فصلوني الملحد -بلهجة العراقيه-

النبي نوح عليه السلام

فصلوني _ الملحد
البارت _ العاشر
((بقلم// ليلى السلطاني))
ـــــــــــــــــــــــــــــــــــــــــــــــــــــــــ

أحبُّكِ ..

في زمانِ الخوفِ إيمانًا

بأن الحبَّ يُنقِذُني

منَ الطوفانْ

أنا نُوحٌ

وأنتِ سَفينةُ العِشقِ

سَتحمِلُني على الشطآنْ"
ـــــــــــــــــــــــــــــــــــــــــــــــــــــــــ

اميمه: كومي غدير خلي نظف البيت خاف احد يجيكم وخلي نعاون خالة ام حسن خطية.

غدير: اي هسه جاية

اميمه: كمت ورحت اتمشى للمطبخ ودرت وجهي عليها شفتها تلعب بتلفون كتلها

ديلا كوميي

غدير: يابه وجرجف الكعبة اجيت

اميمه: هههههههههههههههه يايمه ولج شهل حلفان هذا يخايبة

غدير: هههههههههههه
يلا امشي

اميمه: طبينه للمطبخ ورحنه للماعين انه كمت اجلف وهي تخض وام حسن متعجبة اول مرة غدير تكوم تشتغل هي مدللة بالبيت
نظفنه مطبخ ورجعنه للبيت هي كنست الطابقين وانه رجعت وراها مسحت بس نكسر ظهري تكسر والديوان موتني حيل جبير والجبير الله.

كملت وطلعنه للكراج غدير ترشرش بالمي وانه نظفت الحديقة وكنستها ولميت الوصخ وبعدين رجعت على كراج كله غسلته ونظفته وهستوني جاي انشف بيها شفنه الباب نفتحت وطبت مرت سيف سعاد وياها ولد بساعيتي تزلت اردان ايدي وعدلت شيلتي همزين جنت لابستها ورحت وكفت على صفحة.

بس حسيت عيون قذرة جاي تراقبني بس من سمعت صوت غدير ارتاحيت شفتها اجت يمي لان جانت جوة وكالت

غدير: عوووووع هاي شجابها

اميمه: اخوج رجعها غير

غدير: لا يمعودة اخوي مايرجعها هي كل ماتزعل ترجع وحدها واخوها يجيبها لو ابوها.

اميمه: ها هذا اخوها

غدير: اي اخوها

اميمه: شفتها حجة ببي وضلت تتبسم وكامت تعدل بشعرها ونزلت كذلتها وكالت

غدير: خلي اروح اقدملة الضيافة وانتي كملي وطبي

اميمه: ماشي
راحت وانه دايخة من تصرفاتها وشعجب مالبسة حجاب حرام هو محرم عليها لازم تنزع حجابها بس كدام ابوها واخوها وزوجها وابو زوجها اما الباقين حرام والله يعاقبها،
كلت لازم انصحها حرام عليه اباوع واسكت.

نشفت الكراج ورحت طبيت كعدت بالمطبخ الشتوي يم خالة ام حسن
مطبخهم شتوي وصيفي رحت كرصت هناك حتى مااحد يشوفني وضليت احجي ويا خالة ام حسن وكتلها: