غيث تقدم من يوسف وعرف ان اللي رح يصير من الحين مو بصالحه : امرني استاذ
يوسف رفع راسه وعيونه حمرا : انت مطرود
كانت الصدمه بالنسبه للكل ولغيث بالذات كانت صدمته اكبر
غيث بدون مايتناقش مع يوسف : حاضر
اخذ اشيائه وطلع من الشركه وهو اصلا الشقه ماله شي فيها فا بيرجع لسكنه القديم ابتسم بالم وحس بحراره بعيونه * شفيك غيث حظك حلو وربي بيرزقك بالافضل انت ماسويت شي علشان تكون ضعيف وتصيح *
مشى مكمل طريقه وتذكر شي الراتب اللي بالشقه وللحين ماصرفه ولا تصرف فيه رجع من جديد وتوجه للشقه فتحها واخذ الظرف ورجع للشركه رفضو الامن يدخلونه
غيث : تكفى بعطيه شي يخصه واطلع مارح يشوفني
ندى اللي كانت طالعه: غيث ؟
غيث انحرج منها وخصوصا توها تعرفه وصار هالموقف قدامها: اعتذر اني جاي هنا
ندى قربت منه: ولايهمك غيث صاير معك شي ؟
غيث مد الظرف: كنت ابي اسلم هذا لاستاذ يوسف
ندى خذت الظرف وابتسمت له: ادري ان مالك ذنب بس يهدى ابوي بتكلم معه
غيث : لامايحتاج بنتقل من المنطقه
ندى عقدت حواجبها: كيف وين تنقل
غيث : مدري اي مكان احصل فيه وظايف كويسه
نرجع لقبل بعد خروج غيث
ندى بهمس لهتان: شصاير ؟
هتان : مدري كان على الاب توب وفجاءه بدا يصرخ بانه يبغى غيث ضروري مدري وش صار واللي قلبه كذا
ندى تنهدت قبل تدخل على ابوها: يبه شصاير ؟
يوسف : يكذب علي كنت متوقع انه يقرب لبندر بس طلع يكذب
ندى جلست بالكرسي : يبه ترا انت اللي دورت وراه وكان بامكانك ماترفضه وماتستعجل وتساله
يوسف : ماني بحاجته يشككني بموظفيني
استغربت ندى هالموضوع : مافهمت ؟
يوسف حكى لها ندى بصدمه: يبه طيب اساله
يوسف : ماني بحاجته خلاص لاتفتحون هالموضوع
ندى وقفت وبعتب لابوها: ماعرفتك قاسي بهالطريقه وخصوصا على موظفينك ياكثر اللي غلطو يبه ماسويت ردت الفعل هذي عليهم
طلعت بحزن على وضع غيث وتصرفات ابوها اول ماطلعت من المصعد سمعت الامن يصرخون عليه
وهو يحاول يتكلم معهم بهداوه
نرجع للواقع
غيث وكانه تذكر شي : صدق تفضلي اسف اني تعبتك اليوم معي وطلعتك للبنك
ندى بصدمه: وش اسوي فيها هذي لك هذي باسمك ياغيث انا مالي دخل فيها
غيث : عارف بس مو انتي اللي سويتيها
ندى: اني اسويها ماله دخل في انك ترجعها لانها باسمك ورقمك فهمت يعني مالي دخل فيها انا ساعدتك بالكلام بس
غيث رجعها بجيبه وابتسم لها: شكرا لك
ندى: تمام انتبه لنفسك
غيث رجع بطريقه فتح جواله وعلى التويتر :
هل الإهمال سيرافقني مدى الحياة لماذا ماذا فعلت لكي أستحق هذه المعاملة حسنا لقد أصبح وضع معتاد ..
رجع لشقته وقبل يدخل تنهد للمرة المليون من طلع من الشركة كنت متردد ويا ليته رفضني بدل ما يقبل فيني ويسوي لي نفس هذي المشكلة
وصل لشقته اللي كان ساكن فيها ابتسم بالم يعني ماراح ابعد عن هالمكان ابدا فتح باب الشقة ودخل رمى نفسه على الارض وهو يحس نفسه متضايق كثير وماحسيت بنفسه لما نام بالليل صحى على صوت الباب أستغرب من بيجي بهالوقت لا وهذي الشقه بالذات وقف قبل يفتح
غيث: من ؟
هتان: انا هتان
غيث زاد استغرابه وحيرته: هتان ؟ هلا تفضل
هتان ابتسم له ورفع اكياس كثير : تراني جوعان بعد عني لا اكلك انت بطريقي
غيث اللي ناظر هتان لفتره وطريقته اللي صاير قريبه من غيث بشكل كبير
غيث دخل وراء هتان وجلسو بالصاله : اسف على المكان
هتان رفع راسه وهو يفتح الاكياس بحماس : انا قلت شي تعال اكل بس
غيث : كيف عرفت شقتي ؟
هتان: ناسي اني اللي اخذت اوراق تقديمك علشان اقبلك للوظيفه
ابتسم غيث بالم: اي لاتذكرني !
هتان حس بانه جاب العيد : اسف غيث ماكان قصدي والله
غيث : لاتحاتي ماتقول لي شعندك جاي تاكل هنا
هتان: انا شخصيه مو اجتماعيه وماعندي اصحاب كثير واصحابي ال٢ مسافرين وماحب اكل بروحي واحس بالوحده فا جيتك لاني ارتحت لك وحسيتك قريب مني مره غيث ..
سكتوا وبدو أكل
بعيد عنهم ببيت يوسف
دخلت بغضب
ريتاج: شفيك يمه
ندى جلست وبدت تحكي لها كل اللي صار
ريتاج بستغراب:ما عمره أبوك تعامل مع أي موضوع بهذي الطريقة يمكن فيه شي
ندى: حتى ولو يمه مو يطرد الموظف ويسبب له إحراج بالشركة وبوسط الموظفين على الأقل تكلم بينهم بداخل المكتب
بهذي اللحظة دخل يوسف البيت
ندى وقفت: بروح ارتاح عندي دوام العصر
يوسف عقد حواجبه يعرف بنته تصرفها هذا له سبب
جلس بتعب بجنب زوجته
ريتاج : تعبان ؟
يوسف : اي والله تعبان كثير ماعدت اعرف وش اسوي
ريتاج: حكت لي ندى ليه سويت كذا
يوسف : زيف التقارير علشان يجذب انتباهي واتهم موظفين كثير مالهم ذنب علشان يرضي غروره ويرضي نفسه
ريتاج: بس انت ماتاكدت
يوسف : انا طلبت منه امس يرسل لي الملفات على الايميل علشان اراجعها وهو ارسل لي نسخته المعدله
ريتاج: حتى ولو ماكان لك حق ماتتكلم معه وتساله
يوسف تنهد: بروح ارتاح
نرجع لشقه غيث اندق الباب وهم يرتبون الاكل بعد ما انتهو
هتان: تنتظر احد ؟
غيث : لا
هتان : اجل
غيث مايدري ليه بس ساله: انت قايل لاحد عن مكاني ؟
هتان: لا
غيث : غريبه
فتح الباب وحس بالدم يتجمد بجسمه
غيث : هلا
كان ضابط ومعه شخص
الضابط : انت غيث ال **
غيث: اي نعم
الضابط : ياليت تجي معنا
غيث : بس افهم ليه
طرى بباله موضوع الشركه ? ماسويت شي معقول بلغ علي
هتان اللي قرب منهم وانصدم : غيث شصاير ؟
الضابط : يلا غيث ماعندنا وقت للانتظار
غيث التفت لهتان: بروح معهم مستدعيني
هتان انصدم وجات بباله نفس موضوع يوسف سكر الشقه وراه وراح لبيت يوسف
بعد دقايق من الانتظار
يوسف: شصاير هتان مو عادتك !
هتان: اسف على كلامي بس عندي سوال
يوسف لاحظ جديه هتان : قول
هتان: انت بلغت على غيث ؟
يوسف بصدمه: ابلغ عليه ليه طردته من الشركه بس ليه صاير شي
هتان تنهد : الحمدلله مو انت
يوسف : شصاير؟
هتان: رحت لبيت غيث بناكل سوا ودق الجرس كان ضابط ومعه شخص طلبو حضور غيث
يوسف استغرب: بس ليه ؟
هتان: مدري انا كنت متوقع موضوع طلب الشرطه له انك بلغت عليه
يوسف : لا تعال نروح ونشوف شصاير انت تعرف باي مركز هو !
هتان: لا
بمركز الشرطه
الضابط : انت تعرف بندر ال **
غيث : اي الشخص اللي كفلني من الميتم
الضابط احمد التفت للمحامي عبد العزيز : تفضل
عبد العزيز : لاتخاف ياغيث انت جاي تستلم ورثك
غيث بصدمه: ورث ايش؟
عبدالعزيز: ورث بندر ال** انت الوصي الوحيد له
غيث انصدم: كيف شلون ؟ انا
عبد العزيز ناظر با احمد اللي ابتسم لصدمه غيث واللي الخبر اكيد مو سهل عليه
احمد : رح نتركك تقرا الوصيه لان فيه رساله باسمك وخذ وقتك لاتتوتر ترا مارح يجيك احد هنا
طلعو وتركو غيث اللي فتح الرساله بيد ترجف
من بندر لولدي غيث
السلام عليكم اخبارك غيث اكيد بتوصلك هالرساله بعد وفاتي يارب تكون احوالك كويسه اسف اني تركتك بوقت انت محتاجني فيه غيث انا الحين مو معك ولازم تعرف شي انا مالي اي صله قرابه بيني وبينك بس كنت ازور الميتم ايام كثيره وتعرفت عليك كنت نفس الطفل المُهمل اللي ماحد يهتم له حبيت اخذك بس رفضو الميتم لما تكمل السن القانوني انتظرتك واخذتك عندي تركت شركتي واللي فيها تحت وصايه صاحبي ويمكن التقيت فيه او اذا ما التقيت فيه رح تتقابلون قريب يوسف ال **
غيث انصدم * هل ممكن كان يعرف وهذا سبب تصرفه معي بس لو يعرف ماكان بيرفضني ويطردني من جديد * تنهد وكمل الرساله
روح له بكتب لك عنوانه عطه الرساله ورح يتاكد اني انا من خطي ابدا من جديد يا غيث بيتي والمزرعه والشركه صارو ملكك من اليوم ورايح * غيث بلع ريقه بصدمه* ادري مصدوم الحين بس ماعليه رح تاخذ على الوضع شوي شوي بتستغرب اني خذتك وتركتك بالشقه هذي بس ماعليه سامحني كنت ابغى ابعد عن كل شي واهتم فيك
انتبه لنفسك وتاكد اني احبك وانك ولدي اللي ماجبته على الدنيا وصح
عبد العزيز واحمد اصحابي وطلابي بنفس الوقت فا متى ما احتجت شي لاتتردد في طلبهم
انتهت الرساله ظل يناظر بالورقه لمده طويله
بعد نص ساعه
دق الباب
غيث مسح عيونه اللي امتلت دموع : ادخل
عبد العزيز دخل وربت على كتفه : الحي ابقى من الميت غيث الدنيا مارح توقف لوفاه احد لازم تكون اقوى من كذا
غيث ابتسم بالم: شكرا لك
عبد العزيز : رح ارجعك الحين واتركك ترتاح اليوم بكرا بجي اخذك علشان نتمم الاجراءات
وصلو للمبنى
نزل غيث واستغرب السياره الفخمه اللي عند الباب بس تجاهلها وصعد لشقته انتبه ليوسف وهتان اللي قرب منه بقلق
هتان: شصار ليه يبونك ؟
غيث رفع راسه وواضح الارهاق والتعب واضح عليه: امم كان فيه اجرارات قانونيه لعمي وطلبوني علشان يخلصونها
يوسف نطق بصدمه: بندر ؟
غيث رفع راسه: تكلم لي عنك كثير وطلب اني اوصل لك رساله
يوسف حس الدنيا تدور فيه خصوصا من بعد كلامه مع هتان
قبل وقت
يوسف: اسمع هتان
هتان: هلا
يوسف : انا امس طلبت من غيث يرسل لي اللي صاير ايميل ؟
هتان : لا
يوسف استغرب وتوتر بانه يارب ماكون غلطت معه: شلون لا
هتان: انت قلت بكرا نتصرف وتركت الموضوع كذا
يوسف : بس كيف ؟ شلون كذا
نرجع للواقع
غيث كان متوتر مرره وخايف خصوصا من الموقف اللي صار الصباح : انا مو ولد اخوه ولا اقرب له هو تبناني من الميتم وطلب مني اروح لك واتكلم معك عن كلي شي وانك رح تساعدني
يوسف حس الدنيا تدور فيه ليه كل هذا صاير له وبيوم واحد اذا هو مو متحمل كيف غيث ؟؟
انتهى البارت 😍🤍 رايكمممم ؟؟ وايش توقعاتكم للجاي
أنت تقرأ
مُهمل
العاطفيةكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
