*و يبقـى السـؤال ؟ هـل نحـن آحيـاة ، أم نتنفـس فقـط ,🖤.🥀*
........
الله أكبر الله اكبر لا اله الا الله.... الاذان سكتنا كلنا وانا سرحت بعيد السيد كيف يعمل فيهم كده كنت مصدومه ومتخيله كلامها خيال وانها كذابه بس بمجرد م أقول كذابه بحس اني تافهه وبضحك على مواجع الناس حسيت بأحساس موجع جدا احساس صحبتك تعيش الالم الانت قلت خيال يعني من كتره ما حاره لمن م قدرت استوعب طيب لو عشتو؟ لو حصل لي؟ لو ضقت نص منه وعيت بصوت ارم بتقول لي بنان الصلاه يلا كلنا اتوضينا قلت ليها اا طيب دخلت اتوضيت ومرقت صلينا ورقدنا سميره جات رقدت جمبي قلت ليها سميره حتمي حكايتك متين قالت لي بكره هسي م قادره اشوف قدامي قلت ليها طيب نامت فضلت صاحيه وبفكر ليه سميره م انهارت زي الاول من وين ليها القوه د بعد ضعفها الشفتو من وين نمت وانا بفكر كيف جابت كل القوه د قوه التحمل والصبر على الشدايد والرضا صحيت بصوت امي بتهرج قومن يا بنات الساعه خمسه قومن كفاكن نوم قلت ليها امي والله ساهرنا لي خمسه بنظف تعبانين قالت لي عاد ديل عندهن جامعه وخلوها ومريم الشغاله م مشت قلت ليها احي ي امي عاوزين ننوم ملاذ قالت ليها امي والله تعبانين قالت لينا خليتكم قفلت الباب قلت لي ملاذ افتحي المكيف القفلتو امي د قالت لي بنان انا م قادره اقوم ولا ارفع اصبعي زاتو قلت ليها هو فوقك انتي قالت لي يا الله منك قامت فتحتو شدينا البطاطين ونمنا تاني صحينا الساعه سبعه مصدعين شديد بلعنا بندول وفوقنا قلت ليهم د نومه المغارب قالت لي بالجد كعبه الصداع لمن راح مرقنا م لقينا حاجه نعنلها ارم غسلت ومريم نشرت ملاذ كبت الغده وجابتو لينا قالت لينا وحده فيكم تتكرم تعمل عصير قلت ليها عصير شنو انا نفسي في فانتا قالت لي طيب امشي جيبي من الدكان بسرعه م يبرد قلت ليها سمح شلت توب امي وقروش ومرقت لقيت شاحنه مكتوب فيها وافل بالشكلاته قلت ليه يا عموو نزل وجاني واحد من البنزلو الكراتين قلت ليه عاوزه كرتونة قال لي طيب وراني السعر ودفعت شلتها واشتريت البارد ورجعت البيت ملاذ قالت لي بتبالغي قلت ليها بطلي انا م اتأخرت سميره قالت لي عشان نحن جعانين المهم د شنو قلت ليها وافل لقيت شاحنه ماشه اشتريت منها ارم قالت لي عافيه منك قلت ليها باكلو براي قالت لي سمح ارح نحن جعنا ختيت الكرتونه ف السرير ومشيت غسلت يدي وجيت بدينا ناكل بسم الله طبعا د جوعه من عشاء امس بعد خلصنا انا غسلت العده ولملمتها مريم بقت تكوي ونحن بنونس فيها سميره قالت لينا بنات عاوزه اشتغل قلت ليها تشتغلي شنو وليه قالت لي عاوزه امسك فرع المحاسبه ف شركه او سكرتيره قلت ليها جميل لكن متعب مريم نطت قالت ليها جميل شديد يا سميرة نمشي انا وانتي بكره لي المدير اصلا عاوزين محاسبه تمسك الفرع قلت ليها كده اقعد برأي ضحكو قلت ليهم صبرا كان ما رجعت شغلي ملاذ ومريم بقو يضحكو قلت ليهم اي اضحكو مريم قالت لي ع اساس غيث حيخليك فجأه اتذكرت اني معرسه قلت ليهم والله نسيت غيث زاتو دقيت ليه غيث كيفك قال لي كويس الحمد لله انتي كيف قلت ليه بخير يعني الا ادق ليك أنا قال لي معليش بس كنت مشغول قلت ليه طيب خالتو ناديه كيف قال لي كويسه الحمد لله انتي كيف محتاجه حاجه ولا ناس البيت محتاجين قلت ليه لا جزاك الله خير م بتقصر قال لي الله يديك العافيه اها يا بنان انا راجع من الشغل هسي بصل البيت واجي غاشيك قلت ليه ليه سجمي ضحك قال لي سجمي شنو خاطفك انا قلت ليه لالا بس اتخلعت قال لي عاوز اطلع معاك قلت ليه لالا م... قبل اتم قال لي حعمل حادث بالطريقه د يلا اجهزي وم تلبسي شاذ وقفل قلت ليهم الحقوني ملاذ قالت لي ف شنو قلت ليها غيث قال جاي سايقني مشوار وانا م مجهزه حاجه وعايني شعري عامل كيف حالتي بالبلاء والمشكله بيتهم جمب اسيم يعني م بعيد قالت لي سجم السجم سميره قالت لي قومي استحمي حنطلع ليك لبسه حلوه قلت ليها سمح لميت شعري لفوق ودخلت استحميت وطلعت لقيتهم اسكيرت اسود منفوش ومطبق كم مره عرفتو؟ مع تشرت ابيض وفيه رسمه وجكت جنز وبود اسود واكستسوارات بالفضي م حبيت الاكستسوارات طلعت طقم الفضة ختامه كتيرة لبست ولبست ساعه سوده فتحت ليهم الباب قالو لي يلا تعالي قعدت ف كرسي المرايه سميره استشورت لي شعري قلت ليهم م قايلاكم خطيرين كده ياخ اللبسه عجبتني شديد ملاذ قالت لي د ذوق ارم قلت ليها واي ما اتعرفنا يا بت لميت شعري وحده وملاذ جات فتحت الدرج قالت لي ماشين وين انتو قلت ليها امكن مطعم قالت لي مطعم ممم أو امكن شارع النيل او كده ف م حعمل ليك ميكب كتير وخصوصا ان اللبسه م حلوه مع ميكب كتير خططت لي حواجبي وعملت ايلاينر المهم حاجات بسيطه وعملت روج كبدي كنت متوتره شديد لفيت الطرحه قلت ليهم حلوه كده ملاذ قالت لي ليه مضهره شعرك بي قدام قلت ليها كده احلي ياخ قالت لي هوى ما البساطه د السبيبه بجمره قلت ليها يخ نفسي ارم قالت لي العني الشيطان وتعالى احجبها ليك فعلا استعذته وجيت قلت ليها بضبطها برأي حجبت الطرحه قلت ليهم رايكم قالو لي فضيهه واللبسه حاجه تانيه قلت ليهم ظاهر اني عروس قالت لي ظاهر انك مخطوبه عروس شنو ويدك مافيها حنه ضحكت ومرقت قلت اكلم امي سمعت صوت ف الصالون مشيت لقيت غيث معاهم وبتونسو جريت الغرفه...
.......
لمن قلت ليها نطلع عشان سمعت امي بتتكلم مع خالتي وبتقول ليها المره بتحب الحوامه مع راجلها وم بتحب الراجل البحبسها فكرت كده لقيت نفسي مقصر ف حق بنان دخلت صليت واستغفرت ربي وقلت ابدا صفحه جديده معاها واستغفر عشان انا معرس وم صح افكر في فرحه زاتو مرقت الشغل وقلت بدق ليها بعد اخلص ونسيت اتذكرت لمن كنت ف العربيه وراجع البيت دقيت كلمتها قبل تاخد عذر منعتها وقفلت م عارف مالي بس حسيت انها مسؤليتي ولازم ادير بالي منهاا طول الطريق بفكر فيها لمن وصلت بيتهم دقيت الباب فتحت لي خالتو نسيبة قالت لي اا غيث حياك انادي الوالد بس وقفلت ابتسمت لذوقها وتعاملها الراقي شويه فتح لي ابو بنان م متذكر اسمو سلمت عليه قال لي حياك يا راجل بتي حياك دخلني الصالون وبقا يونس فيني ياخ ضحكت ضحك حكاويهو بتضحك ماانو ظاهر عليه صارم جدا بس فيه ملامح حنيه جات خالتو وقدمت لي العصير قلت ليها م كان في داعي والله وقعدت قالت لي ان شاء الله م يكون ف حاجه قلت ليها لا خير يا خاله بس جيت استئذن عشان طالع مع بنان ابوها قال لي بدهشه انت راجلها مفترض نحن النستئذن م اسمع كلام زي د تاني حياك ف اي وقت د مرتك ف النهايه يعني م بت عابره ابتسمت قلت ليه تسلم يا ابوي انبسط وبقينا نتونس أثناء م بنتونس كنت عاوز اقول ليهم حستئذن بعد د امشي نادو لي بنان بس لمحتها جات شافتني وجرت ضحكت ف هبالتها مفترض تجي تسلم م تمشي وقلت لي امها ناديها عشان م نتأخر......
لمتني من سكة غياب،،، رغم إني چيت عابر سبيل 💛
*...يتبع...*
