"နာမည်"
ထိုစကားကိုခပ်ပြတ်ပြတ်ရေရွတ်ရင်းဆိုဖာကျောမှီပေါ်လက်တစ်ဖက်ဆန့်တင်ကာခြေချိတ်ထိုင်လိုက်ပုံကမာန်အပြည့်၊ အရှိန်အဝါအပြည့်ဖြင့်ခန့်ညားနေသည်။ ဆိုဖာပေါ်တင်ထားသည့်လက်ကိုတံတောင်ထောက်၍နားထင်မှာလက်ညှိုးထောက်ကာစူးရှသည့်မျက်လုံးများဖြင့်ခန္ဓါကိုယ်ကိုဖောက်ထွင်းမတတ်စိုက်ကြည့်၏။ စူးရဲလွန်းသည့်အကြည့်တို့ကြောင့်သိမ်ငယ်စိတ်ကအလိုလိုဝင်လာမိသည်။
"လီ.. ဂျယ်.. ဟွမ်.. ပါ"
"အသက်"
"သုံးဆယ်"
"အလုပ်အကိုင်"
"Stunt double ပါ"
"အရင်ကကျူးလွန်ခဲ့တဲ့ပြစ်မှုဟောင်းတွေရှိခဲ့ဖူးလား"
"မရှိပါဘူး"
"အဲ့ဒါဆိုရင်.. DNA နဲ့လက်ဗွေရာစစ်ဖို့.."
"Boss.. အခုက Bossနေရာမှာတစ်နာရီလောက်လေးပဲ သရုပ်ဆောင်ဖို့လူငှားပေးပါဆိုလို့သူ့ကိုခေါ်လာတာနော်။ တရားခံစစ်ခိုင်းနေတာမဟုတ်ဘူး"
ဘေးကနေဝင်ပြောလာသည့်အတွင်းရေးမှူးမင်၏သတိပေးစကားကြောင့်ဂျောင်ကုကချိတ်ထားတဲ့ခြေထောက်ကိုဖြည်လိုက်ကာကိုယ်ကိုအနည်းငယ်ကိုင်းလိုက်သည်။ မျက်နှာကတင်းနေပေမယ့်အကြည့်တို့ကအရင်လောက်မပြင်းထန်တော့။
"သိတယ်.. hyung ရဲ့လုံခြုံမှုအတွက်သေချာအောင်မေးနေရတာ"
"နှစ်ယောက်တည်းတွေ့မှာမှမဟုတ်တာ။ ကျွန်တော်တို့လည်းအနားမှာရှိနေမှာပဲ"
"သူကစိတ်ချရတာသေချာလား"
မင်ယွန်ဂီကသူ့ကို'ပိုကိုပိုလွန်းတယ်'ဆိုသည့်အကြည့်ဖြင့်တစ်ချက်စွေကြည့်ပြီးနှုတ်ခမ်းကိုမဲ့ကာ..
"အဲ့ဒီ့လောက်တောင်မယုံကြည်နိုင်ဖြစ်နေရင်ကိုယ်တိုင်ထ လုပ်လိုက်ပါလား"
"အဟမ်း.. ထားပါတော့။ ဒါပေမယ့် သူက.. stunt double တစ်ယောက်အနေနဲ့အရမ်းကြည့်ကောင်းမနေဘူးလား"
မြင့်သောအရပ်၊အချိုးအဆစ်ကျပြေပြစ်သောခန္ဓါကိုယ်၊ယောက်ျားပီသသောမျက်နှာအစိတ်အပိုင်းတို့ကိုပိုင်ဆိုင်ထားသည့်လီဂျယ်ဟွမ်ဆိုတဲ့လူဟာသက်ရှိKenရုပ်တစ်ရုပ်လိုကြည့်ကောင်းနေတာကိုတော့ဘဝင်မကျချင်။
ESTÁS LEYENDO
Can We Become Strangers? (✔️)
Fanfic(Unicode) ရင်ထဲမှာသူရှိ,မရှိကိုနှလုံးသားကအလိုလိုသိနေပြီးသားပဲ.. အဲ့ဒါကြောင့်အကြောင်းအမျိုးမျိုးကြောင့်လမ်းခွဲကြပြီးရင်သူစိမ်းတွေဖြစ်သွားမှာလားဆိုတဲ့မေးခွန်းကိုမေးမနေတော့ပါဘူး.. Jeon Jung Kook 💜 Kim Seok Jin (Zawgyi) ရင္ထဲမွာသူရ...
