مرت ٣ ايام ماصار فيها اي تواصل بين بندر وغيث وغيث اكتفى بانه يداوم بالشركه ويطلع منها لبيت محمد
مر العزا بصعوبه على محمد وحسام اللي كان رغم تعبه موت امه
محمد وقف : غيث روح ارتاح فيه غرفه فاضيه
غيث رفض بادب: لا مايحتاج بجلس شوي وامشي للشقه لان وراي دوام بكرا ضروري اروح بدري
محمد: تمام على راحتك بس اذا احتجت شي انا بكون بالغرفه تمام
غيث : تمام
هتان : غيث نمشي ؟
غيث : اي يلا
دق جوال غيث
غيث : هلا
بندر: اخبارك ؟
غيث : بخير وانت
بندر : بخير وينك مو بالشقه ؟
غيث ببرود رهيب : ببيت محمد
بندر انصدم: وش تسوي هناك مجنون انت ؟
غيث : بندر مهما كان هذا بيت خالي اذا منت ذاكر وبعدين لازم اوقف معه بوفاه زوجته
بندر اللي سمع كلام غيث وجلس على الكنب : ماتت ؟ شلون
غيث : صار لها حادث هي وولدها
بندر : تمام ارجع الشقه
غيث : مارح ارجع الا لما تجاوبني على سوالي
بندر : انت وش تبي توصل له بالضبط ؟ متوقع بتهددني
غيث : لا حشى من قال اهددك بس يحق لي اعرف ترا
بندر سكر الخط بغضب
ظل هادي لفتره
هتان ربت على كتف غيث : مو كانك تقسى عليه
غيث اللي باين اثر السهر والارهاق بوجهه : تعبت ياهتان ابغى انام مرتاح
رجعو للشقه
اندق الباب
غيث قام : اذا بندر قول اني مارجعت معك
هتان فتح الباب : احمد ؟
احمد كان بيده طفل : غيث موجود
هتان فتح الباب : اي حياك
احمد دخل
هتان : تحصله بغرفته اللي على اليمين اول باب
احمد وقف قدام الباب ودقه ورجع يمسك الطفل عدل
غيث فتح الباب نزعاج : احمد ؟
احمد ببتسامه : اول ماطلع من المستشفى قلت اجيبه لك تشوفه
غيث ابتسم براحه
احمد : عادي ادخل
غيث : اي تفضل
دخل احمد وحط غيث الصغير على السرير وجلس بجنبه
اما غيث قرب منه وبدا يمسك يدينه الصغيره رابتسامته ما انمسحت وبالعكس يحس انه صار بخير وافضل من قبل وقت
احمد : بندر رجع
غيث بنزعاج : اتصل علي
احمد: لاتقسى عليه ترا الموضوع صعب بعد ان الشخص نفسه يقوله
غيث : قول لي انت طيب ريحني وريح ضميري
احمد تنهد : بحكي لك الجزء المهم الجزء الباقي بتركه لبندر لاني واثق بيرجع يحكي لك
اندق الجرس هتان اللي كان واقف عند باب الغرفه ابتسم لتصرفات غيث مع غيث الصغير سمع الباب وراح يفتح
هتان عقد حواجبه : بندر !
بندر: غيث موجود
هتان: اي موجود
احمد اخذ غيث الصغير : يلا بطلع لان واضح بندر اخيرا قرر يحكي لك
بندر دخل وشاف احمد وببتسامه : مبروووك يتربى بعزك
احمد : بعزنا كلنا
بندر : وش سميته
احمد: غيث
بندر : يازين ماسميت
احمد قرب منه قبل يطلع وهمس له : لاتقسى عليه يستحق التبرير منك وله الخيار بانه يبقى او يستمر يزورهم
بندر : ان شاء الله
طلع احمد وبندر راح غرفه غيث
غيث : الحمدلله على السلامه
بندر: الله يسلمك
غيث : كيف كانت رحلتك
بندر : كويسه
غيث : تمام
بندر: تعال اجلس
غيث جلس
بندر : مستعد تسمعني وماتحكم قبل اي شي
غيث : متى حكمت قبل لا اشوف كل شي قدامي !
بندر : تمام
بندر : حكايه اني التقيت بابوك لما كنت صغير صح التقيت فيه بس كذبت عليك علشان تبقى معي وان علاقتي بابوك كويسه التقينا مره وانتهى اللقاء ابوي كان تعبان بفترتها وانا كنت موظف بشركه ابو محمد اللي هو جدك ابوي جاء من وراي وطلب من جدك انه يعطيه مبلغ كون انهم يعرفون بعض من قبل ومن وقت طويل ابوي مر بازمه ماليه كبيره تركتني اتوظف بشركه جدك بعد كم يوم عرفت ان ابوي راح لجدك وزعلت منه بس عرفت انه طلب سلف علشان يتعالج وجدك طرده تعب ابوي وفيه شي ماتعرفه انا كنت متزوج امك قبل طلال يتزوجها وجدك غصبني اطلقها وطلقتها لانه هددني باشياء كثيره وخصوصا انه وعدني يعالج ابوي وافقت وطلقت امك ماصار بينا شي ولا جبنا عيال بعدها جاني محمد ورمى علي كومه فلوس وقال عالج ابوك فيها لما دخلت لغرفه ابوي كان ميت انجنيت بس وش بيدي اسوي بعد فتره رجعت التقيت بطلال وموضوع انه ساعدني ماكذبت فيه ساعدني وكبرني بنفس شهر اللي توفى فيه ابوي بعدين اكتشفت ان طلال اللي هو ابوك تزوج بامك ماكنت حاقد عليه وامك مالها اي ذنب باللي صار تم الزواج بسرعه لان جدك كان تعبان فا استعجل بالموضوع بس خالك ما اكتفى بكذا طلع علي اشاعات ابوك وقف معي وهذا اللي ترك اهلها يكرهونها ويبعدونها عنهم السبب غريب وتافه بس انهم قاطعوها هذي قصتي وموضوع الكره بيني وبين محمد
غيث : بس ليه يسوون فيكم كذا ليه يعذبونكم علشان كذا لما توفت زوجته وصار الحادث لولده كان مصدوم ويقول ان كل اللي سواه جالس يصير باللي حوله
واني اسامحه
بندر : انا مابي ابعدك عنهم بس لو اكون واثق انه مارح ياذيك تركتك براحتك معهم بس انا كل خوفي عليك
بعيد عنهم
بكوفي سماح
سماح : محمد لاتسوي بنفسك كذا
محمد : تعبت ياسماح ماعادني قادر اكثر استمر ولدي وحالته اللي كل يوم تسوء وانا مو قادر اسوي شي
سماح : تكلمت مع غيث
محمد رفع راسه: تذكرين لما تكلمتي معي
نرجع لاول لقاء لسماح ومحمد
سماح: غيث
محمد: شفيه ؟
سماح: غيث ماله دخل بمعركتكم انتو وبندر
محمد رفع حاجبه: شلون ياسماح الحين تركتي كل شي وجايه تعاتبيني على غيث
سماح تنهدت: محمد افهمني انت بتندم والله بتندم اذا استمريت تاذيهم
محمد : انتي معي ولا علي
سماح وقفت وبغضب: مع الحق غيث ضحيتكم انتو اللي تركتوه يتربى بالميتم وانتو اكثر ناس عارفين ان بندر اكثر شخص يستحق يعتني فيه
محمد رجف : شقصدك؟
سماح: انت عارف قصدي لما تحس انك عارف غلطك وايش سويت اتصل علي رقمي هنا
محمد اول ماطلعت سماح جلس يفكر باشياء كثير بالماضي بالمواقف اللي صايره
نرجع للواقع
محمد وقف : انا لازم اتكلم مع غيث باسرع وقت
سماح ابتسمت : هذا اللي كان مفروض تسويه من زمان ترا
محمد : شكرا سماح شكرا لانك رجعتيني لعقلي
طلع محمد واتصل على غيث اللي كان مع بندر
غيث استغرب الرقم
غيث : هلا
محمد: غيث ممكن نلتقي !
غيث : محمد
محمد حس بالم بداخله بسبب كلمه غيث : اي ارجوك ضروري التقي فيك فيه موضوع يخصك مهم واوعدك مارح اسبب لك اي ضرر اذا بندر عندك قول له اني ماعدت محمد القديم
غيث ناظر لفتره ببندر : تمام
محمد : بنتظرك بالبيت تكفى لاتتاخر قبل يصحى حسام
غيث : تمام
بندر: شيبغى ؟
غيث :قال انه يبيني بموضوع مهم ببيته الموضوع مايتاجل واقول لك انه ماعاد محمد اللي قبل
بندر استغرب : بروح معك
غيث : لاتكفى بروح لحالي واطمنك اوعدك اذا صار شي بتصل فيك على طول
بندر تركه يروح
غيث وصل لبيت محمد ودخل
محمد : مدري اذا بندر حكى لك قصته معنا او لا
غيث : اي
محمد : بس انا ابغى اتكلم معك عن امك فيه رساله لها عطتني اياها لك والرساله هذي تخصك انت وبندر
غيث عقد حواجبه وبقلق وتوتر بنفس الوقت: انا وبندر؟
محمد: اي دقيقه
طلع من الغرفه ورجع بظرفين
محمد: هذي الرسايل كانت وصيه امك لي قبل تموت وكانها كانت حاسه صح كنت مستغرب وتكلمت معها عن ليه رساله لبندر طلبت مني ان زوجها مايعرف وكنت رافض اخذها لان العايله كلها زعلانه منها بس ماقدرت ارفض لها طلب خصوصا كانت البنت الوحيده والقريبه لي
غيث اخذ الظرفين بيد ترجف : من امي ؟
اهلين كيفكم 😍🤍ورايكم بالبارت وتوقعاتكم للجاي !!
YOU ARE READING
مُهمل
Romanceكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
