One More Time (Ghost Series #2)

Chapter 13

"Wala talaga sya sa ospital nyo dati dahil sa clinic lang naman sya nandon. Don sya sa clinic sa isang mall." Sagot ni Jin.

"Ay ganon? Pero hindi pa 'ko napupunta sa clinic ng mall eh.."

"Nurse, may magagawa po ba kayo para ibalik yung memory nila? Kailangan po kasi nila yon ngayon dahil sa mga nangyayaring kakaiba dito." Tanong sa kanya ni Jayne.

"Feeling ko nga, ano mang oras babalik na si Chelsea eh.." Gray whispered.

"Hindi ako sigurado kung maibabalik ko. Ngayon lang din ako nakakita ng kaluluwa na ibinalik nya sa pagiging tao.." Sagot naman nya nang nakatingin pa rin sakin.

Pero hindi naman talaga kami namatay. Kaya nung una palang ay may limit na kami dahil may balak talaga syang ibalik kami nang buhay.

"Gaya lang din sila ng sa kaso ko," si Dean. "Ang pinagkaiba nga lang ay hindi nila alam noon na may mga katawan pa sila."

Humarap sakin si nurse Aida at inilahad ang kamay sa harap ko. I let her hold my hand. Pagkatapos nyang makipagtitigan sa akin nang ilang minuto ay sina Alex at Sean naman ang tinignan nya.

Humarap sya sa mga kasama namin. "Lumabas muna kayo."

"Po? Pero---"

"Bakit, Greg? Hindi ka na ba pwedeng humiwalay kay Kim ngayon?" Nakangising tanong nya. "Lumabas ka muna.. pati kayong dalawa." Ang tinutukoy nya ay yong magkapatid.

Kaming anim na lang ang naiwan sa loob. Si Dean, Nurse Aida, Jayne, Sean, Alex, at ako.

"Alam kong kilala nyo 'kong dalawa. Si Alex lang ang hindi nakakakilala sakin dahil hindi ko naman sya na-meet noon. Pero kayo... kilala nyo 'ko."

Madiin kong pinagdikit ang mga ngipin ko dahil pinipigilan kong magreact. Hindi naman siguro sya mind reader, diba?

"They lost their memory, Aida." Dean told her.

Nilingon nya si Dean at tumingin naman kay Jayne, pagkatapos ay tumingin ulit kay Dean. "She didn't tell you?"

"Pinag-iisipan ko pa po kung kanino sasabihin at itatago." Jayne answered her question.

"Bumalik na ang memory nila." Nurse told her, referring to us. Gulat kong tinignan sina Sean at Alex at nagugulat din silang tumingin sa isa't isa. "Hindi nyo rin alam?"

"Bumalik na din memory nyo?!" I asked.

"Naaalala mo na din sila?!" Nanlalaki ang mga matang tanong sakin ni Sean at bumaling kay Alex. "Pati ikaw?!"

"Hanep ah.. Para tayong mga artista! So pare-pareho tayong nagpapanggap?!"

"I can't believe you two managed to hide it. Pero bakit hindi nyo sinabi?" Si Alex.

"Ikaw, bakit hindi mo sinabi?" Balik na tanong ni Sean.

"Jayne told me to keep it to myself. Bilang sumunod na leader kay Jom ay may tiwala ako sa kanya. Eh ikaw? Bakit mo tinago?"

"Sabi din ni Jayne!"

"Yon din ang sabi sakin ni Jayne."

Napunta ang lahat ng atensyon namin kay Jayne. Nanatili syang kalmado.

"Walang magandang maidudulot kung malalaman nila. May mga nakamasid sa amin sa labas nang hindi namin nalalaman. Mas mabuti nang hindi na nila malaman."

"Anong nakamasid? Sino?" Tanong ni Dean.

Sa pagkakatanda ko ay si Greg ang pinoprotektahan nya nang sabihin nya sakin iyon. Yon ba yung stalker ni Greg? Kilala nya din kami?