"ဆာရန်း.. Appa ဘယ်လိုနေလဲ။ အဆင်ပြေရဲ့လား"
အနောက်တိုင်းဝတ်စုံကို necktie မပါဘဲဝတ်ကာအဖြူရောင်ကုတ်အောက်မှရှပ်အနက်ကိုကြယ်သီးတစ်လုံးဖြုတ်ထားပုံကမြင့်မားသောအရပ်၊ ကျယ်ပြန့်သောပခုံး၊အဆီပိုမရှိချပ်ရပ်သွယ်လျနေသည့်ကိုယ်ခန္ဓာပေါ်တွင်လိုက်ဖက်တင့်တယ်နေ၏။ ရှေ့ဆံပင်တွေကိုအကုန်အစင်အပြောင်သိမ်းထားတာမျိုးမဟုတ်ဘဲတစ်ချို့တစ်ဝက်သာလှန်တင်ထားပြီးနဖူးပေါ်တွင်ဆံစတစ်ချို့ချထားလေတော့ဘဲဥပုံမျက်နှာကျလေးကိုပိုထင်ရှားစေကာပန်းပုရုပ်လေးတစ်ရုပ်လိုအပြစ်အနာဆာဆိုတာဘာလဲလို့မေးယူရလောက်အောင်ပြိုင်ဖက်ကင်းသောပြည့်စုံမှုမျိုးကိုကင်ဆော့ဂျင်ရဲ့မျက်နှာပေါ်တွင်သာတွေ့နိုင်သည်။
"Appa ကတော့ဂုန်နီအိတ်ကိုအင်္ကျီချုပ်ဝတ်ရင်တောင်ကြည့်ကောင်းနေဦးမှာပဲ"
"တကယ်ပဲ.. Appa ရဲ့မင်းသမီးလေးအတော်ဆုံး"
သူကလက်မနှစ်ချောင်းထောင်ပြကာပြောလိုက်တော့ဆာရန်းကမျက်လုံးပေါက်လေးပျောက်သွားအောင်ရယ်သည်။ အားရပါးရရယ်လိုက်တိုင်းပေါ်လာတတ်တဲ့မေးစေ့ကအချိုင့်ခွက်သေးသေးလေးကြောင့်ဆာရန်းလေးရဲ့အပြုံးကချစ်စရာအလွန်ကောင်းသလိုဆာရန်းပြုံးတာမြင်တိုင်းဆာရန်းလေးနဲ့ တထေရာတည်းတူသည့်ယူဂျောင်းကိုအမှတ်ရစေပါသည်။
"Aigoo! ဆာရန်းရဲ့ Appa.. ဒီလိုတွေဝတ်စားပြင်ဆင်ပြီးဒိတ်တတ်တဲ့အရွယ်တောင်ရောက်နေပြီ.. ကစားကွင်းမသွားရလို့နှုတ်ခမ်းစူပြီးစိတ်ကောက်ခဲ့တာလေးတွေကပြန်တွေးကြည့်ရင်မနေ့တနေ့ကလိုပဲ"
"Appa ကဘယ်တုန်းက.. "
"အခုတော့ Appaရဲ့အချစ်ကိုဆာရန်းတစ်ယောက်တည်းအပိုင်ရတာမဟုတ်တော့ဘူးပဲ။ အရင်လို.. တလောကလုံးမှာဆာရန်းကိုအချစ်ဆုံးဆိုတဲ့စကားလေးတွေမကြားရတာဘယ်လောက်ကြာပြီလဲ။ ဆာရန်းကိုအရင်လောက်မချစ်တော့ဘူးမဟုတ်လား.. ပြောင်းလဲသွားပြီမဟုတ်လား"
ဆာရန်းကခါးလေးထောက်ပြီးမျက်စောင်းလေးဝင့်ကာမကျေနပ်သလိုလေးပြောသည်။ သူကသဘောကျလွန်းစွာရယ်လိုက်ပြီးဆာရန်းရဲ့ပါးလေးကိုခပ်ဖွဖွလိမ်ဆွဲလိုက်သည်။
VOUS LISEZ
Can We Become Strangers? (✔️)
Fanfiction(Unicode) ရင်ထဲမှာသူရှိ,မရှိကိုနှလုံးသားကအလိုလိုသိနေပြီးသားပဲ.. အဲ့ဒါကြောင့်အကြောင်းအမျိုးမျိုးကြောင့်လမ်းခွဲကြပြီးရင်သူစိမ်းတွေဖြစ်သွားမှာလားဆိုတဲ့မေးခွန်းကိုမေးမနေတော့ပါဘူး.. Jeon Jung Kook 💜 Kim Seok Jin (Zawgyi) ရင္ထဲမွာသူရ...
