اهليييييييين 😍😍😍🤍 ياحبايبي وعائلتي الصغيره احبكمممم لتفاعلكم صراحه ماكنت متوقعه قوه التفاعل على الروايه بس شكرررا لكم واحبكم
الله لايحرمني منكم
لاتنسون رايكم بالبارت واهم شي بعد + توقعاتكم للجاي 🤍🫶🏻
بالليل كانو جالسين كلهم حولين غيث يوسف وهتان
غيث : انا اسف استاذ يوسف
يوسف تنهد: غيث للمره الالف تكفى لاعاد تعتذر كله بسبب بندر هو اللي تركك بوسط هالدوامه
غيث : انا مدري وش اقول اصلا بسبب هالفوضى
يوسف : غيث انت كيف عشت بعد ماتركك بندر ؟
هتان: اي ملاحظ كثير اسم مهمل تقوله بانك متروح مهملينك وش صاير يعني ؟
غيث: بصراحه
نرجع للماضي لبعد اختفى بندر
غيث بدا يدور بالشقه بقلق له يومين هو قال مارح
يطول بس يوم وراجع
فتح الباب بتوتر اول مره يطلع من بعد ما اختفى بندر
تقابل مع جاره اللي رفع حاجبه كونه يشوفه دايم مع بندر
رجع لداخل وسمع جاره يتكلم معها وطلع
الجار : انت ماتعرف !
غيث ناظر بالرجل لفتره طويله: لا ايش ؟
الجار : بندر عطاك عمره
غيث رجع وضرب بالباب بخوف : هاه لا اكيد تمزح !
الجار هز راسه باسى على حال غيث
غيث ناظر الشقه: يمزح صح ؟ مستحيل بندر يتركني بعد ما اخذني هنا عنده برجع اكون مهمل مره ثانيه !
بعد يومين مرو على غيث ثقيله قرر يطلع ويشوف العالم ويحاول يتوظف كان يقدم بكل الشركات اللي هي ممكن تقبله بس اللي كان مستغربه الرفض اللي يجيه من الشركات
نرجع للواقع
غيث كمل : بصراحه كنت متعلق ببندر كثير بس بيومي الثاني تذكرت كلامه باني لازم اعتمد على نفسي وااحقق اشياء كثيره لنفسي واتوقع انه اللي ارسل لي عرض شركتكم
يوسف بتفكير: اهاا
غيث : اي
هتان: طيب غيث ايش ناوي تسوي !
غيث : مدري بصراحه احس بتشتت كبير
يوسف : كيف ماتدري انت الشخص الوحيد اللي ممكن ترجع بندر
غيث ناظره: بس انا ارجع واقول مالي حق بالورث حقه من اكون بالنسبه له علشان يقول انه رح يترك لي نص املاكه
يوسف تنهد: فكر عدل يا غيث
غيث: اكيد
انتهت ليلتهم بعد ماطلع يوسف وهتان
اما غيث اللي رمى نفسه على السرير
غيث : ليه تسوي كذا عاجبك التشتت اللي جالس اعيشه!
بعيد عن غيث بمكان ثاني
عبد العزيز : اي ولا ادري وش يبي يوصل له
احمد: امم يمكن بباله شي معين !
عبد العزيز: حتى ولو مو المفروض يجبره بهالطريقه يجلس معه ويتكلمون ويقول له عن الموضوع كامل
احمد : بندر صاير غريب وحتى تصرفاته
عبد العزيز: اي ولا تدري وش يدور بباله
اندق جرس الشقه
احمد: هذا بندر
عبد العزيز وقف يرتب الطاوله والاكل
بندر: سلام
عبد العزيز : وعليكم السلام ياهلا
بندر جلس معهم وسهرو سهره عاديه
اليوم الثاني
لبس ورتب نفسه وراح للعنوان اللي عطاه عبد العزيز
بندر : انت تنتظر احد ؟
عبد العزيز بتذكر : قلت لغيث يجي هنا
احمد اللي كان نايم بالصاله انتبه لكلامهم : ادخل غرفتي بندر ونام على ماينتهون من كلامهم
بندر دخل للغرفه وترك الباب شوي مفتوح علشان يسمعهم
فتح الباب
عبد العزيز : ياهلا
غيث : اسف لازعاجك
عبد العزيز : حياك ماعليك من صاحبي اللي نايم تفضل بالمكتب
فتح غرفه المكتب ودخلو اثنينهم بندر تنهد لانه كان يبي يسمع وش رح يقولون
عبد العزيز: كيف حالك غيث
غيث : بخير
عبد العزيز: قررت ؟
غيث : اي مارح اقبل
عبد العزيز عقد حواجبه: بس هذا الموضوع مايحتمل القرارات الكثير ترا !
غيث : عارف علشان كذا جاي اقول لك انا مو مستعد اخذ شي مو حقي
عبد العزيز: بس بندر بلغني اني ما اقبل كلامك هذا
غيث بقلق: ليه طيب ؟ ابغى اقابله اكلمه جواله مغلق ليه يتهرب مني فيه شي سويته ضايقه ؟ انا لو عارف اني سويت شي كان ترددت وفكرت الف مره
عبد العزيز تنهد: يا غيث افهمني
غيث وقف : فيه شي واحد ممكن يخليني اوافق !
عبد العزيز ماكان موافق لما قلت له عن رجوع بندر وش بيكون شرطه: تمام وش شرطك؟
غيث : ان مو كل الاملاك تكون باسمي شيين بوافق عليها من اختياره لو كان غررفه بس باسمي
عبد العزيز كان مصدوم وش هالغيث : بكلم بندر
غيث مشى متوجه للبوابه وانصدم فيه قدامه يسمع كلامهم
احمد : غيث ترا بندر راضي باي شي انت تبغاه فا ياليت تخلص العقد الحين
غيث ابتسم بالم: تتوقع الموضوع سهل !
احمد بجديه: وتتوقع ان الموضوع سهل على بندر ترا الموضوع اصعب بالنسبه له منك
غيث عقد حواجبه: مو فاهم ؟
احمد: ماقدر اقول لك شي بس هذا اللي بقوله لك واحفظ الموضوع عدل الموضوع مو سهل على بندر مثلك تماما
غيث ظل فتره ساكت وقرر يتخذ قراره قبل يطلع من الشقه التفت على عبد العزيز: انا موافق على كلامك بما انه بيرجع موافق
عبد العزيز : تعال معي اجل
غيث : مو هنا ؟
عبد العزيز : لا لازم نروح للمكتب الاوراق هناك
اول ماطلعو من الشقه
احمد فتح الباب على بندر: اتوقع كذا الولد يستحق تبرير ضغطت عليه وهو ماله دخل بكل اللي صاير بينك وبين ابوه لو متكلم معه مو افضل
بندر وقف وطلع احمد تنهد يعرف بندر مستحيل يتكلم بمثل هالمواضيع او يعبر عنها فا فضل الصمت
طلع بندر وتوجه لشقته
بشركه يوسف
كان بالمكتب مع هتان
اندق الباب
يوسف : ادخل
دخل وجلس قدام يوسف
هتان: سعد اخر تقارير كيف كانت !
سعد : كل شي تمام وكويس
هتان: اهل
سعد : فيه شي استاذ يوسف !
يوسف : سعد ليه سويت كذا بغيث ؟
سعد بصدمه : استاذ يوسف ايش سويت ماسويت شي ؟
يوسف : تابعنا الكميرات يا سعد ماتقدر تنكر او تعلق علشان كذا ياليت تقول الحقيقه
سعد ظل فتره ساكت: غيث جاء واخذ مكاني من اول مقابلته لما وظفته صرت تهتم كثير فيه واخترته يكون قريب منك وانا استغل معك قبله وكنت اشتغل بكل جهد علشان اوصل لها المنصب وبالنهايه يروح لغيث
يوسف : بس غيث انا وافقت عليه لسبب وصار مساعدي لسبب انت ماتعرفه والا انت اكثر شخص عارف ان فيه ناس كفؤ قدمو للوظيفه وماوافقت عليهم ورفضت مسمى هالوظيفه
سعد : هذا اللي مجنني ليه تختار غيث ليه ؟
يوسف : انا مو مضطر ابرر لك وياليت تتفضل انت مطرود
سعد بخوف وتوتر: تكفى استاذ يوسف الا الطرد انا اعيل عايله يا استاذ
يوسف : اذا تلتزم حدودك وماتتدخل بشي مايعنيك بتظل تحت عيني ومراقبتي المستمر لك وبس تلتقي بغيث تعتذر منه اعتذار كامل
سعد: ابشر اللي تبغاه رح يصير
طلع من المكتب
يوسف : سعد ؟؟ سعد يعني كنت اتوقعها من اي احد بس سعد لازم نتصرف
هتان: انا اقول تعطيه ترقيه
يوسف : تشوف كذا ؟
هتان: اي اكيد اجل كيف !
يوسف : اجل شوف الترقيه المناسبه وتصرف
وصل له اتصال من بندر انصدم
فتح الخط على طول : بندر ؟
بندر: اخبارك يوسف !
يوسف : انت وينك ووش هالحركه هذي ؟
بندر : اي حركه ماسويت شي اسمع انا برجع اليوم او بكرا ابيك تضبط وضع الشركه علشان غيث يتعود ومن بعد اللي سويته
يوسف عقد حواجبه كيف عرف ؟ معقول : انت التقيت غيث !
بندر:لا و مو هو اللي قايل لي ترا تطمن المهم استعد انت واترك الباقي علي تمام
سكر بعد المكالمه ووقف عند الشقه
بمكتب عبد العزيز
غيث بجديه : انهيت مهمتي متى اقدر اشوفه !
عبد العزيز : عندي سوال غريب غيث
غيث: ايش ؟
عبد العزيز : تجاوبني بصراحه!
غيث: اي
عبد العزيز: ليه ماوافقت من اول على انك تمتلك ورث بندر
غيث : انت قلتها ورثه ليه اوافق عليه والى الحين ببالي اني برجع له كل املاكه
عبد العزيز تنهد: تمام
غيث : وينه ؟
عبد العزيز : بالشقه بيكون
غيث طلع من عند عبد العزيز وهو بداخله غضب ويحس نفسه معصب بشكل كبير بسبب تصرف بندر
اول ماوصل للشقه دخل
غيث بصرخه: بندر !
بندر اللي كان بالصاله وقف بوجه غيث بس تفاجئ من البكس اللي جاه بوجهه انصدم ورجع على وراء بالم
غيث : عاجبك ومبسوط بتصرفك ؟ تجبرني اني اوافق ليه من اكون بالنسبه لك اخوك اللي هو اخوك مارضيت انك توافق على انه ياخذ الورث
بندر ابتسم بالم ومسح الدم اللي بشفايفه: اجلس ونتكلم
غيث بغضب : مابغى اجلس فهمني ايش قصدك وليه سويت كذا ورث وموت وتجبرني لييه انا ايش سويت لك رفضت بس مصر اني اوافق
* وبصرخه* لييه ؟
بندر تنهد: ابوك
غيث وقف بصمت ! مصدوم ابوي
ČTEŠ
مُهمل
Romanceكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
