فصلوني _ الملحد
البارت _ الخامس والخمسون
((بقلم// ليلى السلطاني))
ـــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓــ
العثور على من يشبهني ضربة حظ ✨🖤
ـــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓــ
اميمه: ابتسمت على تصرفاته ورحت طلعت ملابس واخذتهم ورحت طبيت سبحت وطلعت نشفت شعري بشسوار ومشطت ولبست تراك وهستوني داخلي مكياج قليل ندكت الباب رحت باوعت من العدسة شفته عمو ثامر ركضت حطيت حجاب على راسي وفتحت الباب سلمت عليه وهو دخل جوه بالهول كعد.
ثامر: شونج بنيتي عذ يني خاف تاخرت عليج جنت بالشغل وهاي جيتي الج.
اميمه: لا عمو ماكو داعي تعتذر اصلا لازم اتعود واعتمد على نفسي وانته نطيني رقمك عود من يصير شي واحتاج شي اخابرك.
ثامر: ماشي بوية وصدك ذكرتيني هاج هذا سيمكرت تركي خلي بجهازج وانطيني موبايلج خخلي ابثلج بي نت بارحة نسيت انطيج نت صاحب عمارة مكنكلكم وكل شهر ياخذ حساب النت واذا مدفعتي يضعف الاشتراك عندج بس مينكطع.
اميمه: ها خوش
ثامر: وحجيت ويا عمج وسئل عليج وطمنته وهسه اكنكلج وخابريهم بالهم يمج
اميمه: اي اي هسه اخابرهم.
انطيته تلفون خلالي شريحة وكنكلي شفته كام وكال:
ثامر: باجر يوم احد عدنه بتركيا عطلة امرلج الصبح ونروح للكلية.
اميمه: تمام عمو بس اكتبلي عنوان شقتي وين لان كتلك اريد اعتمد على نفسي اروح لسوك اطلع اتمشى علمود مااضل كلساع اخابرك.
ثامر: ماشي بنيتي دير بالج على نفسج ولوو مبينه سباعية وشتحتاجين اني يمج بترميشة اجيج ركض.
اميمه: هههههه ماشي كتبلي العنوان
ودعته وراح واني رحت للغرفة اتصلت على باجي رحمه خطية تحجي وياي وتبجي ضليت ابجي وياها واهدي بيها ونوب شوفتها شقتي وضلينه ساعه كاملة نحجي وصار عدها شغل وراحت.
واني كمت كلت خلي اطلع اتمشى شوية
طلعت بنطرون قهوائي وبلوز ابو رگبه حليبي وسترة قهوائية ولبست حذاء رياضية بيضه وطلعت جوزدان صغير خليت بي فلوس وضميته بجيبي ولبست حجاب واخذت تلفوني وقفلت بيبان كلها وطلعت وقفلت باب شقة ونزلت من الدرج وطلعت مااندل الدرب وماعرف وين اروح وين امشي ضليت اتمشى بطريق جان بي ناس وجانت اكو حديقة جوة العماره كلش حلوة ونظيفة ضلبت اتمشى لحد ماشفت نفسي دامشي يم البحر باوعت على منظرر رهيب ويخبل والسفن تارسة البحر والطيور والهوه البي كرصة برد.
حسيت نفسي طيرر وطايره بالجو
كعدت على مصطبة وضليت اباوع للمنظر الخلاب وبقيت اطكطك صور كلت من ارجع ادزهن لباجي رحمه شوفهن.
أنت تقرأ
فصلوني الملحد -بلهجة العراقيه-
Mystery / Thriller.جابوها دفع للدار= = لاديرم ولاحنه ولاصفكه = = ولادف النعر بالسلف لاهلهوله لاملكه== سألت الناس عن قصة هالبنيه == شعجب جاروا عليها بغير حنيه ورديت بكلب حزنان من كالولي فصليه العنت ظلم التقاليد بالف حركه عمنها الاخضر الهرفي بسعر اليابس تحركه احديثه...
