فصلوني _ الملحد
البارت _ السابع والأربعون
((بقلم// ليلى السلطاني))
ـــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓــ
:وبعَـد حچـي هواي عن حياتهَا ،
صفَـنت وكالت
آساساً چـنت دائما قويه .💙
ـــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓـــــٓــ
اميمه: مر شهر على وجودي ويا طه وحالتي نفسية وجسدية تحسنت بس بنفس وقت شخصيتي صارت كلش ضعيفة انطوائية مااحجي 24 ساعه ساكتة بس من يحاجيني طه احجي مخلصه وقتي كله بغرفة عمتي واباوع تلفزيون وباليل انام وحدي كمت بالغرفة اظل اذكر صار اكعد ابجي بدون ميدري طه.
صرت مو اجتماعية اخاف اطلع باب الشارع وبس اشوف شارع جسمي يرجف.
واليوم اجه عمي الشيخ سلمت عليه بكل برود وهو اجه وجايبلي مثل فايل وكال:
الشيخ: بوية اكو مدرسة قريبه عليكم هناك كدرت اتوسطلج بيها وراح يدخلوج ثالث متوسط وترجعين دراستج وهاي غراضج جبتهن الج وهدومج وغراضجن كلهن بحجة بالبيت ماريد اشوف شي يذكرني بيج اخذتهن.
اميمه: ليش جاي ساعدني
الشيخ: اريد اوصلج لمكان كلش جبير واريدج تفكسين عيون ومن اوصلج لحلمج راح اظهرج كدام كل واحد طعن بشرفج وكال عليج بيوم فاشلة كدام عمامج وخوالج وكدام ابني النذل فهمتيني ليش جاي اساعدج بوية انه بالي يمج وخايف عليج اكثر من خوفي على غدير صح كلها حاقده عليج وصدكو بالحجي بس يجي يوم وراح يعرفون حقيقة ويجون هما يتعذرولج!.
اميمه: كمت ابجي وكتله:
عمي صعبب صعبب كل مااذكر سوا سيف وياي جاي اموتن انه والله.
الشيخ: رحماك ياالله
كليلي شسويله تردين تحط ﭼـيله براسه واكتله والله اسويلها اذا هذا شي يريحج! .
اميمه: مسحت دموعي وكتله:
لا انه لازم اصير قوية وارجع مثل قبل واوصل لهدفي.
الشيخ: عفية بتي اريدج هيج تفكرين
اميمه: شوكت اداوم بهاي مدرسة
الشيخ: من عين باجر هسه احاجي وادلي طه بيها واخلي يومية يوديج ويرجعج.
اميمه: ان شاء الله هسه هو على جيه
الشيخ: هسه اخابرة هم يلا اريد اروح
اميمه: والله متروح الا تتغده هسه هو جاي ونكعد انه وياك وطه نتغده دنيه ظهر وكت غده.
الشيخ: والله تردين الصدك انه مشتاك الطبخج بوية كلش تعودنه عليه لو شوفين حبوبتج تنوح عليج وتكول ليش هجي سويتي ورحتي ياحبوبة عبالها صدك مهزومة.
اميمه: بيك خير وتدلل
وعلي مشتاكتلها بس شسوي الله كريم.
داحجي ويا عمي ندكت باب كمت فتحتها طه سلمت عليه ورحت للمطبخ لفيت شالي عدل وصبيت غده جنت مسوية تمن ابيض وبانية مطبكتها على لحم غنم وخضورات وبصل وبـمنـﭼـاسه صغيرة ثردت بـ البانية وطركت لبن وديته ورجعت خليت ﭼـاي على نار ورحت وكعدنه كلنه واكلنه ضل عمي يحجي ويا طه وهو كلش فرح لان قبلت وشجعني كلش على فكرة.
ESTÁ A LER
فصلوني الملحد -بلهجة العراقيه-
Mistério / Suspense.جابوها دفع للدار= = لاديرم ولاحنه ولاصفكه = = ولادف النعر بالسلف لاهلهوله لاملكه== سألت الناس عن قصة هالبنيه == شعجب جاروا عليها بغير حنيه ورديت بكلب حزنان من كالولي فصليه العنت ظلم التقاليد بالف حركه عمنها الاخضر الهرفي بسعر اليابس تحركه احديثه...
