~ဂျလောက်~
တံခါးသံတိုးတိုးညင်ညင်လေးကြောင့်ကုတင်နောက်မှီတွင်ခေါင်းအုံးခု၍ကျောမှီကာခြေဆင်းထိုင်နေသည့်သူလေးရဲ့မျက်နှာကတဖြည်းဖြည်းချင်းသူ့ဘက်သို့လှည့်လာသည်။ သူ့ကိုမြင်တော့မျက်ခုံးနှစ်ဖက်ကိုထိလုမတတ်ကြုံ့လိုက်သည်။သူ.. အခန်းထဲလည်းတန်းမဝင်ရဲသေးဘဲချီတုံချတုံဖြစ်နေခိုက်..
"ဘာလဲ.. ဘယ်သူလဲ.. ဘာလာလုပ်တာလဲ"
အကြည့်လေးတွေမှာဒေါသရိပ်လေးတွေမြင်နေရသလိုအသံလေးကလည်းမာထန်နေ၏။ သူ.. ဘာပြန်ပြောရင်ကောင်းမလဲလို့စကားတွေရှာကြည့်ပေမယ့်ရှာမရ။ အခန်းဝမှာတင်ကျောက်ရုပ်တစ်ရုပ်လိုတောင့်တောင့်ကြီးရပ်နေမိတော့သည်။
"အနားမှာတစ်ချိန်လုံးရှိနေပါ့မယ်ပြောပြီးတော့အခုမှဘာလာလုပ်တာလဲ။ သိပါတယ်.. ဆေးရုံစတက်ကတည်းကတစ်ချိန်လုံးဒီမှာပဲနေ,နေရလို့.. ပင်ပန်းနေမှန်း.. သိပေမယ့်.. အနည်းဆုံးတော့သတိရလာတဲ့အထိအနားမှာရှိနေပေးသင့်တာပေါ့။ ဘယ်သူကအိမ်မပြန်နဲ့လို့တားမှာမို့လို့လဲ.. ဘယ်သူက.. "
နှုတ်ခမ်းလုံးလုံးလေးတလှုပ်လှုပ်နဲ့မနားတမ်းရန်တွေ့နေတဲ့စကားသံလေးတွေတိတ်ကျသွားအောင်ကုတင်ပေါ်မှာငုတ်တုတ်ထိုင်နေတဲ့ခန္ဓာကိုယ်လေးကိုရင်ခွင်ထဲမှာနစ်မြုပ်သွားသည်အထိအုံ့မိုးဖက်လိုက်သည်။ နှစ်ပေါင်းများစွာပျောက်ဆုံးသွားတဲ့အသည်းနှလုံးလေးကအခုမှသူ့ဆီကိုအံဝင်ခွင်ကျပြန်ရောက်လာသလိုပင်..
"စိတ်ဆိုးတယ်ဆိုရင်လည်းတခြားအပြစ်တွေကြိုက်တာ ပေးပါ။ မသိတဲ့လူတစ်ယောက်လိုတော့မဆက်ဆံလိုက်ပါနဲ့။ ဒီနေ့အတွက်.. နှလုံးသားလေးကခံနိုင်ရည်မရှိတော့လို့ပါ"
သူကအသက်ကလေးရဲ့မျက်နှာလေးမှာပါးပြင်နှင့်ဖိကပ်ပွတ်တိုက်ရင်းပြောတော့ရင်ခွင်ထဲမှခန္ဓာကိုယ်ငယ်လေးကအနည်းငယ်လူးလွန့်လာပြီးသူ့ရင်ခွင်ထဲမှရုန်းထွက်ကာသူနဲ့မျက်လုံးချင်းဆုံအောင်ကြည့်သည်။သူ့မျက်နှာကိုမော့ကြည့်လာသည့်မျက်ဝန်းလေးတွေထဲမှာဒေါသအရိပ်အငွေ့တွေအစားစိုးရိမ်သည့်အငွေ့အသက်လေးတွေနေရာယူလာတာကိုထင်ရှားစွာမြင်နေရသည်။
![](https://img.wattpad.com/cover/300897735-288-k191607.jpg)
STAI LEGGENDO
Can We Become Strangers? (✔️)
Fanfiction(Unicode) ရင်ထဲမှာသူရှိ,မရှိကိုနှလုံးသားကအလိုလိုသိနေပြီးသားပဲ.. အဲ့ဒါကြောင့်အကြောင်းအမျိုးမျိုးကြောင့်လမ်းခွဲကြပြီးရင်သူစိမ်းတွေဖြစ်သွားမှာလားဆိုတဲ့မေးခွန်းကိုမေးမနေတော့ပါဘူး.. Jeon Jung Kook 💜 Kim Seok Jin (Zawgyi) ရင္ထဲမွာသူရ...
Chapter- XXIX
Comincia dall'inizio