بص بقي يابني انت عليك الشقه والصيني والسجاد والخشب والستاير و..
- ايييه كل ده مش عايز شيكابون لامك وأما ابني عليه كل ده انتوا عليكوا اي بقي أن شاء الله ؟
حط ابو العروسه رجل علي رجل وهو بيبص لابو العريس ببرود : احنا علينا العروسه هنضحي ببنت زي القمر ادب وجمال وتعليم عايز ايه اكتر من كده ؟!
- ا احم بابا مش قصده يعني ياعمي ه هو قصده يعني أن اكيد زي ما انتوا عليكوا حاجات احنا علينا حاجات بس مينفعش كل حاجه تبقي علي العريس
- ليه ياحبيبي هو انت مسمعتش عن حوار القايمه ديه ولا ايه ؟
- ايوه سمعت ب بس يعني الموضوع مش اكيد
- لا بقي انا حبيت الموضوع واعترفت بيه
ابو العريس بغيظ : اعترفت بيه مع نفسك كده ؟
- بقولك ايه يابني مين ده ؟
-ا أحم ده بابا ياعمي بابا لسه معرفك عليه كمل طلباتك ياعمي كمل
- تمام بص يابني انا مش هقولك تجيب حاجات كتير عشان انا عندي ابن زيك وعارف جهاز الولاد بيكلف قد ايه
- اومال
قالها بخفوت وهو بيضحك ضحكه صفراء وأبو العروسه كمل ..
- انت هتجيب ١٠٠ فوطه و خمس اطقم حلل من كل الانواع وخمس اطقم كاسات وكل انواع الاطباق اللي بتتكسر واللي مش بتتكسر هتجيب شنطتين معالق عشان لما تعزموا ناس عندكم
- ليه ياعمي هو احنا هنعزم الجمهوريه كلها ولا ايه ؟
- جايز تبقي عزومه كبيره عايز بنتي تتفضح قدام الناس والناس تقول جايب جهاز قليل ؟!
- لا طبعا اومال ا احم طب سؤال حضرتك هو ليه ١٠٠ فوطه مش فاهم يعني انا اصلا حضرتك شخص بينشف وشه في الستاره بتاعه المطبخ وأحياناً في بنشف في التيشيرت بتاعي !
- والله ده المطلوب اكمل ولا ؟
- طبعا كمل
- بص بقي الرفايع ديه كتير انا مش عارف هي اي بس اعتقد الست الوالده هتكون عارفه يعني مثلا في علب بيتحط فيها اللب وعلب تانيه قشر اللب وفي طقم بتاع الحكك ده وفي كمان فرش الاسنان اهم حاجه تجيب فرش الاسنان مش عايز حد يقول علي بنتي سنانها مش نضيفه والبتاعه اللي بتلف ورق العنب اهم منهم كلهم مش عايز ظهر بنتي يتعب وهي بتعمل محشي
- ط طب يعني انا مش بحب المحشي
- بس انا بحبه ايه ياحبيبي انت مش هتعزمنا ولا اي
-لا طبعا ازاي حضرتك تشرف
- وعايز مرجيحه طبعا عشان بنتي تتمرجح عليها وهي بتتفرج علي الكرتون
- كرتون ؟!
- اه وانت هتتفرج معاها في اعتراض
- هه لا لا طبعا نتفرج وماله
YOU ARE READING
اسكريبتات متنوعه بقلمي / إيمان شلبي
Mystery / Thrillerمجموعه اسكريبتات رومانسي ،كوميدي،حزين ،بقلم ايمان شلبي هنا هتعيش معانا لو كنت حابب تعيط عليك وعلي اسكريبت باب الذكريات 🥲 عايز تضحك عليك وعلي اسكريبت احببت مجهوله 😂عايز محن وفقع مراره هتلاقي كتشير اوي😂عايز كله في اسكريبت واحد عليك وعلي ظننته خالي...
