ثم طمأنينه تصيبك بعد عجز الراحه فيك يا قلب 🖤✨
بدت تمكيجني جات سميره قالت لي واااااااااااااااي من الرهابه قلت ليها تسلمي تسلمي قالت لي عاد ختبتي غيث ف فتيل قلت ليها واي اصبري لمن المكيب يخلص ملاذ قالت ليها سميره تسكتي ولا تطلعي بنان حتتكلم وم حتسكت ضحكت قالت ليها بقعد بدون اتكلم وقعدت اخيرا جينا للمرحلة الاخيره وهي الروج كانت عاوزه تعمل لي احمر فاتح وفيه لمعه سميره قالت ليها لا ياخ الروج م حلو كده اعملي ليها بنبي قلت ليها بريييييي م حلو قالت لي طيب د ادتني روج عنابي غامض قالت لي اها رايك قلت ليها حلو قالت لي حعملو انا قلت ليها سمح وعملتو لي قالت لي يلا قومي وم تنسي انك لابسه هيلز عالي ضحكت وقمت وجرتني لي المرايه الطويله قالت لي لمن اقول ليك قبلي قبلي تمام ضحكت قلت ليها متوتره خايفه م اطلع حلوه قالت لي ي بت انتي بتجنني بس بسم الله واحد جات ارم قالت ليهم هي امي قالت ليكم اطلعو وطلعو العروس قلت ليها واي اقبل جات وقالت لي بنان اوفرررررررررررررررر بصوت عالي. قلت ليها ي بت هي ملاذ قالت ليها زحي اتنين تلاته قبلت وانا منزله راسي رفعته ويا الله لمن ما عرفت نفسي قلت لي ملاذ وبعلي بنان وين بقو بضحكو قالت لي عاد تمام يا بنبن يلا شكلو غيث بموت اليوم ضحكت قلت عليها التسريحه كيف قالت لي ابدااااع وربي بس دقيقه طلعت لي خصل بي ورا قالت لي كده احلي يلا طلعت قدامي ارم وجمبي ملاذ وسميره اتوترت شديد ملاذ همست لي اني ابتسم قلت ليها متوتره شديد الناس كانو كتار وغيث قاعد ف الكرسي الطويل وابوهو ف الكرسي القصير وبتونسو امو كانت واقفه مع النسوان وبرقصو امي لمن شافتني زغرتت والناس شغاله تقول تبارك الرحمن تبارك الرحمن بصوت عالي اتوترت زياده وقلت اكون عاديه سلمت علي امو وشكلو م عندو اخت بقو يزغرتو ملاذ ومريم م قصرو غيث كان بعاين لي ابوهو وشكلو متوتر قعدوني جمبو خجلت شديد ابوهو قال لي إلله أكبر ابوي ابتسم وجا باسني ف راسي قال لي بتي قلت ليه ابوي انت جيت وحضنتو قال لي اصلا قلت لي امك حجي الليله وم تكلميها قلت ليه بتبالغ قال لي والله جو شندي محتاجك بس قلت ليه احيا لي يوم فيها ضحك غيث رفع عيونو وعاين لي جوا عيوني شويه ابتسم ابتسمته ليه بخجل بقينا متنحين ف بعض قال لي طالعه جميله قلت ليه يسلم ذوقك امو جات بقيت اتذكر ف اسمها م متذكره فجأه انذكرت قمت وقلت ليها خالتو ناديه وسلمت عليها سلمت على شديد وجرتني حضنتني قالت لي تبارك الله بس م شاء الله قلت ليها تسلمي ياه حسيتها فرحانه بي شديد فرحت من جواي والله قالت لي كيفك ان شاء الله كويسه قلت ليها كويسه الحمد لله بخير قعدت غيث قال لي ابوي قال نعقد قلت ليه سجمي ليه قال لي قال بقا عليك وعمو عماد وافق طوالي هسي هم مشو وانا قلت اكلمك قلت ليه كلو لخير أن شاء الله ابتسم قال لي شكرا لتفهمك قلت ليه العفو ياخ ومشا كنت حاسه احساس جميل شديد امي من عرفت بقت تزغرت والنسوان عرفن ملاذ جات حضنتني قالت لي م شاء الله سد مال يسد عين الشمس وزغرتت دموعي مسكتها غصب قلت ليها حاسه احساس جميل مزين بالتوتر قالت لي م شاء الله نسابتك م بتلقي زيهم امسكي فيهم قوي قلت ليها ايا والله قالت لي تعالي انا نسيت اعمل ليك مثبت مكياج قبل اعترض مسكت يدي وقومتني دخلت جوا قعدتني سميره جات قالت لي بختك والله قلت ليها بخجل انا قالت لي مبروك مقدما قلت ليها الله يبارك فيك ياخ قالت لي يلا هي عاوزه امشي اساعد الناس طلعت برا سمعت صوت طلق قلت ليها ملاذ عقدو عدلت الميكب وعملت لي مثبت تلفوني دق قلت ليها دقيقه شلت تلفوني لقيته غيث قلت ليه غيث قال لي حلالي عارف حتكوني عاوزه تحضري لحظه العقد انا سجلتو ورسلته ليك وجاي عليك انا م تمرقي من الغرفه قلت ليه انت عرفت كيف قال لي شايفك ماف يلا قفل ابتسمت ملاذ ضحكت ضحك قالت لي وااااااي شوقتيني قلت ليها والله عيشي حياتك قبل تتمرمطي ضحكت ضحك قالت لي عشان جربتي الاحساس يا وسخه الباب دق ودخل غيث وملامحو هاديه وابتسامتو وسعت لمن جيت عليهو ملاذ جرت برا وهي بتقول الا الجفاف لا جا على وحضني شديد بقيت ابكي وانا قلت م عاوزه ابكي بس والله غصب بكيت شديد ويادوب حسيت اني في زمه راجل حتى هو بقا يهدي فيني قال لي حتى انا م مستوعب اني خلاص عرست قلت ليه غيث انا م قادره اصدق حاسه اني فحلم قال لي اه بنان اوعديني م نسيب بعض قلت ليه بوعدك باسني ف راسي وقال لي يلا نمشي ابتسمت ابتسم لي وطلعنا بقو يزغرتو.....
-أحببتکِ بطريقه تمنيت آن يحبني بها آحد
*...يتبع...*
