فصلوني الملحد -بلهجة العراقيه-

سليمان عليه السلام

فصلوني_ الملحد
البارت_ الواحد والبسعون
((بقلم// ليلى السلطاني))
ــــــــــــــــــــــــــــــــــــــــــــــــــــــــــــــــــــــــــــــــــ
ترا اتعافيت منهن لايضل بالك مو انا اليجلب بعد بذيالك
ــــــــــــــــــــــــــــــــــــــــــــــــــــــــــــــــــــــــــــــــــ

اميمه: كعدت على صوت ضيغم يكعد بيه كمت ثاوبت وكتله:

صباح الخير

ضيغم: صباح النور يحلو يلا كومي خلي ننزل نتعشى

اميمه: شنو؟؟ ليشش بيش ساعه؟؟

ضيغم: بـ 7 باليل

اميمه: جذذذذذب عزاااااااا هاي شكد نايمة اني

ضيغم : من التعب غير ماكعدتج عفتج على راحتج

اميمه: فدوه روحك
كمت رحت غسلت وجهي ولميت شعري ونزلت على درج ركض وبس صوت النعال رج البيت واني خربانه ضحك على رروحي شكد مشتاقة انزل هيج.

رحت للمطبخ شفته جايب مندي جهزته وكعدنه تعشينه وكملنه وسويت جاي وشربنه ورحت افتريت بالبيت وبالاخير استقرينا بالهول وضلينه نباوع على تلفزيون وكتله:

شوكت ننطلق؟

ضيغم: بكيفج

اميمه: شنو رئيك هسه نطلع؟ نوم وشبعاني اكل واكلنه على شنو باقين بالبيت.

ضيغم: يلا لعد

اميمه: خلينه نروح لنجف بـ اول شرأيك؟

ضيغم: ياريت هي زيارة امير المؤمنين قابل حاصلة.

اميمه: اي والله يلا امشي نبدل.
خليته يصعد كدامي واني رحت ضميت اكل وغسلت اماعين زايده ومسحت كاونترات وطفرت فوك ضيغم بالحمام ديسبح واني رحت طلعت بنطرون مطاطي حلوو عبالك بجامة لابس كلش مريح وتشيرت خفيف نص ردات ولبست وفكاهن جبه وحذائي رياضية
ولبست حجابي وضيغم بصفي طلع وديمشط.

ونزل الجنط جوه ناخذهن ويانه واني اخذت جنطتي ونزلت ورا وقفلنه كلشي وصعدنه بالسيارة وتوجهنا الامير المؤمنين علي ابن ابي طالب عليه السلام.

ضل يسوق واني بس اصلي على النبي وهديت سورة الفاتحة لـ ام البنين وبيدي سبحة واسبح.

ضيغم: بعد شكد ونكمليلي القصص

اميمه: هسه احنه وصلنا لـ النبي سليمان عليه السلام وبعد النه النبي محمد ونختم الانبياء عليهم السلام.

ضيغم: احجيلي قصة النبي سليمان اريد اسمع قصة النبي محمد صلـﯽ الله عليه وآله وسلم يم اخو وابن عمه الامام علي عليه السلام.

اميمه: تدلل
اسمه سليمان عليه السلام ابن النبي داود عليه السلام

سخر له۫ الجن والإنس علم لغة الوحوش ولغة الطير
ملك ونبي جاب اقطار الأرض كلها لينشر العدل والأمن والأمان .