مُهمل

بارت٢٨ 🫶🏻🤍

كنان: احس فيها احس برجلي
فهد بدا يدلك رجل كنان : لانتسرع وبالاخص لايدري بندر لانه لو عرف بتصير مصيبه بالكره الارضيه
يوسف ضحك: بيجلس على راسك ٢٤ ساعه مارح يتركك
فهد : علشان كذا اتركو الوضع هادي هالفتره بس بجي ازورك بحجه ان رجلك تالمك من المسبح تمام ؟
كنان اومئ قالايجاب
يوسف : ولا احد!
فهد : ممكن اقول ل احمد لانه له تاثير على بندر ومارح يشك بالوضع لو صار من جهته
يوسف : اللي تشوفه
فهد طلع : مافيه الا العافيه بس يمكن تاثر من جلوسه بالماء لوقت طويل ! بندر بشك : متاكد !
فهد : بندر اعرف شغلي ترا
بندر حرك شعره بنزعاج: مو قصدي
غيث ناظر بفهد وماشال عينه من عليه فهد اللي لاحظ اشر عليه: بندر هذا يقرب لك ؟
بندر رفع حاجبه والتفت لغيث ولسوال فهد الغريب : نظراته مو طبيعيه يذكرني بشخص اعرفه
بندر : عندك مانع ان عيالي يشابهوني ؟
فهد : افا انا قلت شي الحين !
غيث ماشال عيونه من فهد وتصرفاته وقف وراح لغرفه كنان قرب منه مسح على شعره وبهمس : كنان !
كنان فتح عيونه بثقل : غيث
غيث : انت بخير
كنان: اي بس بنام
غيث غطاه وطلع
فهد كان يراقب تصرفات غيث اللي رايح جاي يناظره وكان مستغرب
احمد: فهد شرايك تسوي لنا قهوتك المشهوره؟
فهد ببتسامه: او وصل لك خبرها
احمد: غيث روح مع فهد ساعده
غيث اومئ براسه
بندر بستنكار: وليه مو انت اللي تروح ليه تشغل ولدي ؟
احمد عطاه نظره كره: اسمع بندر كمل موضوع مع عزوز علشان غيث يتعلم القهوه ويسويها لنا كل فتره
بندر بتفهم: صح صادق بعد
فهد وقف وراح مع غيث اللي مشى قبله
دخلو المطبخ
فهد : عندك شي قوله ؟
غيث : كنان بيرجع يمشي
فهد اللي انصدم وماكان متوقع ان هذا موضوع غيث اللي يبيه فيه او بالاصح كيف عرف
غيث : من سكوتك اعرف انه صدق هالكلام
فهد : للحين بسوي له تحاليل واستمر معه ماودي اقول شي وارفع امال ابوك وبعدين التحاليل تطلع العكس بس كيف عرفت ؟
غيث : لاحظت قبل تصير الحادثه معي ان كنان يحرك رجله بثقل وهو مو منتبه او حتى وهو نايم وكنت شاك بس ماحطيت الموضوع اساسي
فهد : اها
غيث كمل يسوي معه القهوه وطلعو
بنص الجلسه
هتان: غيث تعال نطلع برا
غيث وقف معه وطلعو معهم اكواب القهوه
هتان: فيه موضوع ودي افاتح احد فيه ومتردد
غيث عدل جلسته: قول
هتان: بخطب
غيث ابتسم: طيب ؟
هتان: بس ودي اعرف هل اهي موافقه او لا
غيث : ماسالتها
هتان: احنا نحب بعض وفيه انجذاب بينا بس مدري هل بتوافق او لا
غيث : ليه ماتسالها ؟
هتان: اسالها ؟
غيث: مارح يجاوبك احد ويعطيك الحقيقه الا هي صح ولا !
هتان بتفكير: صح بس اخاف ترفضني
غيث ربت على يده: لاتحاتي وفاتحها بالموضوع لو كانت تحبك ومنجذبه لك بتوافق
هتان: صح انه صعب القرار ينوخذ بيوم وليله بس فكرت فيها ليه ااجل الموضوع وانا اقدر اتزوجها واتمم الموضوع
غيث : وافضل ماسويت والله
هتان: وانت؟
غيث اللي كان سرحان : شفيني ؟
هتان: ماودك تتكلم معها وتصارحها
غيث : ودي بس اخاف ابوها يرفض خصوصا انها للحين تدرس باخر سنه
هتان: حتى ولو تكلم معها
غيث : بشوف
انتبه لجواله رساله من ندى :
امم غيث اذا فاضي نكمل درس اللي وقفنا عنده ؟
غيث وقف واخذ كوبه معه
هتان رفع راسه لغيث اللي واقف: وين ؟
غيث : بروح اكمل الدرس اللي وقفنا بنصه
هتان مدد نفسه على الكرسي : تمام ولاتنسى اللي قلت لك
غيث : تمام
شافها جالسه لحالها قرب منها
غيث : وين صاحبتك؟
ندى: نايمه وواضح انها بتنام لوقت طويل فا علشان كذا ماحبيت ااجل الموضوع لما تصحى
غيث: اها تمام نبدا؟
ندى بتذكر : دقيقه بس
دخلت لداخل من قسم النساء ورجعت بعد ١٠ دقايق معها كوبين كابتشينو دافي بحكم الجو اللي بدا الليل وتختفي الشمس والبرود ترتفع
غيث اللي بدو الدرس وكان سرحان ببعض الاوقات
بعد ما انتهو
ندى: صاير معك شي ؟
غيث انتبهي ها لا ماصار شي
ندى: امم تمام
غيث : ندى دقيقه
ندى التفتت له : امر
غيث بتردد: بصراحه فيه شي ودي افاتحك فيه بس اتمنى تفهيمني وماتتسرعين بقرارك !
يوسف كان جاي وبس سمع محادثتهم رجع بخطواته وقف وراء الجدار وظل يسمع
ندى : قول
غيث : انا بداخلي مشاعر لك وودي ارتبط فيك لاتتسرعين بقرارك وبنتظر تنتهين من اخر سنه لك بالجامعه بعدها بسمع قرارك مهما كان
ندى ناظرته لفتره: تمام
غيث ابتسم قبل يوقف : شكرا لك
ندى : العفو ماسويت شي انت اللي شكرا لك لانك تساعدني بالدروس
تركته بعد محادثتهم هذي
اما غيث اللي ترك الشاليه وطلع للسياره فتح الدرج وطلع منه الاوراق وظل يناظرها لفتره ورجع دخلها سند راسه على الدركسون بعد دقايق سمع دقه على الدريشه
رفع راسه وكان فهد
فهد : شصاير ليكون راسك رجع يالمك ؟
غيث : لا انا بخير بس قلت اطلع اشم هوا
فهد رفع حاجبه: واللي يبي يشم هوا يجلس بالسياره ؟
غيث ابتسم له : مايحتاج تدقق
فهد :تمام بس ترا بندر يسال عنك
غيث : اوه تمام بروح له
قبل وقت بعد خروج غيث وهتان
فهد جلس وحط رجع على رجل: ترا ماكنت اقصدك
استغربو من يقصد
فهد: قلت لك يشبه ابوه كثير
بندر استوعب: تقصد طلال
فهد : اي يشبه لطلال كثير ملامحه الحاده والجميله تتذكر طلال كان خاطف قلوب العذاره الله يرحمه
بندر : الله يرحمه بس ليه ماقلته قدامه !
فهد : ماحبيت اقلب شي يوجعه
بندر: اها
بندر وقف : بروح اشوف كنان و* تذكر شي * عزوز تعال معي شوي للمكتب فيه اوراق ودي تشوفها احس مو متطمن لها
فهد التفت لاحمد : ابيك بموضوع
احمد : امرني
فهد بعد ما انتهى :طبعا غيث يعرف بالموضوع
يوسف استغرب : قلت له
فهد ماقال ان غيث هو اللي قايل له : بعد مارح اقدر اخذ كنان من البيت وبندر مايشك لازم احد يعرف
يوسف : صادق
نرجع للواقع راح فهد لبيته ونزل غيث ودخل
بندر : وين كنت
غيث : برا بالسياره كنت اجيب شاحن لجوالي
بندر مامشت عليه كون غيث صح جايب معه شاحن بس الشاليه مليان شواحن
بعد يوم
ببيت محمد
حسام : يبه مارح تعزم عيال خالتي !
محمد ناظره لفتره: مدري افكر اترك سماح تكلمهم
حسام بعتب : يبه انت خالهم مو هي
محمد: بس اخاف يرفضون
حسام : حتى ولو على الاقل جرب
محمد تنهد: طيب بجرب
بعد دقايق جاب جواله واتصل على غيث بعد تردد كبير
غيث اللي كان نايم وسمع جواله على غير العاده
كنان كان صاحي بجنبه ومشغل الابجوره ويقرا كتابه : ارجع نام برد هذا خالي محمد
غيث فتح عيونه بثقل وكان بعالم ثاني : خالي !
كنان : الو
محمد استغرب اللي رد والصوت كون انه مو متعود على كنان : من !
كنان: انا كنان ياخال
محمد: ياهلا كنان
كنان : اعذرني بس غيث نايم وقلت ما اتركك تتصل على الفاضي
محمد: لا ولايهمك
كنان: اي !
محمد ارتبك: مدري والله وش اقول لك
كنان: قول ياخال شدعوه
محمد: ابي اعزمك انت وغيث وبندر على زواجي بس قلت اكلمكم الاول
كنان ابتسم: على البركه ياخال بس يصحى غيث بقول له وان شاء الله خير
محمد: اتمنى تحضرون
كنان : ان شاء الله
محمد : انتبه لنفسك ووصل سلامي لغيث
كنان : يوصل

اهلييييين كيفكم ااحبكم طبعا قبل كل شي 🤍🫀 وبعد كل شي توقعاتكم للجاي ورايكم عن البارررررررت اكيد
غيث والموضوع اللي شاغله
هل ممكن يروحون لزواج محمد
كنان وموضوعه هل حقيقي او الموضوع بسيط ومو مستاهل الانفعال عليه !