سكره

سكره ١٢

.....
شيرى داخله على الفيلا الخاصه بعربيتها وسواقها الخصوصى ..  نزلت من العربيه أول ما وقفت وطت بصت للسواق : أحمد متتأخرش عن الساعه سته
هز راسه بتأكيد ومشى من قدامها وهى دخلت وبصوت مسموع : عليااا .. عليااا
عليا جت جرى : أيوا ستو شيرى هانم
شيرى : بابى فين
عليا رفعت كتافها بنفى : مش عارف هو راح فين  ماما
شيرى بعصبيه وزعيق : قولتلك ميت مره ماتقوليش ماما .. إيه طرشه وإلا غبيه
عليا بخوف : أسف ستو هانم
شيرى : غورى حضريلى الغدا.. بصت لها بإستحكار .. جاتك القرف جايبن شوية قرود يخدمونا .. قعدت على الكنبه حطت رجل على رجل وولعت سيجاره خدت نفس ونفخت الدخان لفوووق وهى بتبص له .. فضلت  على الحال دا لحد ما عليا بدأت تطلع الأكل .. قامت طلعت فوق تحت إستغرابها وديقتها منها .. خدت شاور وغيرت ونازله تتمختر قعدت على السفره وبتخبط جااامد وبمجرد ماعليا قربت عليها زقت الأكل .. شيلى الأكل يا غبيه سخنيه مش شايفنى طالعه أغير بتسبيه ليه يبرد ويبقى شبه دمك البارد
عليا بأسف : أسف ستو هانم وبدأت تشيل  الأكل طبق ورا طبق .. سخنته ورجعت حطته لها تانى ..
شيرى بإستفزاز قلبت الطباق على الأرض وزعقت بعلو صوتها خلت كل إلا فى الفيلااا مرعوبين : مش واكله زهقتينى وفصلتينى يخربيتك  أنتى متسلطه عليااا ساعه عشان  تسخنى فيها مش بقول بارده .. شاورت بصباعها غورى خدى حاجتك وباقى حسابك وبرا ماشوفش وشك العكر  دا هنا تانى
عليااا عيطت : ليه ستو هانم والله سخنتو ألا طول  خمس دقائق بس ستو هانم
شيرى بتمد فى الكلمه : غوووووررررى من وشى .. أشرررف يا أشرررف .. أنت يازفت
اشرف جه جرى : نعم يا شيرى هانم
شيرى : نادى المحروقه التانيه تنضف المكان ودى حاسبها وغوارها جاتكو القرف كلكم وسابته وطلعت فوق تانى
عليا بعياط جااامد : والله عملت كله مظبوط وهو زعلان
أشرف بقلة حيله وزعل نطر إيده : أنتى زعلانه وبتعيطى على إيه دانتى تفرحى إن ربنا رحمك من القرف إلا هنااا روحى المكتب وأشتغلى عند ناس بتحترم البنى أدمين
عليا : روح هو يأذينى
أشرف نطر إيده : أدام هى إلا طردتك يبقى خلاص مفيش أذيه ماتقلقيش إنما لو كنتى سيبتى الشغل بمزاجك عمرك ماهاتشوفى راحه زى إسماعيل منها لله هى وأبوها ربنا ينتقم منهم  ضيعو مستقبل الواد ودمروه هو وعيلته
عليا مشيت من قدامه ونادى البنت التانيه نضفت المكان وأتعمل لها أكل سريع والبنت طلعت بيه فوووق وببتسامه من الودن للودن  : مساء خير ستو هانم 
شيرى شاورت وهى نايمه على السرير ورجليها كلها باينه : تعالى يا مصيبه .. جايبه إيه
البنت أبتسمت أكتر : جايب حاجه خفيف أشان خاطر أيونك هانم
شيرى ضحكت بصوت عالى جدا  : قربى هنا عجبتينى .. بصت فى الصنيه ..مكرونه واستربس .. أوكى .. أتعدلت وماسكه الفون .. تعالى أكلينى ياقرده
البنت : هاضر .. هاضر .. قعدت قدام شيرى تحط فى بوئها والتانيه مركزه فى الفون  والبنت مازالت قاعده تأكلها
شيرى من غير ما تبصلها : عليا غارت
البنت : مشى هلاص فى داهيه عشان خاطر زعل جميل بتأنا
شيرى سابت الفون وضحكت وهى بتضحك ضربت سقفت سقفه  : أنتى مشكله خرجتينى من مود الكأبه إلا كنت فيه .. قومى خلاص كفايه أكل أنا مش جاموسه زيكم مابشبعش
البنت ضحكت : أنت رقيق خالص وإحنا حبك  أشان كميل جدا
شيرى رفعت حاجب وبصت لها بمكر : فكرينى بأسمك
البنت : مديحه ستو هانم
شيرى : روحى يا مديحه عشان مش فاضيلك الثانيه عندى براقبه عشره منك وطت راسها .. فهمتى
مديحه وطت راسها بخجل وببتسامه زايفه : فهمتى .. وخرجت على طول بالصنيه وشيرى عيونها عليها باصلها بمكر بتفكر فى حاجه مجنونه ترضى غرورها .. مسكت الفون تانى وفضلت تقلب فيه وتبعت ملفات لعاملين عندها .. جابت المكالمات وأتصلت بمحمد  : حبيبى
محمد بصد : نعم
شيرى بدلع نامت على بطنها : يووواه بقى .. مابتزهقش زعل يابيبى طب بذمتك ليا حق وإلا مليش
محمد بنفاذ صبر : هاتقولى عايزا  إيه وإلا أقفل السكه فى وشك
شيرى : توء توء توء .. عيب يادكتور تتكلم مع مراتك بالأسلوب دا هى الحيوانه إلا عندك بهتت عليك
محمد بتحذير : أخر  مره ها أسمحلك تشتميها أو تتكلمى عليها بأسلوب مايعجبنيش ..  وبأستفزاز وبعدين إلا بيغير من حد يعمل زيه
شيرى أتعدلت وبصوت عالى وعصبيه : أنا أغير من حتت بنت جربوعه شكلك نسيت أنا مين وبنت مين .. قدامك أسبوع واحد تطلقها وإلا ها أتصرف أنا وماتزعلش بقى من شيرى لما تتصرف
محمد بهدوء جننها : ليه ناويه لما أطلقها تيجى تقعدى ببنتك وتشوفى واجابتك الزوجيه وتنفذيها
شيرى ضحكت بصوت عالى : شكلك يابيبى فعلا نسيت أنا مين وبنت مين  .. مصر  إن شيرى تخدمك أنت وبنتك
محمد : عشان عارف إن شيرى هانم ماتخدمش فا بقولها أنسينى وطلعينى من دماغك زى أنا ماعملت .. وعشان تبقى عارفه قلبى لو هايذلنى ها أحطه تحت رجلى وأدوس عليه لحد مايفوق ياشيرى هانم وبيقولها بتريقه ..  تمام  .. قفل فى وشها وشيرى قامت بكمية غل غير طبيعيه رمت الفون على السرير وفضلت راحه جايه .. راحه جايه .. لبست ونزلت وأول ماشافت مديحه .. ألبسى وجهزى شنطتك
مديحه بصدمه : ليه ستو هانم والله ماأملت هاجه 
شيرى صرخت فى وشها نفضتها من مكانها أنتى لسا هاتتكلمى وأشرحلك نفذى يازفته قوووام
مديحه جريت وشريف طلع لها جرى : فى إيه ياشيرى هانم هى مديحه عملت حاجه هى كمان
شيرى بصتله من فوق لتحت وقلبت شفتها : أنت نسيت نفسك .. هى الحشرات هاتدخل فى حياتى كمان .. ماعتش غيرك يسئلنى أنا بعمل إيه وليه وعشان إيه
شريف بإحراج وصوت كله خنقه : أسف ياشيرى هانم بعد إذنك
شيرى : تعالى هنا
شريف وهو باصص فى الأرض : أمرك
شيرى : أنا قولتلك أمشى
شريف هز راسه بنفى وساكت
شيرى : ماتتكررش تانى .. زعقت .. فاهم
شريف بتأكيد : أمرك ياهانم
شيرى نطرت صباعها .. غور .. مديحه أول ما قربت خدتها وطلعت على برا طلعت عربيه من الجراج وساقتها بسرعه جنونيه .. مديحه طول الوقت تدعى خايفه تموت على إيد المجنونه المتسلطه شيرى هانم .. نفسها تخبطها على دماغها تفوقها بس ياخوفها لو عملت كدا تفوق هى  على كابوس .. وصلت بعد مناوشات وسرعه غيرر طبيعيه تقريبا خدت أكبر عدد مخلفات فيه .. وقفت قدام العماره إلا ساكن فيها محمد وشدت مديحه إلا بتنزل رجليها على الأرض بخوف ورعب لدرجه إنها مش مصدقه إنها عايشه ولسا بتتنفس ماجرالهاش حاجه .. تعالى أسمعى  إلا ها أقولهولك كويس .. هاتطلعى  فوق فى شقة محمد جوزى أنتى جايه عشان مليكه .. جايه عشان مين
مديحه بخوف : مليكه هانم
شيرى : عايزاكى تبلغيى النفس إلا بيحصل فوق .. لو عملو إيه فاهمه كابسه على نفسهم وعلى الله يقرب من الزفته إلا معاه فى وجودك فاهمه
مديحه : فاهم ستو هانم فاهم
شيرى زقتها : قدامى .. مشيو خطوتين ورجعت وبزهق .. أوف منك يا غبيه تعالى خدى شنطتك
مديحه هزت راسها وجريت خدت الشنطه وإحساس إنها بتنفد بجلدها من تحت إيد شيرى إحساس ممتع .. طلعت فوق وخبطت بهدوء وبشويش .. لحظات والباب أتفتح .. مليكه بفرحه كبيره مامى
شيرى حطت إيديها على بوئها ووطت وبهمس : هشششش بابى فين يا ملوكه
مليكه ببتسامه بتشاور على أوضة سكره : دوا 
شيرى أتعدلت وعيونها بتطق شرار وإتجهت للأوضه بدون أى صوت وهى حابسه أنفسها .. زقت الباب فتحته ووقفت وعلامات الصدمه إتمكنت منها ودرجات الغل والغيره وصلتها  إنها عايزا تخلص على سكره فى الوقت والحال
🧡🧡🧡💛💛💚💙💙💙💜
بقلم : لبنى طارق
🧡🧡🧡💛💛💚💙💙💙💜