوبر جبت كم بارد وكم علبه شوكلاته وكم كيك جاهز قلت بلا تعب ياخ 😆رجعت البيت ختيت الحاجات ف المطبخ ومشيت لي امي قالت لي توري ابوك وانا ما توريني قلت ليها انا وريتو بليل وبعدين انتو بتلوموني انا كأنو جاي يخطبني انا قالت لي امشي من وشي ضحكت ومشيت لي ارم قلت ليها طيري استحمي وتعالي قالت لي استحميت قلت ليها ملاذ وين قالت لي مشت المطبخ دخلت استحميت وجيت عملت لي ارم ماسكات لمن المغرب اذن مشينا جهزنا امي كانت متنشنه شديد جاتنا جاريه ملاذ قالت لينا الولد جا ومعاهو ابوهو واخوهو قلت ليها واي ارم قالت لي اسيم د ما جادي كيف يعني واي م قادره اصدق ضحكنا فيها وفي رجفتها وحماسها عدت نص ساعه امي جات قالت لي ارم ابوك بناديك انا اتوترت اكتر منها ارم لبست عبايه ولفت الطرحه ومشت ابوي قال ليها انتي موافقه علي اسيم؟ قالت ليه ايوه يا ابوي ضحك قال طيب اتقلي حبه ضحكو ابو اسيم سغالم شاء الله م شاء الله ارم كانت عاوزه تمشي اسيم قال بسرعه يا ابوي عماد ممكن نعمل الخطوبه بكره انا جاهز وعاوز اتم العرس خلال شهرين ارم قبلت قالت ليه م عندي مشكله قال ليها ربنا يرضى عليك فرحت شديد وجاتنا جاريه قالت لي خطوبتي زغرتن بقينا نزغرت والرجال بهناك يبشرو مشيت وديت العصير وسلمت عليهم ملاذ جات وختت الشاي ومشيت جبت الكيك وبديت اكب ف الشاي واسألهم كم ملعقه لمن جا دور غيث قلت ليه كم قال لي ما بشرب شاي قلت ليه طيب حابي تشرب شنو قال لي م عندي مشكله بس لو سمحتي اعملي قهوه قلت ليه أن شاء الله مشيت عملت القهوه بي القرفه ياخ لمن كبيت معاهو😹ما اني م بنجزب ليها بس غايتو مشيت وديت ليه قال لي تسلمي قلت ليه الله يسلمك ومشيت ليهم ف الغرفه بقينا نتونس وارم كل شويه تقول واي م مصدقه بعد كل السنين د لسه بحبني قلت ليها هي هو لاقيك وين كمان ملاذ قالت ليها م شاء الله ربنا يديمكم بعد طلعو اي وحده مسكت ليها شغله لمن نضفنا للبيت وكوينا الملابس وغسلناها ورتبنا الحته الساعه تلاته جات نمنا وانا كنت منتهيه خالص بس صحينا بصوت زول يدق الجرس والباب بطريقه تخوف انا لمن رجفت ملاذ قالت لي الساعه اربعه ونص د منو البجينا ف الوقت د قلت بيها م تتكلمي ارح ومشينا لقينا ابوي وامي طالعين وبقولو د شنو الازعاج د فتحو الباب من شفت المنظر وقعت ف الارض....
يارب الحيكون منو ف الباب؟
ود منو الامو غصبتو يعرس بت تانيه ودي حتكون منو؟
قصه سميره شنو؟
كل الاسئله حنلقا اجوبتها ف الحلقات الجايه..
والعُسـر مهمـا قسـي فـإن اليُسـر يتبعـهُ وعـد مِـن اللــه و هـذا الوعـدُ يـكفينـا..♥️
*...يتبع...*
