ရှောင်ရီက တွားသွားပြီး ယာဥ်မောင်း
ထိုင်ခုံနေရာမှ တံခါးကို ဖွင့်လိုက်ချိန်
မသိစိတ်ဖြင့် ရှောင်ရှားပေးလိုက်ရင်း
လုကျိုး အရမ်း အံ့အားသင့်သွားတယ်။
တဆက်တည်းမှာဘဲ လုကျိုးကိုမိုးရေ
တွေထဲ မတ်တပ်ရပ်စေလျက် တစ်ယောက်တည်း ထားခဲ့ပြီး ရှောင်ရီ
ကားမောင်းထွက်သွားတယ်။
လုကျိုး :"........"
ဒီအဆင့်အထိ ခုလိုမျိုး အစော်ကားခံရတာက သူ့ဘဝမှာ ပထမဆုံး အကြိမ် မို့ လုကျိုး
တစ်ယောက် စကားတောင်မပြောနိုင်ဘဲ
ဆွံ့အနေခဲ့တယ်၊ သူခဏလောက် စဥ်းစားပြီးမှရုတ်တရက် ဒါက အဓိပ္ပါယ်မရှိဘူးလို့
တွေးလိုက်မိတယ်။
" ကောင်းတယ်, အရမ်းကောင်းတယ်, "
လုကျိုး အမှောင်ထဲဆီသို့အော်ဟစ်နေလိုက်တယ် ;
"ဒီက နေ ထွက်သွား !!"
ခဏအကြာတွင် ကားနောက်မြီးလေးမှ
မီးလေး မှိတ်တုတ် မှိတိတုတ်ဖြင့် SUVကားက တဖြေးဖြေး နောက်ပြန်ဆုတ်လာတယ်။
ရှောင်ရီ ခရီးသည်ထိုင်ခုံတံခါးကို ဖွင့်ပြီး
လုကျိုး ကို တချက်ကြည့်လိုက်တယ်။
" ကားပေါ်တက်!!" ရှောင်ရီ ပြောလာတယ်။
လုကျိုးရဲ့ စိတ်ဆန္ဒတွေ စက္ကန့်ပိုင်းမျှ ဝေဝါးနေတယ်၊ အမှန်တကယ်တွင် ထို ကိစ္စတွေက
ရှောင်ရီနဲ့ ဘာမှမဆိုင်ဘဲ သူ့ကိုယ်ကကံဆိုးနေခြင်းသာဖြစ်တယ်၊ အခုအချိန်မှာတော့ ရှောင်ရီက သူ့ရဲ့ ဒေါသတွေ ပုံချစရာပစ်မှတ်တစ်ခု ဖြစ်လာခဲ့တာဘဲ။
လုကျိုး ကားထဲသို့ ဝင်လိုက်တဲ့အခါ,
ရှောင်ရီရဲ့ အမူအရာတွေ အလွန်ထူးဆန်းနေတယ်၊ စတီယာရင်ကို တောင့်တောင့်ကြီး
ကိုင်ပြီး အသည်းအသန်ရှိုက်ငို နေတယ်။
လုကျိုး ရှောင်ရီကို အသေအချာကြည့်လိုက်မှ ရှောင်ရီ တစ်ယောက်မျက်ရည်တွေ
စီးကျနေတာကို သူတွေ့လိုက်ရတယ်။
"မင်း ယောကျ်ားမဟုတ်ဘူးလား ?"
လုကျိုးက ရှောင်ရီငိုနေတာကိုမယုံနိုင်စွာဖြင့် ကြည့်ရင်းပြောလာတယ်။
"မင်းက ခုနကိစ္စကြောင့် ငိုနေတာလား ?"
" ငါတောင်းပန်ပါတယ်လို့ ...ပြော!!"
YOU ARE READING
ကိုယ့်ချစ်သူလက်ထောက်လေး (Complete)✅✅✅
Romanceအနုပညာလောကမှ ပုရိသနတ်ဘုရားနှင့် သာမန်လက်ထောက်လေးတို့ရဲ့အချစ်ဇာတ်လမ်းလေးပါ
EP12(U&Z)
Start from the beginning
