فصلوني الملحد -بلهجة العراقيه-

الامام علي عليه السلام

فصلوني_ الملحد
البارت_ الثالث والسبعون
((بقلم// ليلى السلطاني))
ــــــــــــــــــــــــــــــــــــــــــــــــــــــــــــــــــــــــــــــــــ

ياعلي كل عام ونحن نزداد لك عشقاً 🤍

ــــــــــــــــــــــــــــــــــــــــــــــــــــــــــــــــــــــــــــــــــ

ضيغم: فعلاً فخر نبينا

اميمه: ابتسمت وكتله:
اريد اروح جوة بالضريح اقرة قرآن واذا تريد ارجع نام واني بعدين الحكك.

ضيغم: لا اني هم اريد اقره روحي بي انتبهي موبايلج خاف اخابرج..

اميمه: ماشي
رحت عبرت تفتيش وطبيت بالصحن وكعدت اكمل قرآن ضليت اقره واني رايحة لغير عالم خلصت 5 اجزاء وسمعت تلفوني نهز طلعت برا وجاوبت ضيغم وكتله خلي يروح بعدني منعسانة وهو هم ماجذب خبر رجع للفندق واني رجعت طبيت كعدت قريت دعااء العهد لتعجيل ظهور امام زمانه وبقيت لازمة سبحة واتامل بالضريح ودموعي تنزل.

حسيت شي ندسني درت وجهي شفتها مرة حبيرة بالعمر متعرف تقرة بكتاب زيارة تريدني اقرالها والله ماجذبت خبر كعدت قريتلها كتاب كله وهي رافعه اديها وتنادي يالله.

كملت وخطية ظلت تدعيلي شكرت منها وكمت سلمت على مولاي امير المؤمنين وطلعت رحت تمشيت للفندق وطبيت لكيت ضيغم نايم رحت بدلت ورحت يمه بس انطيته ظهري ونمت ...

فزيت على صوت أذان الظهر كمزت بسرعة وباوعت ضيغم نايم كعدته ورحت للحمام غسلت وتوضيت وبدلت طب غسل وتوضه وبدل وطلعنه.

نزلنه رحنه صلينه جوه بالصحن جهة نساء منفصلة عن جهة الرجال صلينه ويا شيخ واكف وناس صلي ورا وصلو صلاة الجمعة واحنه وياهم ولقو محاظرة ضليت كاعده اسمع واسبح لحد ماخلصت المحاظرة رحت ترخصت من ضيغم وطبيت لضريح مولاي اقره قرآن وادعية وتسابيح لحد ما صارت دنيا العصر بس ماخليت كل موتانه صليتلهم على ركعتين ركعتين وقريتلهم قرآن .

يكسرون كلبي بذات من سمعت مرة خطاب بين الرسول وشخص ماذكر شنو اسمه بس شاف الرسول يبجي وكله :

: لماذ تبكي يارسول الله

فقال النبي: اه لو ترون ما ارى
جان قصد الرسول يشوف الاموات من تنزل ارواحهم من سماء كل خميس ويروحون دار اهاليهم لان هو نبي معصوم ومفتوحة عنده البصيرة يشوفهم ويسمعهم يكولون :

(( يا اهالينا تصدقو علينه ولو برغيف خبز)) .

يحجون هيج ويبجون بس اهل الدنيا محد يسمعهم ويشوفهم.

طلعت ضيغم وشفته كاعد ديسبح ويمه زلم ديتناقشون ضليت اسمعلهم نقاشهم جان على الدين وسياسة عفته ما زعجته وكعدت مقابيله شافني ابتسملي ورجع يكمل نقاش وياهم.