محمد: اي من امك وفيه شي صاير بس امك الوحيده اللي كانت تعرفه قبل تموت وصتني اعطي هذي الرسايل لبندر بس انه اختفى من بعد ماتوفو وبعد ماطردناه اكثر من مره
غيث بعبره: كيفف كيف قدرتو تكونون قاسين على امي وابوي وبندر اللي ماله اي ذنب وذنب موت ابوه برقبتكم انتو السبب
محمد بحزن رغم الحزن اللي فيه: تكفى لاتزيد علي ياغيث عارف اني استاهل كل شي يصير لي بس يصير لي انا راضي لايصير باللي حوليني
حسام اللي صحى وطلع من الغرفه يعرج بسبب رجله اللي فيها جبيره : يبه !
محمد بخوف رفع راسه لمكان حسام: حسام
حسام وكان وجهه شاحب من كل اللي سمعه: انت معهم يبه انت اللي حرمت غيث يعيش حياته ليه وش كنتو تبون توصلون له !!
غيث وقف بضيق : عندي سوال عندك اخوان ؟
محمد : باسل بس عايش برا من بعد زواج امك وابوك سافر
غيث طلع تاركهم اما حسام كانت نظراته لابوه لوم وعتب
رجع لغرفته بتعب وكل تفكيره بتصرفات ابوه !
اما غيث اللي ساق سياره هتان لانه للحين ماعنده سياره خاصه فيه بسرعه جنونيه يبي يوصل للبيت ويسلم الظرف رفع جواله
بندر: غيث صار لك شي
غيث ببرود وعبره واضح بصوته : وينك !
بندر: بالشقه
غيث: شفتك!
بندر: اي
غيث : جايك
سكر منه واتصل على هتان
هتان اللي كان ياكل : هلا غيث
غيث : عادي استعير سيارتك لوقت بروح لبندر
هتان: يارجال قلت لك السياره فداك
غيث ابتسم : شكرا لك
هتان : شفيه صوتك متغير
غيث : بس اخلص بجيك واحكي لك
هتان: تمام
سكر منه وصل لشقه هتان وقف السياره ونزل للشقه
بندر فتح الباب
غيث كان واقف
بندر: ادخل
غيث : مابغى اكون بجنبك وانت تقراها
بندر اللي استغرب وعقد حواجبه من الظرف اللي مده له غيث : وش هذي ؟
غيث : رساله
بندر: شايف انها رساله وبعدين ليه ماتدخل
تردد غيث قبل يدخل
بندر : من مين هالرساله
غيث : من امي
بندر انصدم: اكيد لك
غيث لف له وهز راسه بنفي : لي رساله ولك رساله
بندر ضحك مو مصدق كلام غيث : تمزح معي صح ؟
غيث كانت تعابير وجهه جاده وبارده
بندر مد يده واخذ الرساله
غيث هو الثاني جلس
بندر: بفتح رسالتي الاول يمكن تكون مترابطه
غيث كان متردد وكلام بندر شوي عطاه خيار انه مايفتحها
بندر فتح الرساله كانت ٣ اوراق بدا يقرا بصوت طويل :
اهلين بندر يمكن اكون مو موجوده لما تقرا هالرساله واتمنى توصلك بوقت قريب لانك لازم تعرف شي هو كان مخبى عنك واتمنى هالشي مايضيع يمكن تسال نفسك عن سبب هالرساله وانا متزوجه بس ان طلال يعرف الحقيقه * بندر انصدم هو ماقال لطلال عن زواجه ب ام غيث * وعلشان كذا ببدا لك الحكايه بعد انفصالنا انا وياك كنت حامل ابوي كان ياخذني للطبيب بالغصب علشان اذا كنت حامل انزل الولد بس امي تسترت على الموضوع لاني ترجيتها مابان علي بالاشهر الاولى وخطبني طلال طلبت اشوفه واتكلم معه وامي كانت عارفه اني بحكي له عن وضع حملي وهو وافق وراح يدور عليك بكل مكان وكانك فص ملح وذاب ماحصلك * كنت مسافر بوقتها لرحله عمل ارسلني فيها جد غيث كمل يقرا* سافرنا بعد الزواج وولدت بالغربه بس كان معي طلال وكان سند لي ومعي بكل خطوه ولدت وجبت كِنان بعده بديت اربيه سنه واكتشف اخوي باسل انه كنان منك صار يهددني فيه ماحبيت ابلغ طلال علشان مايتضايق وكنت خايفه من ابوي وعطيته اياه بعد ماكذبت على طلال وقلت له اننا نسافر كثير وبنتركه مع باسل يهتم فيه صرت ازوره وهو يعرف اني امه ويعرف انك ابوه لان طلال سجل اسمك عليه بحكم معرفته فيك من قبل وصرنا نجي زيارات لكنان بين فتره وفتره مرت ٣ سنوات والحين انا حامل بغيث مدري ايش اللي ممكن يصير بس اتمنى منك تسترجع كنان وماتترك غيث بيد اهلي كنان مع باسل اسال محمد عنه اذا ماكنت تعرف مكانه واكيد هو بيكون عارف مكانه اهتم بغيث واعتبره زي كنان هذي وصيتي لك
سكتت او بشكل اصح عم الصمت غيث اللي كانت دموعه تنزل بدون وعي لنفسه كل هذا صار !! معقول كل هذا صار واحنا بدوامه غريبه !
وقف بندر وغضب الدنيا براسه
غيث وقف بوجهه: انتظر اقرا رسالتي وبعدها نروح سوا
بندر برزت عروقه وصرخ على غيث : غيث بعد عني انت فاهم وش اللي صاير عندي ولد وانا ما اعرف عنه شي
غيث بترجي : تكفى يبه لاتستعجل
بندر جمد الدم بعروقه من كلمه غيث صدمه له بشكل قوي اول مره دايم حتى مع طلب بندر منه انه يقول له يبه رفض لانه مو ابوه الحقيقي هدت ملامحه وجلس على الكنبه
بندر بهمس بس غيث يسمعه بحكم المسافه: يبه ! يااااه ياغيث
غيث : كنت متردد لوقت طويل من قربك او بالاصح من قربي منك وتعلقنا ببعض بس الحين عرفنا اننا تربطنا اشياء كثيره وعائليه
بندر: راضي ؟
غيث : باني اقول لك يبه اتم الرضى صدقني كنت متردد كثير اقولها لغير ابوي بس بما انه امي تكن لك هالمشاعر ماقدر اقول شي
بندر: وابوك؟
غيث ببتسامه : امي حبتكم انتو الاثنين بس حب الطفوله يفرق وخصوصا انهم فرقوكم بالغصب
غيث : اوعدك بكون معك ومارح امنعك بس اتركني اقرا الرساله حقتي قبل
فتح الظرف وقرا بصوت طويل :
ولدي غيث كيف حالك اكيد انت بسن كبير الحين وانا مو بجنبك مدري اذا انت مبسوط وش صار بحياتك لحد اليوم اللي وصلتك رسالتي بس اتمنى ان ما احد اذاك او ضايقك* رجفت يده * غيث انت عندك اخ مدري اذا التقيت ببندر او لا بس اتمنى منك ماتضايقه بشي حبي لبندر كان من الطفوله تربينا مع بعض بس الظروف حكمت اننا نفترق والحين عندك اخ من بندر فا لاتعامله بقسوه رخلك لطيف معه ترا بندر لو يعرف عن وجودك يترك الدنيا ويبقى ويهتم فيك امم هذا بخصوص بندر اما اخوك ترا عاش مع خالك يمكن تقبله لك يكون سلبي واتمنى ان مايكون كذا واتمنى يكون حنون معك ويحبك مثل ما انا احبكم اثنينكم لاتخاف واذا احتجت شي روح او اسال عن بندر ال** وهو بيكون بجنبك ومعك وصدقني مارح يضرك بشي
انتبه لنفسك واحبك غيث من امك
انتهت الرساله وتركت وراها الف جرح والف اجابه لتساولات كثيره غيث اللي كانت دموعه تنزل بدون مايحس او يحس فيها بس مشاعره وبعثرتها
كميه الحزن من المشاعر اللي انحطت برسالتين
غيث صرخ بالم: الله يرحمك يمه
بندر اللي كان ثابت للحين مسح دموعه وضم غيث له : اهدى احنا لازم نكون اقوى ونكون بجنب بعض ومع بعض علشان امك ماتتضايق
غيث بالم وحرقه شد على بندر: كيف كيف الواحد يعيش حياته بهالعذاب اخو بعيد عن اخوه وانت بعيد عن ولدك كيف عشنا مشتتين كل واحد بعيد عن الثاني
بندر اللي اخذ نفسه هو لازم يكون قوي بهالوقت : تعوذ من الشيطان غيث واهدى احنا لازم نكون اقوى علشان اذا التقينا بكنان باحسن صوره
غيث بعد عن بندر: بعد هالسنوات متصور ان كنان بيتقبلنا بيستقبلنا اذا امي نفسها مو متاكده كيف بنواجهه بالحقيقه كيف بنقول له اني اخوه وانك ابوه كيف بيكون وقع الصدمه عليه اذا احنا ماقدرنا نتحمل الحمل الثقيل هذا
بندر مسك يده وببتسامه : تطمن غيث انا معك ومستحيل كنان يطردك بس قوم الحين نروح ونعرف من محمد مكانهم
وصلو لبيت محمد
دق الباب
محمد وقف مصدوم من اللي واقف قدامه
بندر : ممكن نتكلم ؟
محمد : تفضلو
دخلو وجلسو
بندر: عظم الله اجرك
محمد: اجرنا واجرك
كان الموقف غريب عليهم خصوصا بعد الاثنين من بعض وبعد السنوات
بندر: وين باسل ؟
محمد استغرب السوال المباشر: بلندن
بندر وقف : ممكن ترسل لغيث عنوانه عنده شي يخصني
محمد : ولدك !
بندر وقف مصدوم : انت تعرف
محمد: ماعرفت الا من سنه تقريبا
بندر كان بيتهجم عليه لولا ان غيث وقف بوجهه: بندر قلنا رح نتكلم
بندر برزت عروقه من العصبيه
محمد تنهد: انا تغيرت يابندر والله ماعدت محمد اللي قبل كسرني موت زوجتي واللي صاير بولدي بسبب فعايلي
بندر ظل فتره ساكت : هذا قدر ربي ومايجوز انك تعترض عليه
محمد : ولدك بالطياره اليوم رايح لندن عند باسل وصح ترا ولدك يعرف عنكم بس مدري ايش ممكن يكون موقفه لما يلتقي فيكم فا بعطيك عنوان باسل وروح له استرجع ولدك يابندر الولد غالي يابندر
غيث اللي كان واقف ويستمع اول مطلعو اتصل بندر ب يوسف
بندر: الو
يوسف : هلا بندر
بندر: اسمع قدم اجازه مرضيه لي ولغيث مسافرين لندن بعد ساعه
يوسف بصدمه: ايشش تمزح اكيد
بندر: ما امزح يايوسف بفهمك بعدين بروح اجهز اشيائنا
يوسف يعرف بندر بمثل هالحالات ينسى اهله : تمام انتظر اتصالك
اهلنن كيف حالكم وكيف البارت😍🤍 وتوقعاتكم للجاي هل ممكن كنان يتقبل غيث وبندر او بينفر منهم كون الشخص اللي رباه باسل وهل شخصيه باسل بتكون جيده او سيئ اوبالاصح اسوء من محمد
أنت تقرأ
مُهمل
Romanceكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
