Asylum Agatha (COMPLETED)

4

"Mama, sino yung mga lalaki sa kwarto mo? Bakit nakahubad sila?" tanong ng walong taong gulang na batang babae.

Hawak nito ang sira-sirang laruan na teddy bear, hinaplos ng inosenteng bata ang ulo ng laruan bago nag-angat ng tingin.

Hinablot ng ina ang buhok ng bata at matalim na tiningnan ito. Bumaon ang matalim na mga kuko ng babae na nakapagpaaray sa bata.

"Huwag na huwag kang magkakamaling magsumbong sa itay mo kundi ay malilintikan ka sa'kin!"

Pabalya nitong binitawan ang bata at bumalik sa kwarto nito. Humihikbi ang kawawang bata at dinampot ang nahulog na laruan, pinagpagan ang alikabok at pumunta sa silid niya.

"Bakit ayaw sa akin ni mama? Hindi niya na ba ako mahal?" tanong ng bata habang mahinang humihikbi.

"Baka ayaw niya sa tulad ko, kasi bad girl ako"

"H'wag ka na malungkot"

Gulat na napalingon ang bata sa sulok, lumakad papunta sa kaniya ang isang batang babae.

Gula-gulanit ang puting bestida nito at puno ng putik, sabog ang buhok at maitim ang labi. Napakaputi rin nito pero may napansin siya...

Nawawala ang dalawang mata nito!

Takot na sumiksik sa gilid ng aparador ang bata samantalang nakangiti lamang sa kaniya ang babaeng walang mata.

"Huwag kang matakot, hindi kita sasaktan" nakangiti pa rin ang babae, may dimple ito sa magkabilang pisngi.

Natatakot man ay unti-unting tumayo ang bata at umupo sa kama. Tumagilid ang ulo ng babae habang nakangiti.

"Pwede mo akong maging kaibigan" anyaya pa ng bata.

Lumunok ang batang babae bago niyakap ng mahigpit ang laruang hawak. Gamit ang malungkot at maliit na tinig ay tinanong niya ang bata.

"Hindi mo ba ako...papaluin?"

Umiling lamang ito habang nakangiti.

Nawala ng paunti-unti ang takot ng bata, nginitian niya ang bata.

"Sige, simula ngayon ay magkaibigan na tayo!"

.

"HINDI ba't sinabi ko na sa'yo na bawal na bawal kang pumunta ng bodega?! Napakatigas talaga ng ulo mo!"gigil na kinaladkad ng ama ang batang babae.

Puro sugat ang braso ng bata dahil sa paghila ng ama, tila wala itong pakialam kung masugatan man ang anak.

"Wala ka talagang kwenta! Mabuti ay ibenta na lamang kita kay Pareng Greg!"galit na sabi pa nito.

Humahagulgol ng malakas ang bata, sobrang hapdi ng balat niya. Namumula ang mga mata niya sa kakaiyak.

Isang linggo ang nakalipas ng ibenta siya ng ama sa kumpadre nito, isang linggo na puro pananakit ang ginagawa sakanya ng lalaki.

Kagagaling nga lang ng pasa niya sa mukha ay nadagdagan na naman ito nang suntukin siya at sipain sa tiyan. Wala itong awa!

Ni-hindi siya nito mapakain ng tama, kaning baboy at tira-tira lamang ang ibinibigay sa kaniya. Bakit nga ba siya ganito itrato ng mga ito?

Ah! Binili lang naman kasi siya nito sa halagang limang-daang piso. Saka siya pinaalis ng ama at ibigay sa taong bumaboy sa buong pagkatao niya.

Ginagahasa siya ng lalaki kapag nakahithit ito ng ipinagbabawal na gamot, sinisipa at sinusuntok kapag hindi niya ito naipaghahanda ng pagkain o kapag hindi niya nalinisan ang buong bahay.

Katatapos lang nitong gamitin ang katawan niya at iniwan na parang basahan matapos suntukin dahil ayaw niyang ipasok sa kaniyang bibig ang maliit na pagkalalaki nito.

Duming-dumi siya sa kaniyang sarili, ano bang ginawa niya sa past life niya at ganito ang karma'ng inabot niya? Ang kapurihan at kainosentehan ay inagaw sa kaniya.

"Kamusta ka na?"

Natigil ang pag-iyak niya ng marinig ang tanong ng kaibigan niya.

"T-tulungan mo ako."garalgal ang boses na tawag ng bata. Lumakad siya sa madilim na kwarto, paika-ika siyang naglalakad.

"Parang a-awa mo na, tulungan mo ako" sumisigok na sabi ng bata.

Napaluhod siya ng tuluyan ng bumigay ang tuhod niya. Hindi pa nga pala siya nakakakain ng agahan o miski tanghalian.

"Anong gusto mong tulong?"

Natigilan ang bata.

Ano nga bang klaseng tulong? Sapat ba na lumayo siya habang nagsasaya ang mga ito? Sapat ba na kapag umalis siya rito ay magiging mapayapa na ang bawat gabi niya?

Matatahimik ba siya na malayang nakakapaglakad ang mga taong sinira ang pagkatao niya?

Ang mga magulang niya..

Ang kumpadre ng ama niya..

Ang buong kabayan niya na pinagtatawanan siya at kinukutya..

Kaya niya bang umalis na mabigat ang kalooban?

"G-gusto kong gumanti. Patayin natin silang lahat!"