لبست وعملت ميكب هادي المهم اتجهزت ع الاخر بقيت افتش ف شبشب البسو م لقيت غير حق الصوف الابسه لفيت لقيت غيث بتريح قلت ليه جيت قال لي ايوه وناس امك تحت قلت ليه طيب يلا ننزل قال لي تعالي ناخد صورة قلت ليه سيلفي طيب وجيتو قربني مني ولف يدو حوليني اتصورنا كتير ومنهم بتهابل فيهم نزلت خليتو بكشح الريحه فيهو جريت على ارم حضنتها قالت لي وربي البيت مسيخ مسيخ عديل حضنت سميره ومريم شديد سميره قالت لي عروس عروس م بشوفو جعفر الكان عندنا ضحكت وهمست ليها م تخربي بيتي ضحكت سمعت صوتها بوراي قالت لي م حتسلمي على يعني قبلت وقلت ليها ملاااااذ جريت حضنتها لمن دورنا قالت لي بت براحه ضحكنا قلت ليها اشتقت لك جيتي متين قالت لي اقعدي اول انا وهي قعدنا مع بعض قالت لي مشينا اسبوعين دقو قالو اختو اتوفت وجينا قلت ليها لاحوله لازم امشي اعزي قالت لي عازرنك هم قلت ليها لالا برجع معاك اعزي قالت لي طيب ضيفتهم غيث نزل سلم عليهم لمن جا دور ارم الباب فتح وجات مره داخله ومعاها اسيم ارم وقفت بدون احس وقفت معاها ولقيت خالتي بتقيف المره دخلت المطبخ وجات شايله كبايه عصير ف يدها اسيم سلم علينا ارم كانت متوتره عاينت ليها قلت ليها تعالى جاات قعدت قلت ليها ف شنو قالت لي اتوترت من سلامو لي حسيتو غريب قلت ليها م تشتغلي بيه قالت لي طيب خالتو ناديه نادت المره سلمت علينا قالت لينا م شفتكم معليش قلت ليها لا عادي يا خالتو م مشكله قالت لي تسلمي يابتي خالتو ناديه قالت لينا د مدى مرت ابو غيث التانيه طبعا وام اسيم عاينت ليها تاني استغربت ف انفتاحها ف البيت وتعاملها العادي معانا والشبه من اسيم عاينت لي ارم الكانت مصدومه حرفيا كلنا اتصدمنا غيث قال ليها مرحب خالتي اتفضلي معانا قالت ليه تسلم وقعدت اسيم وغيث مشو الصالون للرجال امي بقت تتونس معاهم ونحن البنات مع بعض سميرة قالت لي م متوقعه حاجه زي د قلت ليها معقول غيث الوحيد عندها لالا كان عندها بت واتوفت واي لكن ملاذ قالت لي المشكله في اسيم وغيث نهاي م جابو سيرة ارم قالت لينا يا جماعه د خصوصية او حاجه حساسه امكن م عاوزين زول يعرفها او أمكن معتبرنها من مشاكل العائله وكده قلت ليها واي م لاحظت الحاجه د
*نحن دائما بنشوف الحاجه من طرفنا وم بنخت في بالنا الطرف التاني.*
ملاذ قالت لينا اطلعو من السيرة د بنان مش عندك مكوه قلت ليها لكن البتعمل كيرلي قالت لي بسس اي ارح فوق اعمل ليك كيرلي قلت ليها طيب يلا استئذنا من القاعدين معاهم وطلعنا فوق طلعت ليها المكوه قالت لي انا كمان ساكنه مع نسيبتي لكن شقه ف الطابق الفوق قلت ليها كويس احسن ليك من تقعدي براك قالت لي نسيبتي كعبه للأسف وبخيله وعندها المره لازم تكون واو وانا صراحه م بحب الهاي هاي قلت ليها عرفت جبتيني هنا عشان تحكي لي قالت لي م عندي زول غيرك أبتسمت وقلت ليها احكي قامت وفتحت الكوبس وبقت تعمل لي شعري وتحكي لي قالت لي من ايام العزا بتقول لي اتجيهي ليها حق تقول لي كده بس بحسها كيف كيف قلت ليها شفتي شفتي يا ملاذ لمن تختي انها كعبه بالجد حتكون كعبة ف نظرك وم حتقدري تكسبيها شوفيها حلوه حتقدري انا واثقه قلت ليها ممم طيب وانتي كيف نسيبتك والمره د قلت ليها يادوب شفتها يابت قالت لي لي نسيت وضحكت قلت ليها وانا بعمل في ايشادو ووقاص كيف معاك وأن شاء الله قدر الثقه ابتسمت ابتسامه عريضه قالت لي وقاص السرور والخاطر المجبور د بلسم لجروحي بنان انا حاسه ربنا خلي روحي تحي وتحس بشغف للدنيا تاني وبسببو ابتسمت وقلت ليها وقمتي قالت لي ايوه انبسطت شديد وبقينا نتونس وكل شوية تسألني انتي مبسوطه؟ لمن خلصت اتريحت ونزلت خالتو ناديه ابتسمت قالت لي نادي فاطمه من جوا قمت وناديتها جات ايوة مدام ناديه قالت ليها افرشي الغده مشت المطبخ قلت ليها خالتو كان تخلي بفرشو انا قالت لي لا والله قلت ليك الحنه لمن تطلع وتتحنني تاني م بتشتغلي قلت ليها لالا كده كتيرة وانا يا خالتو م بعرف اقعد ساي يعني لازم اقوم وادرش ابتسمت لي وقالت م غلطت رغم اني م فهمت بس ابتسمت ليها ملاذ قالت لي نسيبه السرور يا يمه أنتي تاني بتنسينا ضحكت وقلت ليها انساكم؟ قالت لي تافهه يعني خلاص نسيتينا ضحكنا لمن إذن العشاء صلينا واكلنا فاطمه لملمت العده كانت عاوزه تعمل قهوه بس ماما وقفت وقالت الزمن اتأخر قلت ليها اقعدي يا امي قالت لي اقعد شنو الوقت اتأخر وبعدين انتي حتجي بكره تعزي نسيبه اختك قلت ليها اي ان شاء الله.....
" من اعتاد على تجاوز حزنه بمفرده لن يؤثر فيه بقاء أحد أو غيابه ."
*...يتبع...*
