انا لك وطن وانت لي امان

2

- عند رشيد -
الي بعد ماقفل من شوق هرب من المدرسه واتجهه بعيد منها وطلع جوال وارسل للميس
بنت
ردت لميس عليه بنفس اللحظة: نعم
ضحك رشيد وكمل يرسلها : ماتتوبين ماخذه جوالك؟
لميس وهي تناظر بخوف لاحد يشوف الجوال ويصادره : اخلص شتبي ؟
رشيد : امركم اطلعكم ؟
لميس : وين
رشيد : المدرسه وين
لميس ناظرت الساعه ورجعت ارسلت : صاحي انت بدري مره
رشيد : شسوي ياخي ابتلشت
لميس : هارب
رشيد : ايه
لميس ضحكت : خلاص خلاص تعال وانا ببلغ البنات
رشيد : طيب من الحين نتفق وش نقول
لميس : المره ذي يبي لنا شي جديد اسمع بنقول للحارس عندنا عزا وبنقول لامك وابوك حريق بالمدرسة
رشيد : تم مسافه الطريق وانا عندكم
قفلت جوالها ريماس وخبته زين وطلعت للفصل وجلست بجنب مي لفت لها مي : وش من مصيبه جديده ؟
لميس ابتسمت: عندنا عزا
ضحكت مي : وش مسويه علشان تطلعين
لميس ضحكت : هالمره مو انا والله رشيد الغبي
مي : تم يعني كالعاده انا اروح لريهاف وانتي تروحين لناديا
لميس : ايي ايي بس انتبهي لريهاف اخاف تحسب انه صاير لريماس شي ونبتلش فيها
مي : لامعليك عندي
طلعت مي ولميس من الفصل ولفت مي عليها : انتي انزلي من الدرج من هنا وانا من هناك
اشرت بيدها : تمام
لميس ضحكت : خبره
مي : طول عمري اسويها مع شوق
عقدت حاجبينها لميس : ايش قصدك
ضحكت مي : ولا شي ولاشي خل نستعجل قبل يجي رشيد
نزلت مي من درج ولميس من درج ثاني وطلعوا بلغت لميس ناديا ومي ريهاف وماهي الا دقايق واستدعوهم يطلعون طلعوا وركبوا في باص رشيد
حرك رشيد من المدرسه وضحك : عسى ماطلعتكم عن شي مهم
لميس ضحكت : لا لا معليك
ابتسم رشيد وكمل طريقه للسكن وصل وقف الباص فالموقف ونزلوا من السياره استغرب ابو رشيد وهو يشوفهم تقدم لهم : عسى ماشر
لميس : صار حريق بمدرستنا
ناديا : واتصلنا على رشيد
ابو رشيد : كان اتصلتوا علي وخليتو اخوكم فالمدرسه
ابتسمت لميس : الاداريه حافظه رقمه عندها علشان كذا اتصلنا بسرعه ولا انتبهنا
ابو رشيد: زين زين الحمدلله الله الي حفظكم
لف لرشيد : وانت خلاص ارجع لمدرستك
توسعت عيون رشيد وضحكت ريهاف بعلو صوتها من وجهه وصدمته قبصتها ناديا تتدارك الوضع ولفت مي الي تبغى تنقذ رشيد من الورطه : عمي المدارس ماترجع الي يطلعون يعني خلاص طلعت باستئذان معد ارجع
رشيد : ايه يابوي معد يمدي
ابو رشيد: لا لا معليكم انا اتصل على المدير
لميس : اتوقع انهم غيرو المدير
ابو رشيد لف لهم : صدق ؟ معد هو الاول
لميس : ايي ايي غيروه شافو عليه ملاحظات
ريهاف بهمس : حسبي عليك يارشيدوه خليتنا نكذب على ابوك
ناديا بنفس الهمس : الله يغفر ذنبنا
رشيد لف لهم : بعدين بعترف له
رجع ابو رشيد يجلس عن بوابة السكن و طلعوا البنات لسكنهم وراح رشيد لامه ولحقته لميس لف من سمع صوت الي يمشي وراه : لميس
لميس ابتسمت : ابغى خاله
رشيد فتح الباب : حيّاك
دخل ورفع صوته : يميّ به ضيف
طلعت ام رشيد ولفت تناظر الباب وابتسمت : ارحبي يميّ تعالي
لميس : لا لا ياخاله انتي اطلعي اذا عادي
ناظرت لميس رشيد ورجعت ناظرت ام رشيد وفهمت ام رشيد ان لميس ماتبغى رشيد يسمع
طلعت ام رشيد وردت الباب خلفها وتقدمت لميس ومسحت كتفها : عسى ماشر يميّ
لميس بصوت يرجف وهي مستحيه : خاله احس رجع لي المي القديم
شهقت ام رشيد : بسم الله عليك من الوجع
لميس : ينفع نروح للعجوز الي زمان عالجتني احسني بخير من بعدها
ان رشيد ابتسمت تطمنها : من عيوني اوديك لها لاتشيلين هم
ابتسمت لميس : ممكن محد يدري يجلس بيننا
ام رشيد ابتسمت : من عيوني
لميس : ابوسها
رجعت لميس وهي تحس انه شوي وتموت من الم بطنها الي كاتمته