اسكريبتات متنوعه بقلمي / إيمان شلبي

عالم تاني ( البارت الثالث )

ساندي وهي بتلف لمصدر الصوت بلهفه وفرحه أن في حد يعرفها

-رضوووي

رضوي وهي بتقرب منها باستغراب : انتي لابسه كده ليه ؟! ومين ده

ساندي وهي بتقرب منها برجاء وتوسل : رضوي ارجوكي الحقيني انا مش فاهمه حاجه الحقير ده خاطفني و وبابا يارضوي بابا مش فاكرني خالص انا مش فاهمه اي حاجه انا نمت وصحيت لقيت نفسي مع ناس غريبه لا اعرفهم ولا يعرفوني و وهو بيقول اني مراته و وشوفتي شوفتي انا لابسه ايه انا مش فاهمه اي حاجه ارجوكي يارضوي الحقيني ...

عمرو بتوتر : ا انتي بتقولي ايه انا مش خاطفك أنا جوزك ،معلش ياجماعه مراتي تعبانه شويه عن اذنكم ..

رضوي بغضب : استني هنا انت مين ؟!

عمرو وهو بيبلع ريقه بتوتر : ا انا جوزها

رضوي وهي بتشد ساندي من ايديها وبتوقفها ورا ضهرها : انت كذاب جوزها ازاي يعني ساندي هانم تتجوزك انت ياجربوع ؟!

عمرو بغضب وعصبيه : انا محترم انك ست وان معاكي راجل ولو أن اشك أنه راجل عشان مخليكي تقفي في نص الشارع وتشتميني كده وميفتحش بوقه ،لكن قسما عظما لو ما اخدتي بعضك ومشيتي من هنا هعرفك مين الجربوع اللي علي حق وساندي مرراتي ومحدش هياخدها مني وانا هحاسبها علي الكلام اللي قالته ده ....

قال جملته وهو بيقرب من ساندي اللي كانت واقفه تبصله برعب وهي شايفه عصبيته وعروق رقبته البارزه ...

شدها من دراعها ولسه هنتكلم وقف الكلام في حلقها وهو بيبصلها بتحذير

-اخرسي خالص

رضوي وهي بتبص للشاب اللي كان معاها وبتقول بخوف : اعمل حاجه يا اخي البت بتتخطف قدام عينك وانت مش بتتحرك !

الشاب بلا مبالاه: انا مش قده ده شكله مجنون ولو اتدخلت هيضربني ..

رضوي بذهول : انت خايف منه ؟؟

هو ببرود : ومخافش ليه ؟

رضوي : انت بتقول ايه ؟ هو في راجل بيخاف  !!!!

هو بضيق : بقولك ايه يالا نمشي

رضوي وهي بتقلع الدبله وبترميها في وشه بعصبيه: انا ميشرفنيش ابقي مخطوبه لواحد مش راجل ...

قالت جملتها ومشت من قدامه وهو بص لاثرها ببرود ونزل علي ركبته ياخد الدبله وهو بيقول بابتسامه بارده

-وفرتي أبيعها واجيب بيها حاجه مفيده ...

..................................................
سيب ايدي سييييب ايدي ياعمرو بقي حرام عليك عاااااا

كان عمرو بيسحب ساندي معاه وهي بتتلوي بين دراعه بتحاول الإفلات لكن دون جدوي ...

عمرو بعصبيه: مش عايز اسمع صوتك