بعد النظافه وغسيل العده والجرسه رقدنا ف الصاله عشان كبيرة جوريه قالت لينا هي ارح نبيت ف السطوح قلت ليها ارح طوالي قالت لي حنشيل مراتب فوق قلت ليها طيب يلا شلنا المراتب وطلعنا فوق البنات متحمسين شديد قعدنا سميره قالت احم طبعا الجو مساعد نعمل جلسه اخويه وافقنا بحماس وقعدنا جمب بعض كالعاده قلت ليهم ابدو من ملاذ لمن تنتهي الدائره ملاذ قالت طيب قلت ليها يلا قالت انا زمان كنت بقول الرجال بتغيرو وم بثبتو وكلمتهم م واحده وكلهم واحد وم كويسين وبغدرو بي البنات مفتكراهم بلعبو بس وحتى العرس بعد يعرسو بتغيرو ف كنت بكره العرس وبكره النسابه
حرفيا البت بتترعب من فكرة نسابتها م كويسين فاهمني يعني اي بت بتخاف تعرس عشان النسابه واكبر اسباب الطلاق من النسابه ف كرهت شي اسمو عرس لمن جا وقاص كنت مفتكرهه انو بلعب لان هم غنيانين شديد ياخ لمن تقولي نحن منو ولا ديل منو كنت بكرهو برضو عشان امو متكبره شديد وشايفه ان عندها مال قارون ف كنت بتجنبو كل السنين د لمن جا وصارحني وبالجد طلع راجل احم قلت ليها م عارفه اقول ليك شنو بس كلامك صح والله هسي م عارفه نسيبتي كيف غايتو الحمد لله بس مريم قالت لينا خلو سميره تحكي سميره قالت انا م عندي شي بس ف واحد ف الشركه مضايقني واشتكيتو للمدير وطردو من الشغل ارتحت يادوب قلت ليها عشان كده بتجي منفسنه كل يوم قالت لي اي ملاذ قالت لي وانتي قلت ليهم مافي شي والله قالت لي طيب جوريه احكي ضحكت قالت ليهم نعست انا قلت ليها طيب ننوم رقدنا ديل نامو حسيت بحركه رفعت راسي لقيتها جوريه قمت ومشيت عليها لقيتها صاحيه وسرحانه قعدت جمبها قلت ليها مالك قالت لي بحبو وبحبها قلت ليها م فهمت قالت لي بحبو وهو بحب وحده تانيه قلت ليها جوريه قامت ومشت جريت وراها ومسكت يدها قلت ليها انتي بتهلكي نفسك في علاقة م حتكون اخدت نفس وقبلت قالت لي تعبت من الحب من طرف قلت ليها جوريه انتي من متين بتتهزي من حب؟ صح هو متعب بس اتجاهلي يا جوريه قالت لي المشكله هو حبي الاول قلت ليها ولا والله م مشكلة بس انتي اتخطي قالت لي طيب كيف قلت ليها هو لو عاوزك كان عاين ليك هو م عاوزك ولو عاوزك كان م حبا بت تانيه قالت لي كنت ميته فيه انا كرهتها شديد قلت ليها جوريه انتي من متين بتكرهي بت عشان الحب قالت لي بنان كيف ما اكرهه وهو حبي الاول يعني انا معاهو كم م عاين لي اخخخ قلت ليها انسى الموضوع انا متأكده انك حتتجاوزي قالت لي بتمني أتجاوز حضنتها ومشيت رقدت بقيت افكر كيفية يعني جوريه تعاين لواحد م بعاين ليها يعني حيرتني بالجد نمت وانا بفكر عدة الاسابيع مع الطلعاات عشان اخر اسابيع لي معاهم وداعاً العزوبيه والبوره لمن طلعنا على المزرعه كنت متحمسه شديذ ومتوتره وعاوزه اعيش كل لحظه دخلو ملاذ و وقاص مع بعض الزغاريت د ملت المزرعه كلها الناس هججت وخصوصا لمن دخلنا نحن بقو يزغرتو ويصفرو ومنهم يكبرو اشغلت الاغاني والفرح الكان ف وجهه امي وابوي م شفتو قبل امي كل شويه بتبكي وبتزغرت غيث قعد جمبي وع يدنا الشمال ملاذ ووقاص الناس جات باركت غيث قال لي انا حمشي قلت ليه طيب يلا ابتسم وقامو هو ووقاص وبشرو لمن وصلو نهاية الصاله انا حبيت نظام الصاله والانوار حبيت الكوشه والكراسي وكل شي قمنا انا وملاذ وربينا مع بعض اليوم خلص مع الوداع والبكي انا بكيت وم عارفه بكيت لشنو كنت مبسوطه سافرنا انا وغيث الأردن...
”اخاف دائماً من حقيقة ان هناك شيءً ما في
حياتك تعتاد عليه ثم يختفي فجأه ولن يعود ابداً“.
*...يتبع...*
