لا تجتهد لتصديقك واقعك كن في حلم ثم واجهه🖤
قال لي انتي حره من اللحظة د انتي طالق صح بقولو كده ط طالق طالق وشال المسدس وقال ليه يا عم لو ما مت قبيل هسي موت عاينت لقيت ابوي ابتسم لي وهمس لي اهربي ورفع اصبعو للشهاده بس السيد قتلو عاينت لي بكل وقاحة وقلت ليه حرام عليك َجريت منو جريت وم عارفه وين وكل م اتذكر منظر ادم اسرخ لمن الناس قايلني جنيت من وين اجيب قوه اتخيل بس تخيل ان اهلي ضاعو فيها من وين اجيب قوه نفسي قام وانا بجري وقفت وبقيت اخد ف نفس منظر ابوي جاني وامي لمن فتحت الستارة يا الله جريت اكتر وببكي وم شايفه قدامي كان ممكن عادي اعمل حادث وصلت بيت بنان الشالني ليه القدر ثم رجولي دقيت ليها كتير لمن فتحت....
الباقي انتو عارفنو ممم م تعاينو لي كده عارفه م حتصدقوني اخخ ارتحت شديد يا جماعه..
" لا أستطيع أبداً أن اكشف للناس عن ما يجول بخاطري من أفكار بشكل كافي، حتي لا يبتعدوا عني هلعاً ورعباً "
------------------------------
لمن خلصت م قدرنا نتكلم كلنا حسيت ف قوه لبستني بقصتها د يعني لو زول كان جنا وهو بشوف أمو وابو غرقانين بالدم كلهم
بعاينو ليها بصدمه اتقدمت وحضنتها قلت ليها انتي اعظم زوله ف حياتي أقوى بت عرفتها سميرة انتي زوله صابره صح ف فتره من حياتك اكتئبتي بس رجعتي بسرعه ملاذ قالت ليها انا انا م قادره اصدق د كلو معاك يعني يعني لو حصل كنت حعمل شنو يعني حكايه كدة تحس انك ولا شي بنسبه لوجعك ارم قالت لينا لا هى قوية سميره سميره قالت بيها نعم ارم قالت ليها حابه تقومي متين حابه تعيشي متين حابه تخلي روحك تنشط بتين يرجع الشغف التاني بس قول متين ونحن بنساعدك قالت لينا مم حابه أقوم خلاص تعبت من الالم عاوزه اضحك خلاص حضناها كلنا وبقينا نتونس نمنا بعد قررو انهم حيمشو الشركه لي سميره قلت لي سميره سميره قالت لي اها قلت ليها السيد م غلطان لأنك زي م قلتي جننوهو يعني عقلو ناقص يعني ما واعي لتصرفاتو ممم صح هو جرحك كتير بس اكيد بحبك صح عزبك بس بحبك ملاذ قالت ليها ممم صح كلام بنان السيد م واعي لتصرفاتو وزي م قلتي عندو انفصام
*ماذنبي ان حبي قد تجاوز حده واصبح جنون*
ارم سكتت مسافه قالت بجد صح طيب زي م قلتي انه قال ليك انا كمان جيت هنا مريم قالت لينا وزي م قلتي انتي قعدتي يومين وفي اليومين ديل ادوك حبوب وعزبوك ف ما بالك بيه هو اكيد حيكون عقلو نقص اخخخ سميره قالت لينا شباب عاوزه اعترف ليكم ان كلامكم صح هو م ذنبو وعاوزه اعترف ليكم بحاجه قلنا ليها اها قالت لينا ممن انا للان بحبو الساعه د بحبو شديد قلت ليها اخخ بس لو كان عاقل💔قالت لينا حدفن حبي ارم قالت ليها مستحيل الحب يتدفن مستحيل تقدري تتخلصي من الحب مريم قالت ليها مف شي مستحيل انتي يا بنان مش اتخطيتي عامر مش حبك ليه اتخلص وانتي يا ارم مش حبك لي اسيم خلص ارم قالت ليها مستحيل لا م خلص قلت ليهم خلاص يا شباب ارح نجهز الشاي ونرقد ننوم ملاذ قالت لي خلي نحن بنجهزو انا وارم لانو عندنا جامعه واهو الشمس شرقت قلت ليهم م تمشو الليله لانكم م نمتو قالو لي طيب ملاذ قالت لي ما اني م بحب اغيب بس لو مشيت م حفهم حاجه قلت ليها طيب نومو مريم قالت لي مف طريقه يلا يا سميره وقامو مشو استحمو وانا رقدت جمب ملاذ قلت ليها ملاذ تفتكري حيرجع ليها تاني قالت لي لو رجع م حنخليها تمشي للعذاب صح بتحبو واي شي بس هو بعتباارو الان مجنون قلت ليها اخخ وبعدين زي م قالت طلقها تلاته طلقات يعني م بقدر يرجعها الا تعرس واحد تاني وياخ موضوع قالت لي احي نسيت قلت ليها يحليلو قالت لي بنان مبسوطه مع غيث؟ قلت ليها شديد قالت لي انا الراجل قال حيعمل عقد لو ابوي وافق قلت ليها م شاء الله ربنا يتم ليك ع خير قالت لي اللهم امين يلا اسكتي عاوزه انوم ضحكت وقبلت لقيت ارم بتتقلب قلت ليها ارم مالك قالت لي اسيم م دق اليوم ودقيت هسي م برد قلت ليها بكون مشغول م تشيلي هم قالت لي طيب نومي قبلت بقيت اتذكر ملامح غيث لمن مريم مرقت قالت لي ساعه صاحيه قومي اعملي الشاي قلت ليها لالا نايمه نايمه انا ونمت بالجد بقو يضحكو فيني...
صحيت بتلفون من غيث قال لي مساء الخير قلت ليه مساء النور الساعه كم قال لي اتنين قلت ليه اخخ نمت كتير قال لي عوافي قلت ليه غيث مالك.؟ قال لي بنان امم قلت ليه فشنو قال لي الدنيا اصلا بتفرق وفانيه فهمتي ف عاوزك تكوني قويه مهما كان يلا اوعديني قلت ليه أن شاء الله بس ليه الكلام د وترتني حصل ليك شي ولا لزول قال لي حبيبي هسي مشغول معسلامه وقفل اتوترت زياده وبقيت مستغربه ف شنو قمت دخلت الحمام استحميت ومرقت لميت شعري لفوق بعد سلكتو ومرقت برا خليت ملاذ نايمه لقيت ارم ف المطبخ وبتاكل ف وافل قلت ليها اه ي خاينه ليه م تصحيني عملت شاي وجبت وافل وقعدت قصادها قالت لي امي مرقت قلت ليها بتوتر مرقت وين قالت لي لأختها قالت عيانه ولمن تصحو تعالو قلت ليها ارح اصلا اشتقت لخالتي قالت لي م نمشي هسي خلينا نمشي 5 قلت ليها سمح م قادره انظف ولا عندي مزاج قالت لي ولا انا اصلا البيت م وسخان قلت ليها صاح انا كمان قلت كده يا بت البيت من متين م اتنظف قالت لي بنان مالك متوتره قلت ليها ياخ غيث حكيت ليها قالت لي ممم م تخافي كلو لخير قلت ليها أن شاء الله ياخ فجأه سمعنا صوت الجرس قلت ليها معقول د امي قالت لي لا م اعتقد قلت ليها دقيقه طيب مشيت لبست توب واديت ارم توب ومشيت افتح الباب اتخلعت وقلت اسيم بسم الله غيث كمان واي مالكم ف شنو.......
" أريد أن يكون هناك إنسان على الأقل.. أستطيع أن أكلمه في كل شيء.. كأنني أكلم نفسي"
*...يتبع...*
