لفت مي على غايه وسمر وهي مبتسمه : عندكم سطح ؟
ضحكت غايه : تحبين السطوح
ضحكت مي : ماكان عندنا غيره انا وشوق
ضحكوا البنات وطلعوها لسطح الدرج وطلعت مي وهي تشوف السماء وتشوف النجوم وضحكت تتذكر كلام غرام " كلما ضاقت فيك ناظر النجوم وناديني واجيك " عضت شفتها وهي ماتدري وش شعورها تجاه هو حُب اعجاب ماتعرف توصف شعوره اخذت جوالها ودقت عليه ولا رد وعقدت حاجبينها ورجعت دقت ولارد ورجعت ثالث مره تدق بخوف ولا رد وفتحت الواتس وكتبت له " عزام وصلت؟ تكفى طمني اتصلت عليك مارديت لاتتركني خايفه "
سكتت شوي تفكر وبعدها اتصلت على شوق فيديو وضحكت من ردت شوق وهي تضحك : ياهلاااا
ضحكت مي وعقدت حاجبها بخوف : انتوا فالمستشفى ؟
شوق لفت الكام على لميس الي جالسه وتاكل وبيدها المغذي ميلت راسها مي من حست بضيق : لميسي حبيبي كيفك الحين؟
هزت راسها مي تطمنها وقربت شوق منها تعطيها الجوال وكملت لميس : بخير ياعيوني لاتخافين انا بخير والنونو بخير
ابتسمت مي : كيفكم بنوتاتي واحشيني مرهه
تقدمت ريماس وهي تضحك : مي ترا سرقت فراشك
مي ضحكت : ياويلك برجع امط اذانيك
ضحكت ريماس وتقدمت ناديا : كيف الاوضاع عندك
ضحكت مي وهي تتذكر الهوشه الي صارت عندهم وتقدمت تقول السالفه والبنات مندمجين وانتهت وهي تقول : تخيلوا اذا اخطى احد عندهم يمنعونه من الاكل وش النظام ذا
ضحكت ريهاف : ليتها تعرف فهده وقوانينها
ضحكت مي : اسوي قدامها ان فهده طيبه وكيوت لعلها تطيب بس يع تقهر
ضحكت ناديا : اقول ابعدي عن السوالف الي تغث عندك سوالف حُب شي
ضحكوا البنات من ناظرتهم مي بحده : وجع انتي وهي
ضحكوا وتقدمت مي وهي تقولهم : تخليوا انه جاء من ديرته ماعرفها بس تخيلوا جاني يابنات جاء للشرقيه
قاطعتها ناديا : جاك ؟
ريهاف تقدمت : رحتي له؟
شوق : فضحتي نفسك
هزت راسها مي بالايجاب : كل اجابات اسئلتكم ايي جاني ورحت له وفضحت نفسي واكتفيت وفضحتك معي
عقدت حاجبها شوق وكملت مي : قلت له انك تحبين مبارك
شهقوا كلهم بصدمه يضحكون وتوسعت عيون شوق : متى حبيته
مي اخذت نفس: وقلت له حبيبي
ضربت راسها شوق وكملت: تدرين لو انك عندي ذبحتك يامي صح؟
ضحكت مي : الحمدلله على بُعد المسافه
ضحكوا البنات وضحكت ريهاف : بنات مو مصدقه صرتوا ثلاث متزوجات
لفوا عليها بحده وضحكت مي : انا عاجبني الوضع صدق
شوق : لانك خفيفه وغبيه كلها
ضحكت مي : طيب بقفل اخاف يشوفون جوالي ويصير شي
شوق : تمام حبي طمنيني عنك
مي ابتسمت : اوكي وانتوا بعد
رمت عليهم بوسه وقفلت وتنهدت بضيق على حالهم
عند عزام طفي جواله وكمّل يمشي بخطه وهو يسمع سوالف ساره والبندري وباله معها وصل لديارهم وقف سيارته عند الباب وناظر حوش بيتهم الي امتلى بالزل الاحمر والعقود نزل من السياره وهو يتقدم لاخوانه و لامه وابوه الي جالسين وباس روسهم : سلام عليكم
ردو السلام عليه وجلس ودخلت ساره والبندري ينزلون اغراضهم وقف ناصر وابتسم ودقه عزام : وقول اني خفيف لا اوصيك
ناصر ناظره: شفيك بروح الحمام
ضحك عبدالملك وعض شفته وسحب عليهم ودخل ودق باب ساره وفتح ولا فتح دق الباب ساره ضحكت البندري من قفلت ساره الباب بالمفتاح وتقدمت ساره الباب وهو مقفل : لبيه ياعيون ساره لبيه يا اخوها لبيه ياعريس
ضحك ناصر : العريس يبغى علومكم
ساره ابتسمت : ماعندنا علوم
ناصر :افتحي سوير
ساره : لا اذا جاء بكره وقت الشوفه خليتك تشوفه
ضحك ناصر وتكلم بهمس : بيجي يوم تنخطبين واسوي لك كذا
ضحكت ساره : ليه تحسبني خفيفه زيك انت واخوك
ضحك ناصر من تذكر عزام : امانه افتحي لي خليني اشوف وش صار عليه
ضحكت ساره تناظره يحاول يفتح الباب : ناصر لاتحاول مارح اخليك
لف لصوت يزيد الي وراه : اعقب يالثور
لف له ناصر وتقدم له يزيد : شعندك؟
ضحكت ساره : يزيد امسكه يبي يدخل على العروس
ضحك يزيد وهو يهز راسه باسف ومشى يزيد وهو يناظر ناصر : لذا الدرجه ماتقدر تصبر ؟ هذا وانت محلل الشوفه وطالب شوفه !
ضحك ناصر واخذ نفس بابتسامه : الله يبعدك عن قلبك عن الحب والله انه بلوه
ضحك يزيد ومشى مع ناصر وناظر اخوانه الي يبتسمون له وعرف انهم بيسلمونه بس ينتظرون ابوهم يروح وفعلاً وقف مشبب وقفت هيله ادخل ولف عليهم : لاتبطون نبغا نوجب بالضيفان
ابتسموا كلهم وردو بصوت واحد : على خشمي
كمل مشبب ودخل البيت وما امداه يدخل الا ولف لهم ناصر : بلعنكم
ضحك يزيد : ماعليكم منه معصب لان ساره مانعته يشوف العروس
ضحكوا ولف لهم عزام يضحك : كيف المعنويات ياعريس ؟
ناصر ابتسم: مبسوط اقسم بالله مبسوط احس الارض ماهي شايلتني
ضحكوا وابتسم عبدالملك وهو يشد على ذراعه : الله يجعلها دايمه وانا خوك
الكل : اللهم امين
عدل جلسته نيّاف : ودكم نروح نحلق كلنا ونحتفل بعريسنا
وقف ناصر : والله ان تقومون وبحلل كل شي
ضحكوا ولفوا له وتقدم مبارك : بنروح في سياره وحده
فهّاد : ايي نروح فالجمس
هز راسه مبارك وتقدم ناصر : هات المفتاح اسوق
ضحك مبارك : لا الله يرحم والديك انت وعزيم ممنوعين من السواقه فرط السعاده ذا بيودينا في داهيه
ضحك عبدالملك واخذ المفتاح من يد مبارك : وانت عقلك ماهو خالي
عند مي
نزلت من السطح وهي قلقانه على عزام وخايفه نزلت بعد ماستودعته ربي ودعت انه يكون بخير نزلت وفتحت الباب وناظرت البنات صاحين نوره وسدن جالسين مع بعض شمقت لهم ولفت لغايه وسمر وجلست على سريرها وهي تفكر ولفت لها سمر : وش صار ؟
مي ابتسمت بحزن : واحشيني البنات ماقدر
قامت غايه من سرير سمر لسريرها وشدت على كفها : ليت يسون لك نقل للرياض
مي : ليت بنات ماقدر بدونهم
سمر : سولفي لنا عنهم
عدلت جلستها غايه وتربعت : ايي صدق قولي انا
مي حطت راسها على السرير وتنهدت : اول بنت دخلت الميتم شوق تركتها جدتها وصار لها سنتين تطلب في شوق انها ترجع لها بس رافضه
سمر عقد حاجبها : حلوه ذي اخلي حفيدتي فالميتم وبعدما كبرت وخلصت ارجع اطلب فيها
غايه لفت لهم : ماتدرون عن حالهم والوضع
هزت راسها سمر ولفت لمي كملي : وبعدها بسنتين او مو سنتين اقل يعني جيت انا كان عمري ثلاث سنين او سنتين ماعرف حقيقه وماعرف مين تركني وبعدها ناديا ولميس جو بنفس اليوم وبرضوا ماعرف مين تركهم وريهاف وريماس جو قبل ثلاث سنوات توفوا اهلهم بحادث ونزلهم عمهم وبعدها جمعتنا السنين وصرنا نضحك مع بعض ونبكي مع بعض وصرنا جسد واحد
ابتسمت غايه : احلى شي هنا او يعني بالميتم بشكل عام انك تلاقي صاحبات
مي ابتسمت ولفت لهم : طيب انتوا كيف تعرفتوا
ابتسمت سمر وهي تناظر غايه الي تبتسم لها ونطقت : تعرفنا فالمصحه النفسيه
لفت عليهم مي باهتمام وكلمت غايه : انا كنت بالميتم من قبل يعني من انولدت وانا فيه وسمر كانت بنت صاحب المصحه
لفت لها مي وعقدت حاجبها : ليش كنتي فالمصحه ؟
رفعت يديها غايه وناظرت معصمها مي وكانت اثر الخياطه وهزت راسها سمر : كان عندها اكتئاب
وانا كنت اداوم بالثانوي واجي لابوي بعد الداوم وتعرفت على غايه وصرت اجلس معها كثير وبعدها صار الي صار وجيت هنا
مي عدلت جلستها : عادي تقولين الي صار ؟ ولا ماتبين
سمر هزت راسها بالنفي : لا لا عادي ابوي تركني
ناظرتها مي وكملت بهدوء : زوجته ماتبيني وهو اخذ بطلبها ونزلني هنا والحسنه الوحيده اني حصلت غايه
ابتسمت مي من سمعت قصتهم وبعدها طفي النور عليهم وتقدمت مي : بسم الله وش صار
ضحكت غايه.: نظام جديد بعد تقفل النور علشان ننام
ابتسمت مي : اوفر
ضحكت مي بخفوت وهمست بينها وبين نفسها : اهخخ يافهده الله يسقي ايامك
لفت ترد على سمر الي قالت : تصبحون على خير
البنات : وانتي من اهله
فالمستشفى _
عند شوق الي حلفت على ام رشيد والبنات يطلعون وجلست عند لميس وتقدمت تسأل الدكتور متى بتطلع لميس وقال لها بس ماتلتئم جروح العمليه يبي لها ثلاث ايام او اسبوع بالكثير
طلعت شوق وجلست مع لميس وهي تفكر في كلام مي وهي تحاول تتذكر كلامه وابتسمت من تذكرت اول جمله قالها لها : انا الي جرى دمه بمجرى وريدش
قطع ابتسامته وتفكيرها الباب الي انفتح وناظرت عناد على الكرسي والممرضه الي تدفه ولف عناد لشوق ورجع ناظر لميس : سلام عليكم
تجاهلته شوق واخذت جوالها وطلعت من الغرفه
في شقة فهده
نزل عبدالعزيز وهو حامل هموم الدنيا على كتفه دق الباب ولف للباب من قالت فهده : مين؟
عبدالعزيز : انا عبدالعزيز
فتحت الباب وتركته متجاهلته وراحت للصاله جلست وتنهد عبدالعزيز ودخل وقفل الباب وجلس جنبها : زعلانه ؟
لفت عليه وضحكت بسخريه ولفت تصد عنه مسك راسه عبدالعزيز : عناد
لف عليه وهي تسمع نبرة صوته نبره اول مره تسمعها فيها من الحزن والهم والزعل والملام : بينسجن مؤبد واحتمال القصاص
شهقت وغطت يدها على فمها وناظرها وبكى نزلت دمعته بقهر : ماقدرت اصير له ابوه واخوه وصاحبه
بكى وهو يلوم نفسه : تركت سلوى عند اهلها بعد ماعلمتها ماقدرت اجلس معها حتى
سكت وهو يمسح دموعه بطرف شماغه وتقدمت فهده وهي تمسح على ظهره وحط راسه على صدرها وهي يبكي بقهر خسر ولده الوحيد بسببه هو يلوم نفسه ليه ماكان قريب منه ليه ابعده عنه كل ذالبعد وهو قريب منه كان يقدر يكون له اب وصاحب واخ وعم وخال بس هو ماقدر حتى يكون له اب قبل يتمنى بس لو يقدر يعدل كل شي اخذ نفس بضيق
عند ساره والبندري
بدت البندري تقيس ملابسها وكانت تلبسها وتطلع لساره تعطيها رايها وبعد وقت جلست البندري بعد مابدلت ملابسها واخذت نفس ساره : خايفه
هزت راسها البندري وعقدت حاجبها ساره :من ناصر ؟
البندري نطقت بسرعه : لا مستحيل اخاف من ناصر بس اخاف من اهلي المره الاولى طعنوا ابوك المره الثانيه مين؟
ساره تقدمت لها : لاتفكرين كذا مستحيل يسوونها
البندري : ليه مايسوونها ثنيان برا ومطلق برا
عقدت حاجبها ساره بخوف وناظرت البندري الي جلست على سريرها ونطقت بهدوء : تصبحين على خير
ماردت ساره وهي تفكر في كلامها بخوف لا يصير في اخوانها شي وبالاخص نيّاف وفهاد لويصير لهم مستحيل تقدر تعيش
بعد تفكير دام لساعات نامت ونامت بخوف وهي تدعي الله انه يعدي اليوم على خير
عند الجده والجزء الثاني من " ال هيّاف "
عند الجده الي واقفه وعصاتها بيدها وتناظر سعد بعصبيه : تقول عطيت اجل انت رجال انت
بلع ريقه ابو صالح وتقدم لها : امي الله يهديك
لفت له الجده بعصبيه وتفلت في وجهه : اص اص لا اسمع لك كلمه سمعت ؟
ولفت لعيالها : كلكم من اكبر شايب فيكم لا صغر ولد من بناتكم لرجالكم ولا احد بيجلس فالبيوت ذي نروح ونوجب بنتنا
سعد بعصبيه : امي تبغين نروح كلنا علشان مشبب ؟
تقدمت له الجده وتفلت بوجهه: انطم انت مسوي اب ورجال وبعدين نروح علشان مشبب ليه؟ بنروح علشان بنتك ياخبل وانت بوها اجل الله يعينها
طلعت الجده تاركتهم يفورون ولف ثنيان على مطلق وطلعوا للحوش
عند عيال مشبب
الي ركب عبدالملك وهو يسوق فيهم ويمينه ناصر وراه مبارك وعزام ويزيد والمرتبه الاخيره نيّاف وفهّاد
ولف يزيد على عزام الي يهوجس ويناظر الطريق وباله مو معه : وش يقول الشاعر ياعزيّم
لف عبدالملك لعزام يناظره مع المرايه ولف ناصر ولفوا له كلهم وابتسم عزام وهو يعدل جلسته :اييييه يقول الشاعر : ويلي على حبنا
ضحك مبارك وهو يناظره يعرف انها شيلتهم الي يسمعونها دايم ولا يعرفون الا هي بعد الحكم السعودي كمل معه مبارك : وشهي تاليه
تقدم نيّاف لهم : عيدو البيت ذا بنشيله معكم
هز راسه عزام ورجعوا يعيدونها مع بعض كلهم وبصوت واحد : ويلي على حبنا مدري وشهي تاليه ويلي على ادري وش ورا الغيب ويلاه عشان اشوف اذا محبتك ترفيه
وكلموا مع بعض وبصوت واحد : والله لا قفّي عنك واستغفر الله
خلصوا وابتسموا وتنهد عزام : استغفر الله
وصلوا للحلاق ونزلوا واول مادخلوا انصعق الحلاق وهو يناظرهم بصدمه : كلو هذا؟
ضحك عبدالملك وهو يناظر اخوانه : اذكر الله ياصديق
رجع يكمل شغله الحلاق وهو يقول : ماشاءالله ماشاءالله كثير مرهه
ضحكوا منصدمته وجلسوا وبين سواليفهم دق جوال مبارك وقف يبتعد عنهم وناظر رقم غريب ورد : هلا
:. الدكتور مبارك ؟
سكت مبارك من قال دكتور وكمل : من معي؟
:. معك مدير مستشفى ** قريب من المركز وبعد الميتم بشارعين انت تدخلت بحالة شوق على ماعتقد
مسح وجهه مبارك بخوف : ايه تدخلت فيه شيء ؟
:. لا لا ابدا بالعكس يشرفنا انك تكون من احد موظفينا اذا فاضي يمديك تمرنا ؟
عقد حاجبينه مبارك وكمل : نبيك بكلمة راس
هز راسه مبارك : اذا فضيت جيت ان شاء الله الحين انا بعيد ومدري متى برجع
:. خذ راحتك , مع السلامه
مبارك : ودعناك الله
رجع مبارك يجلس وناظر اخوانه الي يناظرونه وابتسم : شكلي لقيت وظيفه
عبدالملك ناظره وكمل مبارك : المستشفى الي انسجنت علشان يبيني اتوظف عندهم
عزام ابتسم: دقو عليك قالو لك
مبارك ابتسم: ماقالو بس يبوني بكلمة راس
ضحك يزيد : طيب يمكن بيسجنونك من جديد
لفوا عليه بحده واختلع من نظراتهم وضحك : نفسيات
يوم جديد -
~ زواج البندري & ناصر ~
فالصباح صحوا العيال وبداو يشرفون على الاغراض ويتاكدون من الدلال والذبايح والعوده والاغراض طلع ناصر وهو يبخر مجالس الرجال ودورات المياه : فين العيال وابوي ؟
ساره وهي تمسح مراية الغساله : مبارك وعزام ودوا الذبايح المسلخ لان مابيفضون ونيّاف وفهّاد راحوا للدلال
وحوايج القهوه للقهوجي ويزيد وعبدالملك راحو للتمر والماء وابوي ماعرف وينه
سكتت ناصر بخوف لان ابوه لوحده لفت عليه ساره وابتسمت: مبسوط؟
هز راسه وابتسم ناصر : لاخر درجه
ساره مسحت على كتفه : الف مبروك بعيون اختك
ابتسم ناصر وشوي سمع حس اخوانه ركض نيّاف وهو يحلف ويصرخ : والله يافهاد لاتدخل الحمام قبلي ان تنضرب فيه
فهّاد : اتحداك
بدوا يصارخون وجاهم ناصر وصاح عليهم : ولدد !!
اعتدل فهّاد : اوه ارحب ياعريس
نيّاف : تبغى الحمام؟ اتنازل عنه لعيونك
ناصر صد بغضب : وجع انت وياه بوي ماهو موجود
فهّاد لف له : طلع فالصباح لحاله
نيّاف ناظرهم : اصبرو بدق عليه
قطع عليهم دخول ساره : ناصر
لفوا عليها وكملت : زين كلكم موجودين بوي يبغاكم وصلوا البقيه
طلع ناصر وفهّاد ونيّاف وراهم حاضن ساره من جنب دخلوا المجلس وناظرو البندري الي جالسه معهم ارتبك ناصر وهو خايف انهم لعبوا على البندري او هددوها ورفضت وكنسلت الزواج قطع تفكيره ابوه الي لاحظ حاله : ادخل ادخل لاتخاف مافيه شي
دخل ناصر وجلس جنب اخوانه وقف مشبب واخذ نفس: اول مناسبه كبيره تصير في بيتنا واول ولد لي بيتزوج ولو ان عبدالملك طق الثلاثين ومبارك وعزام خلفه لكن مايمنع ان ناصر مايتزوج
اعتدل بوقفته وكمل : اول شي الله بيني بيتك يابوي ويرزقك بالذريه الصالحه
ابتسم ناصر وابتسمت هيله وكمل مشبب وهو يناظرهم : والشي الثاني انا بوصيك على البندري تراها واحده من بناتي لاتحسب ان مالها اهل اني بسمح لك تحزنها ولا تزعلها
قاطعه ناصر : عسى موتي في ليله بكت فيها منّي
ابتسم مشبب : والله اني داري واثق فيك
ولف لعياله : في هذي المناسبه العظيمة اهديكم بشوت وسيوف نلعب فيها لعب اهل نجد العذيه ونصف صف تشهد عليه نجد واهلها
ابتسم هيله : تزهاكم ياعيالي
ابتسم مشبب : وفيه هدايا للبنات مانساهم عاد ذوقي فالذهب ماش لكن ان شاء الله تعجبكم
ساره : مدامها منك يابوي والله انها تجننن
وقفوا العيال وسلموا عليه وبعدها ساره والبندري وبعدها وقفت هيله وسلمت عليه وابتسمت : جعل افراحنا دايمه ولا فاقدين ولا مفقودين
ابتسم مشبب : امين امين
جلسوا كلهم وبدوا العيال يقوسون بشوتهم ووقفوا صفين عبدالملك ومبارك وعزام وناصر صف ونيّاف وفهّاد ويزيد صف لف لهم مشبب وتقدم يصف بين فهّاد ونيّاف
صفوا قدام بعض وابتدا يزيد يقول شيلتهم المفضله لو انها ماهي لعرض السيوف ولعب اهل نجد ولكن يحبونها وبيلعبون عليها ابتدا يغني من نصف الشيله : والحسود ان عاد ولا لا يعودي ...
كملوا معه اخوانه بصوت واحد وهم يعرضون بسيوفهم : جعل مال فوق وجه الارض ديّر .. كل مايقتادني للموت قودي ... ماذكرت الا أنت يالريم المذيّر
بدا حماسهم وهم مع بعض متجاهلين الوقت الي يمشي : يأنتعاشي فالحياه ويا وقودي .. دلّني لاصرت بالرأي متحيّر
ناظرهم مشبب متحمسين ابتسم وهو يناظر ساعة في يده ولف لهم وقف : يالله يالله انتهينا الساعه 2:30 عجلوا
تفرقوا العيال بعد مانزلوا بشوتهم وطلعت ساره بسيارة نيّاف والبندري وهيله للصالون
عند شوق -
الي رافقت مع لميس كانت جالسه برا تنتظر عناد يخلص وتدخل لها
عند عناد الي جاء للميس على كرسي حاول يوقف بمساعدة الممرضه وجلس على السرير مقابل لميس وناظرها وتكلم بهدوء : الليله بطلع السجن
بلعت ريقها بخوف وكمل عناد وهو يناظرها : بس هذا مايعني اني بتركك بالعكس انا معك خطوه بخطوه وهذا
بدا يطلع من جيبه مفتاح : هذا بيتي عيشي فيه انتي ولدنا سكت من تكلمت لميس بهدوء : بسكن مع شوق ماحتاجه
هز راسه عناد : احتياط يجلس معك وهذا مفتاح سيارتي اذا احتجتيها بعد ولاتخافين كل شهر بيجيك مصروفك انتي ولدك
ناظرته لميس واخذت نفس : كل هذا علشان اتنازل ؟
هز راسه بالنفي عناد : لا انا غلطت وجالس ادفع ثمن غلطتي بس كل هذا لاني احاول اصلح الي سويته وابغا ولدنا يولد والدنيا بخير
اخذت نفس لميس : ان شاء الله
وقف عناد وتقدم باس راس لميس : ان احتجتي شي دقي ولا تعالي يوم الجمعه بيكون زياره
هزت راسها تناظره رايح واخذت نفس براحه من كل شيء تحس ارتاحت انأخذ حقها منه بتعيش براحه دخلت شوق وهي تناظرها : فيك شي ؟
هزت راسها بالنفي لميس وتقدمت شوق تمسك يدها وتشدها : اذا فيك شي قولي والله ما اخليه يرتاح سمعتيني ؟ فيك شي
اعتدلت جلسة لميس وهي تناظرها : بينسجن
شوق عقدت حاجبينها : طيب ! مكانه ومكان كل متحرش
لميس تاففت : افف شوق سوى كل هذا وتقولين كذا ؟ ياخي معرف اعطاني بيت وسياره وقسم لي من راتبه احس ابغا اتنازل عنه ابغا يطلع قبل اولد
شوق ابتسمت : حتى لو تنازلتي يمكن يجلس مؤبد بس بكيفك يعني الحين انتي ماتفكرين في نفسك بس لا تفكرين بالنونو
لميس ناظرتها : علشان كذا قلت انا ومدري للحين وش اسوي ماعرف
شوق وقفت وهي تغطيها بالبطانيه : الحين انتي نامي وارتاحي ولا تفكرين في شي
تقدمت شوق وقفلت انوار الغرفه وجلست على السرير
وهي تفكر وش تسوي بتجلس بالبيت لوحدها بدون وظيفه وبدون شي كيف راح تصرف على البيت
اخذت نفس وناظرت السقف وقالت وهي تقوي نفسها : بيحلّها ربي لاتشيلين هم
فالميتم
وعند البنات الي رجعت حياتهم وروتينهم الطبيعي ورجعوا للمدرسة الي تركوها شهر كامل
عند فهده
تناظره نايم فالصاله وحاله يكسر الخاطر اخذت نفس ومسكت بطنها وهي صار لها شهر ماتطمنت عليه وقرب تدخل السادس وهي حتى البيبي ماتعرف جنسه سكتت وهي تناظره وتتأمله
فالمستشفى
عند مهره الي اتصلتوا عليها يعزمونها ورفضت لانها ماتبغى تخلي لمى لوحدها
الشرقيه -
دقت عليه مي اكثر من مره بس مارد ولافتح رسالتها فالواتس جلست بخوف وقلق وهي من قامت الفجر ومسكت اشغال معهم اشتغلت وبالها مو معها بالها معه هو ليش مارد ؟ هو بخير صار له شي ؟ سكتت وهي تحاول تفكر كيف توصله
في ديار نجد -
الساعه 3:45
بعد صلاة العصر
وصلت ساره ونزلت هيله وبناتها والبندري ودخلوا البيت ودخلت البندري وساره الغرفه جلست البندري يربكه ورجفه وناظرتها ساره : مابتلبسين ؟ بيجون الناس الحين
البندري : مدري متوتره وخايفه
سكتت شوي وميلت راسها : خايفه يصير في احد شي بسببي
ساره تقدمت لها : اشش طلعي افكار الشيطان من راسك مو صاير شي ولاتخافين اخواني موجودين وان شاء الله مو حاصل شي
ابتسمت ساره تطمنها : ترا ناصر يبي شوفه يعني احتمال لو ما شافك بيصفقني بعد امس
ضحكت البندري وقفت وبدت تلبس فستانها الابيض الطويل الساتر وقفت تناظر نفسها بالمرايه وابتسمت من دق الباب وناظرتها ساره : واووو طلع يجنن على جسمك
ابتسمت البندري : حتى انتي حلوه بس ليش الاسود ؟
ساره ابتسمت : احب الاسود يطلعني حلوه
ضحكت البندري وهي منحنيه تلبس كعبها الذهبي : حبيت شعرك مرهه طالع يجنن
تقدمت ساره للمرايه وهي تناظر شعرها وابتسمت : ايي خليته بطبيعته ماسويت شي غير اني رفته
البندري : مرهه يجنن ماشاءالله
سكتوا من دخلت هيله وابتسمت تناظرهم : بناتي اسم الله عليهم اعوذ بالله من كل حاسد ومن كل شر يأذيكم
ابتسموا وبدوا يسلمون عليها وابتعدت البندري : وش هالجمال ياعمه
ابتسمت ساره وهي تناظر امها: موتً حمر
ضربتها بخفه هيله : ابعدينا من طاري الموت الحين
تقدمت هيله ومسكت كفوف البندري : ادري يا أمي ماتكلمنا كثير لكن مافيه شي اقوله غير الله يوفقك ويرزقك حلو الحياه ومدامك مع ناصر والله ان تصيرين بين رمش عينه والهدب
ابتسمت ساره من كلام امها : وغير كذا ترانا كسبنا بنت وانا اخت جديده
ابتسمت البندري : والله اني حتى انا كسبت لي اهل واثقه في ناصر والله انه الشي الصح الوحيد في حياتي
حضنتها هيله : الله يوفقك يابنتي
البندري : امين ياعمه ويطول بعمرك
ساره : امين
عند العيال
الي ابتدوا بالدور يتروشون ويلبسون ثيابهم واشمغتهم وينسفونها ودخلت عليهم هيله بالعوده وبدت تبخرهم وتدور عليهم واحد
ناظرها نيّاف : الله الله يالاحمراني
ضحكت ولفت لنيّاف الي قال : انته يا هالموت الاحمر قاطعته هيله : نيّاف بلا وش جاك انت وساره على الموت ضحك نيّاف : كلمات الاغنيه ياحبيبتي
يزيد ناظرها وهي تبخره : اخاف بوي يصيبه جلطه من الاحمر
ضحكوا من ضربته هيله : ولد علامكم فقدتوا عقولكم مهابيل ؟ واحد يتكلم بالموت والثاني بالجلطه مانتوا بصاحين
وصلت بالعوده لعبدالملك الي باس راسها : ماشاءالله عليك ياعمه جميله
ابتسمت هليه : ياحبيبي ياأمي
لفت علي عيالها بحده : تعلموا من اخوكم
ضحك مبارك : بديت اغار
ضحكت وتقدمت تبخر العيال وتقدم فهّاد وهو ينسف شماغه : بروح اشوف سوير
طلع نيّاف : انتظرني
لفت لهم هيله ورفعت صوتها : يويلكم تغثونها
ضحك يزيد : لاتوصيني يا امي بروح اغثها
هيله : يزيد ياويلك
ضحك يزيد وكمل مشي مع اخوانه الي واقفين في قريب من غرفة ساره
وقفت ساره من سمعت فهّاد ينادي طلعت من الغرفه تناظره : نعم ؟
مسك كفها فهّاد ودار بها : الله الله يالاسود والكيرلي والحركات
ضحكت ساره تسمعه يمدحها دخل نيّاف وهو يناظرها : الله الله ماشاءالله تبارك الله تشبهيني
فهّاد ضحك : خصوصاً مع الفستان والكيرلي انت على حيد
ضحكت ساره ودخل يزيد وهو يناظر شعر ساره : بسم الله الرحمن الرحيم وش جاب جهيمان
لف عليه نيّاف : لو ما انقلعت عن وجهي طلعت جهيمان من عينك
دخل عبدالملك وهو ينادي : ولد فين انتو جاو الرجال
وقف من شاف ساره اخته لابسه الفستان الاسود وناظرها : ماشاءالله تبارك الرحمن
لف لاخوانه : هذي اختنا
حضنها نيّاف من جنب : اختنا وحبيبتنا
ابتسمت ساره لكلامهم ولف عبدالملك على اخوانه : هيا الرجال والشيخ جايين طلعوا
طلعوا العيال من عندها وطلعت ساره لمجلس الحريم تشيك على المجلس وناظرت نوف والنايفه وابتسمت : بناتي
طلعت وهي تناظر امها الي طلعت قريب الباب : وصلوا
طلعت ساره وقفت وار امها ترحب وهي تناظر الناس الغريبه دخلت الجده وبعدها بناتها وحريم عيالها وحفيداتها وقفت الجده وهي تناظر ساره وكانت تتامل ملامحها عيونها الوساع وبياضها وسواد شعرها الحالك وطولها ونعومتها ورقتها ابتسمت لها وردت ساره الابتسامه
وتقدمت هيله وهي تقول : حياكم المجلس
عند الرجال
وصلوا اخوان صالح وعيالهم واحفادهم سلّموا قدام الناس ولا هم نيتهم كتب كتاب ويطلعون بس ناظروا الناس وكثرتهم وابتدوا يسلمون عادي
وبعد مُده وصل الشيخ وجلس وتقهوا وبعدها بدت مراسم عقد النكاح جلس يمينه ناصر ويساره مشبب
وابتدا سعد يردد مع الشيخ : زوجّتكَ ابنتي على سُنة الله ورسوله
ورد سعد ولف الشيخ على ناصر : قُل قبِلتُ بها زوجه
ردد ناصر وهو مبتسم ويناظر اخوانه المتبسمين : قبِلتُ بها زوجه
لف الشيخ على سعد : نبي البنت تبصم على الجهاز
لف مشبب على فهّاد وفهم فهّاد بدون مايتكلم ولف سعد بحده على فهّاد وابتسم له فهّاد وكانه يقول احنا اهلها اخذ الجهاز فهّاد و دخل البيت وقف عند الباب وهو ينادي : سوير بنت
طلعت ساره تبتسم : ياعيونها
فهّاد ابتسم: تسلم لي نادي البندري خليها تبصم
دخلت ساره على البندري وناظرتها لابسه عبايتها وشيلتها ونقابها وضحكت ساره : بسم الله قدك جاهزه
ضحكت البندري وتقدمت مع ساره وبدت تبصم وقال الشيخ انها تمت لف فهّاد على البندري : الف مبروك وانا اخوك
ابتسمت البندري : الله يبارك فيك
طلع فهّاد وهو يسلم الشيخ الجهاز وجلسوا وكان ثنيان من جاء وهو يناظر عبدالملك بحده
بس تجاهل وجوده عبدالملك نهائيا ولف من دخل سلطان وابتسم وفزوا له اهل المجلس كلهم وسلم عليهم وتقدم للعبدالملك وسلّم عليه بحراره : والله الشغل بدونك ولا شي
ضحك عبدالملك: اشتقت اصايح فوق راسك
ضحك سلطان وجلس : شعنده حضرة الطيّار يناظرك وكانك ذابح احد من عياله
ضحك عبدالملك: معليك منه اهم شي لا يخرب الليله ذي
ابتسم سلطان : لو يخربها الليله صدقني بشخصنها معه
ضحك عبدالملك: الا انت كيفك وكيف علومكم ابتدا سلطان وعبدالملك يسولفون
~ الشوفه الشرعيه ~
ضحكت ساره وهي تدخله المقلط ولفت عليه : دقايق وادخلها
ابتسم ناصر : يويلك يا سوير لوتتاخرين
ضحكت وطلعت ساره للمجلس تنادي البندري الي كانت جالسه جنب جدتها وقفت البندري بربكه وطلعت من المجلس ورا ساره الي دخلت المقلط ولفت ساره لناصر : معك عشر دقايق لا تزيد
ضحك ناصر وهي يسحب البندري من ذراعها وناظر ساره : توكلي بس
ضحكت ساره وقفل الباب ناصر وقف خلف وجلس يناظرها يناظر حياها ووجهها المحمر ويدينها الي تفركها تقدم لها ناصر ومسك كفها وشد عليه وابتسم : كنت قد وعدي لك وهذا انتي الحين زوجتي وانا زوجك وقلت لك من قبل بيتين تذكرينها ؟
هزت راسها البندري ونطقت بصوتها الناعم الهادي :
والله مايدومَ الهمّ ياحلوَ المحيّا
والله ما يظلّ الحزن في عينيك يحيا
ابتسم ناصر بوسع ثغره وهز راسها ياكد لها : قلت لك والله مايدوم الهم انتي بعيده وانا بعيد وبيننا هالمشاكل ومادام الحين انتي زوجتي والله مايظل الحزن كنتي تبكين عندي خايفه اترك والله ماني تاركك انتي حبيبي
ابتسمت البندري : الحمدلله على الساعه الي عرفتك فيها
ابتسم ناصر وتقدم يبوس راسها : والحمدلله على هاليوم الي يفتح النفس
قطع عليهم دق ساره وهي تضحك : نويصر امي تقول شرايك تنام عندك ؟
ضحكت البندري من سخرية ساره وضحك ناصر: باقي ماخلصت
ضحكت ساره وتقدمت تطلع بس لفت من الدريشه وهي تناظر الي واقف مع عبدالملك واضح انه زعلان ومعصب وكانت تناظر طوله وعرضه وعقدة حواجبها ظلت تناظرهم بخوف وبعدها ارتفع صوت العرضة ورفع بشته عبدالملك متجاهل ثنيان
عند ثنيان
الي وقف اول ماوقف عبدالملك وتقدم يمشي خلفه لحد مابتعد عن الرجال وتقدم ثنيان ومسك ذارع عبدالملك ولف له عبدالملك وكمل ثنيان بحده : بيطلع صالح ورواف الليله سمعت؟
عبدالملك ابتسم: ومن الي بيطلع هم؟
ثنيان شد على قبضة يده بغضب : انت بتطلع لهم سمعت ؟ انا امرك وما اعلمك
ضحك عبدالملك : والله تامرني ايه اجل على خير ان شاء الله نتقابل فالمحكمه
رفع بشته عبدالملك وتجاهل ثنيان بس لحقه ثنيان وهو يقول : ان كان ماودك ان ابوك يبكي على واحد منكم بتطلع
لف له بحده عبدالملك : ورب البيت والعباد لا يلحق اخواني ضر شوك لا اذبحك سمعتني؟ اقسم بالله ياثنيان لا ابكيك طعنت ابوي وسكت وتنازلنا لكن الحين فيها اخواني ولا لا اذبحك
قطع ثنيان كلامه : واخواني انا الي انت ساجنهم
عبدالملك : اخوانك مجرمين واعتقلناهم واعقل انت لا تلحقهم
ضحك ثنيان : اجل احسن الله عزاك في واحدً منهم والله ياليله ماتمسونها الا على بكى واحد من اخوانك
تقدم عبدالملك وهو يشد ثنيان من ياقة ثوبه : الظاهر انك حمار ماتفهم الا بالضرب
ابتعد عنه ثنيان وهو يلكمه بكف على وجهه: تعقب
وبدوا يتعاركون تاركين الي تناظر فيهم وتنادي باسم عبدالملك خلف الباب
طلّع ثنيان سكينه من جيبه وتقدم بيطعن فيها عبدالملك بس وقف من طلعت قدامه البنت الي تصارخ بأسم عبدالملك جمد مكانه وقف الدم في جسمه وفلت السكين من يده وهو يناظرها كانت آيه فالحسن والجمال لف من لكمه عبدالملك: طالع قدامك ولا عاد اشوفك تجيب سيرة اخواني على لسانك سمعت
تجاهله عبدالملك وتقدم لساره يسحبها بذراعه ودخلّها : وش طلّعك انتي ؟
ساره ببكي : تستهبل كان بيذبحك كنت خايفه
عبدالملك سكت من شاف دموعها وتقدم يمسحها
