....
سيد مشا عليهو وقع فيه ضرب لمن نزف جريت بقيت احجزو وبدي ف البوكس الفي وشو لمن نزف ف خشمو برضو قلت ليه سيد واي قوم يا سيد اخخخخ وقعدت م قادره اتحمل صدمات اكتر بقيت اخد ف نفس وعيوني طششو حضنت ولدي شديد حاولت اقوم م معروف مصيري حيكون شنو ولو اغمي علي سيد حيضربني لمن اقوم م كنت قادره اقاوم واغمي علي صحيت لقيت فارس ف حضني وراقده ف غرفه ومغطيه ختيت فارس وجريت بره بعد استوعبت دموعي م قدرو يجرو كنت مصدعه وراسي حيطق طلعت لقيت سيد قاعد ف الكرسي ومغطي وشو بي يدو جيت بحركة بطيئه وأخذت نفس رفع راسو لقيت وشو محمر وببكي قام وجا علي رجعت لورا وغطيت وراسي بي يدي قلت ليه عليك الله م تضربني بكاء بصوت لمن أتخلعت عاينت ليه بقا يبكي بصوت لمن قعد ف الارض وببكي لمن قطع قلبي قعدت جمبو. مسكت كتفو قلت لي سيد انت كويس سيد انت ليه بتبكي سيد رد لي دموعي جرو وبقيت ابكي معاهو قال لي اعفي لي يا سميره م تخافي مني انا ودوني للعلاج ف الاردن ودموعو جرو قال لي انا جننوني يا سميره جننوني امي وابوي انتقمو فيني اخخخ وجننت ابوك وامك وقتلتهم سميرة اعفي لي انا السنين د كلها م قادر اواجهك سميره اعفي لي عليك الله اعفي لي قلت ليه قوم يا سيد م اتعودت عليك ضعيف قوم قام ومسح دموعو قال لي اعفي لي يا سميره قلت ليه عافيه ليك والله قال لي قومي نصلي يلا قالت لي سيد انت متأكد اتعالجت ابتسم ابتسامه باهته قال لي وشنو الفايده لو قتلت روحين سميره انا م مرتاح الا لمن عفيتي لي هسي قلت ليه انا مبسوطه شديد انك اتعالجت دخلنا اتوضينا ومرقنا قلت ليه م حقدر اقعد معاك كتير والمشكلة م عندي بيت اقعد فيهو الا أجر سكت مسافه وقام طلع استغربت منو سمعت صوت فارس ببكي جريت عليو وقلت مجاهد الحصل ليه شنو شلتو ورضعتو ونومتو تاني رقدتو ومرقت لقيت سيد جا قلت ليه مجاهد عملت ليه شنو قال لي بعد اغمي عليك فكيتو وجريت عليك هرب هو وانا رقدت جوا بس قلت ليه طيب قال لي سميره اسف قلت ليه ف شنو قال لي احكي لي حياتك كلها قلت ليه طيب وبقيت احكي ليه من هربت منو....
------------------------------
جريت وراهو لقيتو شال هدوم مؤتمن قلت ليه م بتسوقو قال لي زحي مني وجراني دخلني الغرفه وقفل الباب بقيت ادق ف الباب واسرخ افتح الباب يا غيث افتحو افتح ياااااخ لمن حسيت بيه زح يدو فتحت الباب لقيتو ماف جريت تحت لقيتو شايلو ومارق جريت عليهو قلت ليه م بتشيلو يا مؤتمن ومسكتو من يدو زحاني بأقوا ما عندو وقال لي اوعه تهبشيني يا نج...بقيت واقفه وم قادره اتحرك لمن وعيت قاويتو الا مؤتمن با غيث م بتشيلو خالتو ناديه قامت وقالت ليهو م عافيه ليك لو شلتو منها بالطريقه د غيث عصب شديد لدرجه شدا على يدي شديد حمر لي قال لي حيحضر العرس يا استاذه ومرق شلت مؤتمن وبقيت ابوس فيه وابكي حبيبي م بخلي ابوك والثعلبه د تشيلو نهاي م بخليها اخخ وحضنتو خالتو ناديه قالت ف سرها اخخ من حشا الام اخخ من نزيف قلب الام ربنا يصبرها شالت ارم وبقت تنوم فيها مسحت دموعي ونهاي م زحيتو من حضني حتى الصلاه بصلي بيهو....
*في ملامحك اتخيل وكأن شيء ما يجذبني لك اكثر ف اكثر ولا اعلم م هو..*
*...يتبع...*
