#ذنبي_احببته
توقفت حواسها عن التفكير توقف العالم من حولها هبطت تجلس ارضاً وكأنها في متاهه حقيقيه ظلت عينيها تدور يميناً ويساراً الصداع يداهمها وكأنها فوق احدي الالعاب الطفوليه الملتفه بسرعه رهيبه ...اغمضت عينيها لتتدفق دموعها وكأنها شلال من المياه ...كل ذاك حدث في اكثر من دقائق ...دقائق تحاول استيعاب ما قاله عمر حبيبها ..نعم حبيبها هي مازالت لم تستوعب ان عمر هو من يقف امامها ...
عمر بنفاذ صبر: هتفضلي متنحه كتير؟! ها هتقبلي تكملي مع واحد بيكرهك ؟
مريم بحشرجه ودموع : لا مقبلش ...طلقني ياعمر ..
عمر: مش لو كنت اتجوزتك ؟
مريم: يعني ايه؟
عمر: يعني انا متجوزك بأسم مراد مش عمر جوازنا باطل ياحلوه ....ومنصور بيه ميبقاش ابويا من الاساس ده اللي اكتشفته النهارده ...
مريم بصدمه: م مش ابوك ؟!
عمر: مش قصتنا يالا ياحلوه قومي غوري من هنا ...
نهضت مريم تسير بصدمه دموعها تنهمر علي وجنتيها كالشلال قلبها يتقطع ارباباً أن استطعنا الوصول له سنجده مُفتت كقطعه من الخبز الناعم قابل الهيشان والتكسير ....هكذا قلبها رقيق يتأثر بما يحدث وان كان قليل يبكي شوقاً يبكي عشقاً ويبكي ايضاً وجعاً وكأن حال قلبها قابله للبكاء وكفي ....
بعد مرور بعض الوقت لا تدري كيف وصلت الي منزلها لتطرق باب الفيله وتفتح لها الخادمه والجميع يقف يفتحون افواههم علي اخرها من الصدمه العروس تعود في منتصف الليل باكيه ليوسوس الشيطان للجميع بأشياء لن تحدث علي الاطلاق !
الخادمه بقلق: مالك ياست مريم
مريم بضعف: ف فين بابا
الخادمه : كامل بيه سافر بعد الفرح علي طول ...ه هو حضرتك كويسه
مريم بتوهان: اه انا هطلع انام متقوليش لبابا اني رجعت
الخادمه: حاضر ..طب تحبي اوصل حضرتك ؟
مريم بعصبيه ودموع: شكرا انا بعرف اطلع
صعدت الي غرفتها بأقصي سرعه لديها لتغلقها وتجلس ارضاً خلف باب غرفتها وهي تضم ركبتيها الي صدرها بشهقات حتي نامت ارضاً وهي لا تشعر بمن حولها ..
في صباح اليوم التالي وخاصه في كليه التجاره كان يجلس عمر في انتظار شخص ما لينتفض قلبه بعنف عندما وجدها تطل من باب الكليه لينهض ويهرول نحوها وكأنه طفل واشتاق لوالدته هكذا هو الحب عندما تري من تحب يُشعرك بأنك تري والدتك يُشعرك بحنانها نوعاً ما...
عمر: تسنيم
التفتت تسنيم بجسدها لتجده مراد لتبتسم ولكن بأستغراب فكيف زفافه ليله امس واليوم يأتي الكليه ..
أنت تقرأ
اسكريبتات متنوعه بقلمي / إيمان شلبي
غموض / الإثارةمجموعه اسكريبتات رومانسي ،كوميدي،حزين ،بقلم ايمان شلبي هنا هتعيش معانا لو كنت حابب تعيط عليك وعلي اسكريبت باب الذكريات 🥲 عايز تضحك عليك وعلي اسكريبت احببت مجهوله 😂عايز محن وفقع مراره هتلاقي كتشير اوي😂عايز كله في اسكريبت واحد عليك وعلي ظننته خالي...
