"မလုပ်ပေးနိုင်ဘူး။ မကျေနပ်ရင်ထုတ်ပစ်လိုက်"
အတွင်းရေးမှူးမင်၏နှုတ်ထွက်စကားသည်မျက်နှာထားနှင့်အပြိုင်ပြတ်သားနေ၏။ စိန်ခေါ်ရုံသက်သက်ပြောလာသည့်စကားမဟုတ်မှန်းသိနေသည့်အတွက်သူ့ဘက်ကပါပြန်တင်းလိုက်လျှင်အကုန်လုံးအပျက်ပျက်နှင့်နှာခေါင်းသွေးထွက်နိုင်သည်။ ထိုကဲ့သို့မဖြစ်ရလေအောင်ကြိုတင်ကာကွယ်သည့်အနေဖြင့်သူ့ဘက်ကစပြီးတစ်ထစ်လျှော့ပေးမှတော်ကာကျမည်။ မဟုတ်ရင် hyung ရှေ့တွင်သူလိမ်ထားညာထားသမျှစက္ကန့်ပိုင်း၊မိနစ်ပိုင်းအတွင်းဘူးပေါ်သလိုပေါ်သွားနိုင်သည်။ အခုမှ hyung နဲ့ ရင်းနှီးဖို့လမ်းစလေးမြင်ရုံရှိသေးသည်.. ဒါမျိုးတော့သူဘယ်လိုမှအဖြစ်မခံနိုင်ပါ။
"အဲ့လိုတော့မျက်နှာလွှဲခဲပစ်လုပ်လို့ဘယ်ရမလဲ။ ဒီလိုတွေသရုပ်ဆောင်ငှားရတဲ့အထိလုပ်ရတာဘယ်သူ့ကြောင့်လဲ။ 'ဒရိုင်ဘာ' ဇာတ်ညွှန်းကိုရေးတာဘယ်သူလဲ"
သူ့စကားကြောင့်အတွင်းရေးမှူးမင်အနည်းငယ်တွေဝေသွားပုံရသည်။ မျက်မှောင်ကြုတ်ကာခေတ္တမျှစဥ်းစားပြီးမှ..
"အိုခေ.. အဲ့ဒါဆိုမျှမျှတတဖြစ်အောင် kawi bawi bo"
"အမ်"
"သုံးပွဲကစားမယ်။ boss နိုင်ရင် boss ခိုင်းတဲ့အတိုင်းလုပ်ပေးမယ်။ ကျွန်တော်နိုင်ရင်တော့..."
"ကောင်းပြီ။ ဒါပေမယ့်.. ရှုံးရှုံး၊နိုင်နိုင် မန်နေဂျာဂျီမင်းရဲ့အကူအညီကိုတော့ယူလို့ရတယ်မဟုတ်လား"
"ဆော့ဂျင်ကိုရိုက်ကွင်းနားမသွားစေနဲ့လို့ကျွန်တော်ဂျီမင်းကိုသေချာမှာထားပါတယ်"
"ပြီးရော.. ဒါနဲ့ အတွင်းရေးမှူးမင်.. မင်းတော့အရွေးမှားသွားပြီ။ ငါက kawi bawi bo ဆိုသိပ်ကျွမ်းတာ"
ကျွမ်းကျင်သူကြီးကလည်းကံတရားရဲ့မျက်နှာသာပေးခြင်းကိုမခံရလေတော့.. အရှုံးနဲ့သာရင်ဆိုင်ရပြီးခေါင်းငိုက်စိုက်ချ၍သာရိုက်ကွင်းရှိရာသို့ကိုယ်တိုင်ပဲထွက်လာခဲ့ရတော့သည်။ မင်ယွန်ဂီတို့ကတော့အနိုင်ရပြီဆိုတာနဲ့လှောင်အိမ်ကလွတ်မြောက်သွားတဲ့ငှက်တစ်ကောင်နှယ်ပြေးထွက်သွားလိုက်တာလှစ်ခနဲ.. သူ့မှာဈေးဆစ်ချိန်တောင်မရလိုက်။
YOU ARE READING
Can We Become Strangers? (✔️)
Fanfiction(Unicode) ရင်ထဲမှာသူရှိ,မရှိကိုနှလုံးသားကအလိုလိုသိနေပြီးသားပဲ.. အဲ့ဒါကြောင့်အကြောင်းအမျိုးမျိုးကြောင့်လမ်းခွဲကြပြီးရင်သူစိမ်းတွေဖြစ်သွားမှာလားဆိုတဲ့မေးခွန်းကိုမေးမနေတော့ပါဘူး.. Jeon Jung Kook 💜 Kim Seok Jin (Zawgyi) ရင္ထဲမွာသူရ...