حبري اسود م تنتظر مني ارسم ليك قوز قزح 🖤
كان منتبه مع الشارع وانا مع التلفون وبفتح ف فيدوهاتي البتعاور فيها ومرات بتصور وشعري منكوش ومره باكل ومره ببكي ومره صاحيه من النوم ومره طالعه ومره جايه من المشوار يعني حرفيا عندي صور من كل الأنواع وقف العربيه وخطف التلفون وبقا يضحك بصوت قلت ليه غيث م تشوف لا قال لي شكلي اتورطت وضحك بقا بقلب ف الصور وكل صوره بتضحك أكتر من التانيه يااااافضحيتااااااااههههه قلت ليه غيث م تضحك قال لي اصبري انتي عايني دي كنت ماده بوزي وعامله حبتين وشعري لفوق😭وحاله كده م يعلم بيها الله بقا يضحك وكل م يشوف الصورة بضحك اكتر قال لي انتو والله يا البنات بتتصورو بطريقه عجيبه ياخ وضحك ياخ انا بقيت انبذ ف نفسي لي م مسحت الصور قرب مني وهو بضحك عاين لي ف عيوني مسافه عقد حواجبو واخد نفس دور العربيه ومشا قلت ليه اديني التلفون قال لي طيب دقيقه احول الصور قلت ليه لالا الله يخليك وبعلي د فضيحه لالا ي غيث ضحك وحولهم ولا اشتغل بي ورحز مع الشارع قال لي يلا انزلي وصلنا قلت ليه واو كان مبني كبير وعريض جدا قلت ليه اول مره اشوفو ف السودان قال لي تعالي مسك يدي ودخلنا حرفيا فيه كل شي قلت ليه د الاله البرقصو فيها ولا انا غلطانه قال لي ياها جريتو وجريت وقفتو وقفت قدامو يلا ارقص قال لي طيب شوفي واشتغلت الغنيه بقا يرقص بطريقه رهيبه الجهاز قال احسنت انت تتمتع بنساط فايق غيث قال ليه انت ن عارف كم عظمه اتكسرت بقيت اضحك جراني قال لي كما تدين تدان والغنيه اشتغلت وراب بقيت ارقص لمن تعبت نزلنا قلت ليه واي ارح هناك قال لي انتي مزعجه ارح نتمشي قلت ليه طيب بقينا نتمشي لمن غيث قال لي بتحبي السفينة؟ قلت ليه ابدا م بحبها ولا بركبها زاتو بتودخ بي ضحك قال لي تعالي قعدنا ف كحل اسكريم طلبت الفانليا وفراوله وغيث طلب مشكل قعدنا ناكل وبتونس معاي قلت ليه نفسي اقعد زي الرسام وارسم قال لي بالجد قلت ليه ايوه م قدرت اخلص الباقي قال لي في وافل هنا شكلو بشهي قلت ليه عندي كتير ف البيت ضحك قال لي جربي الهنا والنادل جاب الوافل ف صحن قلت ليه بجد بشهي قال لي شيلي الفراوله معا الكريمه والوافل متأكد حتتطلبي تاني ضحكت قلت ليه اكل معاي م حقدر اخلصو قال لي طيب دقيقه لو سمحت عاوز تكب شوكلاته هنا قال ليه طيب وجاب كب الشكلاته قلت خلاص حجبر بخاطرو واكل الشكلاته ما اني م بحبها بعد خلصنا قال لي تعالي اوريك د ومشا بي معرض كده قال لي تعالى فوق مشينا فوق علي الجهه اليمين دخلنا غرفه لقيت فيها لوحه المرسم حضنتو قلت ليه واي عسل انت وزحيت مشيت قعدت وبقيت ارسم حرفيا صعب انك ترسم بسهوله حتى الادوات عاوزه مسكه غيث قال لي بنان الساعه 11 يلا نرجع قلت ليه بس دقيقه دقيقه بسسس تعال جا قال لي بتتعلمي فيني ضحكت قلت ليه يلا نمشي ركبت نعست شديد م زي قبيل كنت مشاغبه نمت بدون احس
صحيت بزول بعضيني ف خدي قلت ليه غيث اه حاره قال لي عشان تاني تصحي قلت ليه حقار نزلت قال لي بنان دقيقه نزل وجا وقف قدامي قال لي لو في يوم زهجتي بس طقطقي لي انك زهجتي الباقي علي طيب حبيبي قلت ليه بصوت نعسان طيب شكرا علي اليوم الحلو د وحضنتو قربت انوم اصلا كنت نعسانه شديد حضني عليه قال لي يلا تصبحي ع خير باسني ف راسي قال لي يلا امشي ونومي طوالي اوعه تساهري دخلت جوا بتبسم واطوطح ساي ملاذ وارم كانو قاعدين بحضرو شافوني جرو علي قالو لي وبعلي غيث عمل فيك شنو بتتبسمي كده ضحكت قلت ليهم الولد د عسل ياخ هسي خلوني انوم دخلت جوا استحميت ورقدت نمت..
صحتني سميره الساعه 2 قالت لى متضايقه قلت ليها ها قالت لي بنان صحي النوم قلت ليها اخخ وقمت ملاذ وديل صاحين؟ قالت لي ايوه مشت برا شكلها مشت تناديهم استوعبت انها عاوزه تحكي جريت غسلت وشي اتحمست شديد مشيت المطبخ شربت مويه وحشيت مشيت الغرفه لقيتهم قاعدين سميره كان ظاهر ف وشها الضيق قعدت مريم قالت لي الفلم فاتك قلت ليها فلم شنو قلت لي مصاص الدماء قلت ليها م عافيه ليكم المهم اسكتو سميرة احكي قالت لينا جماعه انا متضايقه شديد عاوزه أفضى الجواي ممم حأحكي ليكم قصتي كلها عاوزه ابدا بدايه جديده خلاص كفايه نوم لي روحي عاوزه اقوم قلت ليها طيب حبيبي يلا احكي اخدت نفس وغمضت عيونها مسافه وبدت....
.........
*في مكان تاني :-*
اسيم انت جايبني ف الليل د ليه يا مان ققال لي م بقيت احبها زي زمان قلت ليه انت مجنون ارم اخت بنان م تجازف يا اسيم انت من الاول لو م عاوزها مختارها لي قام وقال لي قبل اطبزها مره وحده حمشي بكره احسم الموضوع قلت ليه م حمشي معاك قال لي لا صحبي لا بعرفك لو م مشيت امشي مع منو انا قلت ليه اسيم انت عندك وحده؟ قال لي ايوه عندي قلت ليه منو؟ قال لي........
هادئون جدًا وراضون بما كتبهُ الله لنا حتى لو كان وجعًا يقتلُنا ، فَالحمدلله دائمًا.
*...يتبع...*
