بندر تحمحم : يوسف هذا كنان
اشر على كنان اللي جالس بالكرسي
يوسف قرب منه وسلم عليه : كيفك ياولدي ؟
كنان : بخير ياعم
غيث : ممكن نفهم اللي صاير ؟ اتوقع من حقنا
يوسف ناظر لبندر اللي كانت نظراته تحكي الف شي : نحكي لكم انا وبندر افضل
دق الباب وفتح بندر
دخلو عبد العزيز واحمد
احمد : يوسف وين كنت ؟
يوسف : بحكي لكم تعالو
بندر : بس قبل لازم تسوي شي !
يوسف : صالحتها وكنت جاي اسالك عن ندى
بندر: ندى بشقتي محتاجه هالهدوء بس زورها وطمنها
يوسف : بعد مانتكلم
بندر برفض : لا
غيث : وش السالفه اللي تبون تخبونها عننا بندر احنا مارح نبعد عنك بعد ماسويت كل شي علشانا
بندر تنهد واستسلم
جلسو كلهم مع بعض
بندر : الموضوع من بعد طلاق امكم وقبل التقي بطلال واعرف عن زواجه من امكم محمد وباسل قدمو اوراق للشرطه بمعاملات واوراق لشركات وهميه وكان توقيعي فيها انسجنت سنه تحت التحقيق ماكانو راضين يطلعوني لان المبالغ اللي كانت مكتوبه بالاوراق مبالغ كبيره بالمليارات عبد العزيز حاول يوصل للاوراق بس بنفس الوقت منعوه وقالو انهم عينو محامي لي بالسجن شفت كثير وانواع الناس والاشكال والتهم اللي موجوده تعرضت لمواقف كثير دخلت بعدها المستشفى بعد ماطلعت بعد سنه تاكدو انه الاوراق ماعليها شي وبحكم ان صاحب القضيه جدكم فا اعتذر لي قدام النائب اللي مستلم قضيتي وعفوت عنه لانه هددني اني لو رفضت رح يلفق لي تهمه او مصيبه جديده وافقت بس بعد ماطلعت كنت بحاله مايعلم بها الا الله يوسف كان بجنبي بشكل كبير وكان ملاحظ علي الخوف والتوتر من بعد ماطلعت صرت اتخيل المواقف اللي تعرضت لها بالسجن من ضرب من مشاكل مع المساجين انها تتكرر كنت احلم فيها يوسف كان الوحيد اللي اقدر احكي له كونه كان معي بفترتها وماتركني طلب مني اني اراجع دكتور نفسي وفعلا رحت اراجع عنده وماتحسن وضعي سافر فيني يمكن اكون رجعت لطبيعتي
وقف كلام ووجهه نظره ليوسف اللي بجنبه
يوسف كمل كلام بندر
يوسف : بعد ماجاني محمد قبل كم يوم انجنيت ان بندر بيرجع بهالحاله بسببهم رحت لباسل وتكلمت معه ورجعت
غيث بصدمه: للندن؟
يوسف : اي
كنان تنهد: انا اسف
الكل استغربو وانصدمو
بندر: ليه ؟
كنان: انتو تعرضتو لكل ذا بسببي بسبب انكم تعرفون خالي
بندر راح له حاول يستوعب كلام كنان اللي مو راضي يدخل راسه : كنان لاتقول كذا انت مالك دخل
كنان يده ترجف : انا السبب
بندر صرخ عليه: كنان مو انت السبب افهم مو انت انا لو ماعرفت خوالك كان ما التقيت فيك كان ماجيت انت وغيث لحياتي
كنان سكت
وظل الوضع هادي ومن دون اي صوت
وقف يوسف : بروح لندى انا
بندر مسح وجهه ووقف : تمام ولاتطول علينا واتركها بالشقه هالفتره لما تنتهي امتحاناتها وانت عاد ما اوصيك ب ريتاج خذها غير جوها
يوسف ربت على كتفه قبل يطلع
اما العيال كانو جالسين وساكتين
غيث :بنروح انا وكنان
بندر : وين !
غيث : بنروح مشوار
بندر: اي وين
كنان: يبه بس نرجع بنقول لك
بندر:تمام
عبد العزيز : واحنا بناخذ ابوكم
طلعو وكل واحد راح بطريق من بعد هالحديث تغيرت اشياء كثيره بداخل غيث وكنان تجاه بندر
اليوم الثاني
رجع بندر للبيت ووصلته رساله من غيث كان محتواها
بروح لندى وبعدها بجلس عند هتان يمكن اطول وانام عنده
بندر استغرب لانه من امس مو شايف غيث من بعد مارجع اهو وكنان طلع ولا عاد قابله لليوم بس ارسل له : تمام اذا احتجت شي ارسل لي
اما غيث اللي وصل لشقه ندى دق الباب بعد تردد كان مرسل لها رساله من قبل انه بيجي بس بعد التردد اللي بداخله اكبر
ندى فتحت الباب وانتبهت لغيث اللي عيونه حمرا ولابس كمام وكبوس : غيث !
غيث انحرج لشكله: اسف
ندى فتحت الباب : تفضل
غيث دخل وجلس بالصاله كون انه متعود على المكان
ندى وقفت
اما غيث اللي حس تبي تقول شي : فيه شي ؟
ندى: امم انا بلغت صاحبتي اني باخذ دروس وطلبت مني تتعلم معي اذا ماعندك مانع اذا ماتبغى عادي اهم شي تكون مرتاح
غيث ابتسم بان بعيونه انه يبتسم : لا عادي ممكن تجي
ندى بحماس : تمام ثواني ونجي
بعد دقايق جات ندى ولمار ومعهم الكتب ودفتر مستقل مع الاقلام مرت ساعه من دون يحسون
ندى : وش تحبون تشربون ؟
غيث : قهوه ياليت
ندى : تعالي ساعديني لمار
قامو وتركو غيث اللي جلس وفتح جواله انتبه لرسايل من هتان . هيه .ولد . واحرف كثيره بعدها . وش صاير قال لي بندر انك عندي وبتنام عندي شفيه ؟
غيث رد عليه: بعد ساعه بجي وافهمك على كل حاجه
هتان اللي كان بيركب السياره بيطلع : تمام اجل وانا بجيب عشاء معي مره وحده بخاطرك شي معين ؟
غيث : لا عادي اي شي
بعد ما انتهو
ندى : شكرا غيث
غيث : لاتشكريني الحين الا لما اشوف النتيجه
ندى: تمام
غيث طلع من عندهم وطلب اوبر لشقه هتان
دق الباب
هتان : جاي
بعد ثواني فتح الباب واستغرب من شكل غيث هو بعد
هتان: شصاير؟
غيث اللي دخل وشال الكمامه هنا هتان شهق بقوه من الضربه اللي بجنب فم غيث : شصاييير؟
غيث حط يده على اذنه: لاتصارخ اسمع ترا وقلت لك بحكي لك بس خلنا ندخل شفيك مزعج
هتان : انت مريض ؟
غيث: لا تعال اجلس
هتان شال الكبوس وشهق للمره الالف : صاحي بندر يعرف ؟
غيث بغضب صرخ على هتان : هتان وجع تعال اجلس
هتان جلس بخوف : يساتر جرح براسك وبفمك وش بعد خدك مورم غيث انت ماعمرك سويتها
غيث : مو امس طلعت مع كنان !
هتان: اي
غيث : سمعت ناس من الشركه يتكلمون عليه وحسيت بالغضب بس تجاهلتهم اليوم بالشركه تكلمو عليه وان كيف رئيس الشركه يهتم بواحد مقعد كون انه جاء اليوم للشركه وتهاوشت معهم
هتان تنهد وقرب من غيث لمس خده بس غيث بعد بالم : يالم ترا
هتان : وبعدين انت شعندك تتهاوش بدون ماتقول لي مو صاحبك انا ؟
غيث تنهد : الا بس ياخي ماقدرت بوقتها
هتان وكانه استوعب شي : اهاااا علشان كذا تتهرب من بندر * ضحك من قلب * انت لو يشوفك بيقلب الدنيا فوق تحت غيث ويصير له كذا
غيث : علشان كذا بختفي حتى بتصل على يوسف اخذ اجازه بحجه السفر خصوصا ان ندى مو محتاجه درس بكرا
هتان صفر : اووه قول كذا وش سويت اليوم
غيث : عطيتها درس هي وصحباتها
هتان قرب من غيث بحماس: اي وحده لمار ؟
غيث : انت تعرفها
هتان : احبها مو اعرفها قصدك
غيث ضحك: وهي ماتحبك
هتان فتح جواله ودخل على قائمة الاتصالات كتب شي ولف الجوال على غيث : شوف
غيث سند ظهره وبتنهيده طويله : الله يرزقنا اي والله
هتان ضحك: اي والله ماعلينا قول لي الحين وش بتسوي بهالبلوه ماتوقع تمشي على بندر ترا
غيث : اجل بغيب بكرا قول اني نمت متاخر وهذا عذر كويس واذا جاء بقول اني طلعت اخذ لي اكل
هتان تنهد
غيث بتحذير: والله ياهتان لو يدري بندر باي شي يويلك
هتان بحلطمه: يالي ماقلت شي
اليوم الثاني
هتان جاء بيطلع من المكتب
بندر: هتان دقيقه
هتان بهمس: الله ياخذك ياغيث بتسبب لي مشاكل الحين
بندر: وين غيث ماداوم ؟
هتان: كان سهران امس على ملفات واوراق واتوقع نام الفجر حاولت اصحيه ماقدرت
بندر: غريبه حتى كنان تصرفاته غريبه معي
هتان استغرب : ليه
بندر: مدري بس كل اللي بلسانه انه يبي يسكن لحاله علشان مايزعجنا
هتان بصدمه: يوووه شلون قلب الموضوع كذا
بندر عقد حواجبه: شصاير ياهتان؟
هتان : ها لا ولاشي
بعد ساعه
دق الباب
غيث بحلطمه: متى تتعلم تاخذ مفتاحك معك كل مره ترميه
هتان كان واقف عند الباب وواضح من تعابير وجهه الغريبه انه صاير شي
غيث : شصاير؟
بندر اللي كان بالجنب وواضح غيث ما انتبه له : ممكن ندخل
غيث مسك فمه مكان الجرح وبدا يرجع : بندر
بندر: وقف مكانك
غيث وقف ونزل نظره للارض
بندر قرب منه وانصدم وبخوف : شصاير لك من سوا فيك كذا متهاوش ؟
غيث ناظر بهتان بتهديد اما هتان: مالي دخل هو اللي لزق فيني الا يبي يعرف وش صاير !
بندر : يعني ماكنت ناوي تقول لي ؟
غيث : كنت بقول لك بس لما تهدا الامور لما يخف الجرح
بندر ضربه على راسه اما غيث اللي كان راسه مصاب ولابس الكبوس اصلا تالم وبالم: اخخ
بندر قرب منه بيشيل الكبوس بعد غيث منه : مافي شي
بندر : غيث
غيث كانت نظراته تحكي الف شي شال الكبوس وشاف الشاش اللي على راسه
بندر بجنون: صاحي انت شايف هالجروح وتقول مافي شي انت بكامل عقلك
غيث بعد نظره وببرود : مابي اسوي لهم شي وبعدين ماصار شي
بندر مسك ياقته وبعصبيه: وش اللي ماصار شي وماتبي تسوي شي وش صاير الموضوع له دخل بكنان
غيث فز: كنان !
بندر بنظرات حاده: كنان من امس يقول لي انه يبي يسكن لحاله لانه يحس مثقل علينا
غيث حس بنغزات بقلبه بسببي ؟ كنان يقول كذا بسببي انا السبب
بندر شد على ياقه غيث : بتتكلم ولا شلون؟
غيث اخذ نفس وحكى له اللي صار
بندر دفعه على الكنب : مجنون انت بايع نفسك انت مستوعب ان هذول الاشخاص ماخذين شهادات بدفاع عن النفس
غيث بعد نظره عن بندر: واذا اسكت لهم يعني
بندر : لا واضح انك مو صاحي الحين تروح لكنان وتفهمه الموضوع وتعتذر منه وبعدها ابيك تجي مكتبي فاهم
كان بيطلع ورجع وبتهديد حط يده على صدر هتان اللي توتر : وانت ثاني مره يصير شي لواحد من عيالي ولا اعرف بيكون حسابك معي عسير
غيث مشى بجنبه ببرود : ماله دخل انا اللي قلت له مايقول لك لاني عارف ردت الفعل هذي بتجي
بندر ضرب ظهر غيث : قدامي خلصني
هتان بحلطمه: مالت عليكم اشوفها من الاب او من الولد
انتهى البارت 🤍🤍🤍🤍 رايكم وتوقعاتكم للجاي ؟
BINABASA MO ANG
مُهمل
Romanceكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
