I'm a Chef in the Modern Era [Myanmar Translation]

YOU ARE READING

Fantasy

Name 我在现代做厨子[美食] Wǒ zài xiàndài zuò cr húzi [měishí] Author(s) 桃子苏 (Táozi sū) Translator(s) Exiled Rebels Scanlations Chapter 125chapters(118chapters+7extras) Status in COO Completed Myanmar Translation start date 6.4.2020

#chef #comedy #food #modern #shounenai #transmigration

Chapter - 103

Start from the beginning

by Dancing_Breeze

ဟိုးအရင်နှစ်တွေတုန်းက ရှန်မိသားစုက ကျန်းချန်ကိုအတော်ချစ်ကြသည်။ ဖိုးဖိုးရှန်ကအစ ဖေဖေရှန်တို့အဆုံး အဲ့ကလေးကျန်းချန်က ဘယ်လောက်ဉာဏ်ကောင်းပြီးလိမ္မာတယ်ဆိုတာကိုပဲပြောနေတတ်ကြသည်။ ထိုစဉ်က ရှန်ဖူက ဆယ်ကျော်သက်လေးပဲရှိ‌သေးပြီး သူ "ဦးလေး"လို့ခေါ်ရပေမယ့် သူ့အစ်ကိုထက်အသက်သိပ်မကြီးတဲ့ကျန်းချန်ကို အတော်လေးချစ်သည်။ သို့သော်ငြား ထိုသည်က အတော်ကြာခဲ့ပြီဖြစ်ပြီး ကျန်းချန်ဘယ်လိုပုံစံရှိတယ်ဆိုတာကို ရှန်ဖူ တကယ်မမှတ်မိတော့ချေ။ ကျန်းချန်ရဲ့မျက်လုံးတွေက အရမ်းကိုနက်ရှိုင်းပြီး ဓားတစ်ချောင်းလိုထက်မြတဲ့အလှလေးဆိုတာကိုသာ သူမှတ်မိတော့သည်။ ဒါတွေအားလုံးက နှစ်တွေအတော်ကြာပြီဖြစ်ပြီး နောက်ပိုင်း ရှန်ယန်နဲ့ကျန်းချန်တို့ကြားဘာဖြစ်ခဲ့တယ်ဆိုတာကို ရှန်ဖူမသိပေ။ မည်သို့ဆိုစေ ကျန်းချန်က နိုင်ငံခြားထွက်သွားပြီး ရှန်ယန်ကတော့ ကောလိပ်ကဘွဲ့ရပြီးနောက် ရှန်ကော်ပိုရေးရှင်းမှာအလုပ်ဝင်လုပ်သည်၊ ခုနနှစ်ရှစ်နှစ်လောက်က ထိုသို့ကုန်ဆုံးသွားခဲ့၏။

ထို့နောက်မှာတော့ ရှန်မိသားစုက ကျန်းချန်ကိုလုံးလုံးလျားလျားမေ့လျော့သွားတာမို့ သူက ဘယ်သူ့ကိုမှစကားတစ်ခွန်ူမဟဘဲပြန်ရောက်လာတယ်ဆိုတာကို ဘယ်သူသိနိုင်မှာလဲ? ဘယ်သူ့ကိုမှမပြောဘဲပြန်လာတာအပြင် သူက ရှန်ယန်နဲ့ပင်တွဲနေလိုက်သေးသည်။ သူတို့ ဘယ်လိုလုပ်ပြီးမအံ့ဩဘဲနေမှာလဲ?

ရှန်ဖူလည်းအံ့ဩသွားသည်။ ဒါကြောင့်မို့ ကျန်းချန်ဆိုတဲ့နာမည်က စိမ်းနေပေမယ့်ရင်းနှီးသလိုဖြစ်နေတာကိုး။ မှတ်မိသွားချိန်မှာ သူ ကြက်သေ,သေသွားရသော်ငြား ဒါကပင် ရှန်မိသားစုက သူ့ထက်ပိုလက်မခံနိုင်ဖြစ်နေတာကိုသက်သေပြလျက်ရှိသည်။

ရှန်ဖူက နည်းနည်းစဉ်းစားလိုက်ပြီးနောက် ကျန်းချန်ကိုတွေ့ပြီးမှ နောက်ဆုံး,ဆုံးဖြတ်ချက်ချဖို့ဆုံးဖြတ်လိုက်သည်။ ဒါပေမယ့် အခု သူ သူ့အစ်ကို‌,ကိုတောင်မတွေ့နိုင်တာ ကျန်းချန်ကို ဘယ်လိုလုပ်တွေ့နိုင်မှာတုန်း?

အဆုံးမှာတော့ ရှန်ဖူ့ဆန္ဒပြည့်ဝသွားခဲ့သည်။ သူ ရှန်ယန်နဲ့မတွေ့ရသေးခင်မှာပင် ကျန်းချန်နဲ့တွေ့‌လေ၏။