بعد رجوع يوسف اتصل على ندى وسالها اذا بندر زارها او لا وردت عليه بانه ماجاء لها
استغرب اخوه مو هو تصرفاته مو تصرفات بندر اللي يتكلم مع كنان كذا اتصل على احمد
احمد: هلا يوسف شصار معك
يوسف : وصلته وقلت له اني بجي اخذه
احمد: افضل له لما نعرف وش صاير ببندر لانه مستحيل يسوي نفس كذا وخصوصا بولده ! حتى لو هو اللي مربي غيث
يوسف : انا قلت كذا بعد مستحيل اخوي واعرفه
احمد: روح ارتاح بعدها بنشوفه
يوسف: لا انا بروح له الحين
احمد شهق : يوسف انت صاحي متصور الطريق اللي رحت له ساعتين ترا ٣٦ ساعه
يوسف : نمت بالسياره يلا بسكر الحين علشان بركب السياره
احمد تنهد: بجي معك
يوسف توجه لبيت بندر على طول دق الباب بعد فتره فتح له بندر وهو شبه نايم وصاحي
يوسف : نايم !
بندر: اي بس وين كنان مو هنا ولا غيث
يوسف جمد الدم بعروقه وهو يسمع بندر !!!!!!
بندر: شفيك يوسف وين العيال
يوسف بتدارك للوضع : ايه غيث وكنان طلعو بيتمشون وينامون عند هتان
بندر : غريبه مارسل لي كنان او غيث شي دقيقه بتصل عليهم
يوسف بسرعه: لا
بندر لف له: وش لا
يوسف : يعني اتركهم يستمتعون بطلعتهم
دق الباب
يوسف : هات جوالك دقيقه فيه شي برسله لك وانت روح بدل بيجي احمد وعزوز الحين
بندر اللي كان عليه بجامه: تمام
راح اما يوسف رجع للباب وفتحه
احمد استغرب تعابير وجه يوسف اللي واضح فيها التوتر على الصدمه: شفيك ؟
يوسف : سالني وين كنان وغيث وليه ماقالو له انهم بيطلعون
احمد ماستوعب: منهو ووش هالموضوع
يوسف: بندر يقول وين العيال ولا واحد بالبيت
احمد فتح فمه: ها ؟
يوسف : قلت له انهم طالعين يتمشون وبينامون عند هتان
احمد: شلون وش صار
يوسف برتباك: مدري مدري بس اللي اعرفه الحين انه لازم نبلغ هتان ويكون عنده خبر
احمد : خلاص انا بدخل وانت بلغه
يوسف: تمام
اتصل على هتان اللي كان شبه نايم : همم
يوسف: هتان
هتان اللي عدل جلسته وبنتباه: هلا استاذ يوسف
يوسف : اسمع اذا اتصل بندر قول ان كنان نايم وغيث طلع يجيب اكل وجواله عندك تسمع !
هتان : تمام
يوسف: وقول له انه بينامون عندك فاهم
هتان اللي استغرب: تمام
يوسف : وروح عند غيث بالمستشفى اذا صار شي بتصل عليك
هتان بستغراب: غيث بالمستشفى
يوسف تذكر انه هتان مايعرف : تمام اسمع هتان روح المستشفى وقابل الدكتور فهد بيشرح لك الموضوع ببساطه تمام بس المهم انتبه لايحس بندر بشي فاهمني
هتان: تمام
اما يوسف اللي كان جالس مع احمد جاء عبد العزيز ودخل لان الباب كان مفتوح : شعندكم مره تتهاوشوم معه
احمد ركض ومسك فمه
بندر كان جالس: متهاوشين مع مين شفيك احمد
احمد: متهاوش مع موظف عندي بالقسم واتصلت عليه اسولف معه
عبد العزيز استغرب اللي صاير بس واضح صاير شي
بالمستشفى
وصل هتان وراح لغرفه فهد شرح له الوضع وحكى له اللي صاير مع يوسف
فهد : وش تقول صادق !
هتان : اي مدري شصاير بس واضح انه فيه موضوع
فهد بستغراب فتح عيونه بصدمه: لاا اتمنى مايصير اللي ببالي
هتان: شفيك
فهد : ولاشي روح لغرفه غيث رقمها ٢٣٤
بعيد عنهم بلندن
باسل بقلق: كنان صاير شي بينك وبين بندر؟
كنان : لا خالي من امس وانت تسالني اذا ماتبيني قول لي
باسل وقف وبتفكير: مستحيل اقول لك كذا وبالعكس انا مبسوط بس كلام بندر اخر مره حذرني اقرب منك او احاول اني اخذك عندي
كنان: بصراحه جاي بتكلم مع هديل
باسل ناظره فتره وعقد حواجبه وكان الموضوع مو عاجبه: وش تبغى فيها
كنان؛ خالي هي طبيبتي وابي اتكلم معها
باسل : تمام براحتك بس اتصل على ابوك وطمنه
وقف وترك كنان اللي ظل جالس واتصل بالعياده بس قالو له انها انتقلت واخذ رقمها
ارسل لها :
اهلين دكتوره هديل
انا كنان سالت عنك قالو انتهت فتره دوامك ممكن احجز موعد اون لاين !
ماجاه رد
عند بندر
راحو العيال وهو يحس بخمول وتعب
بندر: يوسف بروح انام انا تكفى اتصل على هتان وتطمن على العيال
يوسف: تمام رح ارتاح انت لاتحاتي
راح بندر تارك يوسف مستغرب من اللي صار هل ممكن بندر رجعت له حالته الغريبه وهي النسيان المؤقت والتصرف بغير ارادته
اتصل على فهد اللي رد
يوسف : قال لك هتان يعني مايحتاج اشرح لك
فهد: بس يا يوسف له ٨ سنين ماجاته هالحاله
يوسف : والله يافهد حتى انا محتار
فهد : المهم تطمن غيث صار بخير بكرا يقدر يطلع بس شكلي بمدد له هنا
يوسف : اي افضل لايشوف بندر بهالحاله وينجن على كنان هو بعد
فهد : صدق انت ليه تاخذه
يوسف كان بيتكلم بس الصرخه اللي سمعها ؛ فهد بسكر
سكر من فهد وانتبه لبندر اللي جاء له بشكل سريع وشكله متبهذل من النومه : كنان وين يايوسف !
يوسف : عند هتان
بندر مسك راس وصار يمشي رايح جاي بالصاله: انا جرحته انا كيف تكلمت معه كذا انا كيف تجرات وقلت له هالكلام يوسف انا لازم اروح له
يوسف انصدم: انت تذكرت
بندر ناظره بستغراب : ليه انا نسيت بس انا كيف قلت كذا لكنان لولدي ؟ هو ما بيده شي ليه اقول له كذا ليه اجرحه
يوسف تنهد ووقف : بندر اهدى مو كذا تنحل الامور
بندر رفع راسه ليوسف وعيونه حمرا: كنان وين يايوسف ؟
يوسف : سافر عنده كم شغله وموعد قال بيروح يخلصها بهالوقت انت هديت وغيث صار بخير
بندر جلس على الارض بنهيار : راح صدق باسل لما قال اني ما استحق اكون ابو كنان صدق لما قال لي اني مى قد مسووليه كنان كيف سويت كذا مع ولدي من لحمي ودمي
يوسف ابتسم يطمنه: اهدى بنروح ونرجعه بس اترك غيث لما يصير بخير
بندر : بس اهو !
يوسف : اتصل عليه اكيد بيتفهمك وبيقول لك اسباب انه بيجلس هناك
بندر ناظره لفتره : انا كسرته يحق له يكرهني
يوسف تنهد: لاتقول كذا
اما من جهه ثانيه كان بمكالمه مع هديل
كنان بتردد: وهذا اللي صار
هديل : شوف كنان انا ما اقدر اقول لك ان ابوك يكرهك بالعكس من كلامك عنه حسيت انه شخصيه لطيفه ومحبه للي حولها تصرفه معك كان بسبب توتره وغصبه على اخوك كونه متعلق فيه صح ماله حق بس بوقتها حتى الام لطفلها ممكن تهاوش ولدها علشان ولدها الثاني فا تصرف بندر طبيعي صح ماكان يحق له يقول لك نفس هالكلام القوي بس بنفس الوقت انت المفروض تهدئ وتنتبه انك اقوى من انه تكسرك هالكلمات
كنان ناظر بعيونها: بس اللي كسرني اني ماقدرت اساعد اخوي وهو طايح قدامي
هديل : انت كنت بصندوق مع خالك وطلعت للدنيا فا طبيعي كثير مواقف بتصير لك اللي بيضايقك واللي بيكون عادي بالنسبه لك فا لاتشيل نفسك وتضايقها ابوك الحين اكيد يلوم نفسه واكيد بيرسل لك باقرب وقت يكون مجهز الكلام يتكلم معك عنه او بيجي لك
كنان : شكرا هديل
هديل ابتسمت له: لاتشكرني كنان انت شخص تستاهل كل خير وتستاهل انو الكل يحبك
كنان : الله يسعدك
هديل : يلا انتظر زيارتك بعيادتي
بعد ثواني وصلت له رساله فويس نوت من بندروواضح من صوته التوتر والحزن
كنان انا اسف ماكان قصدي اقول لك هالكلام ومدري كيف قلته يحق لك تكرهني بسبب اللي قلته واني اذيتك وجرحتك بجي وارجعك لي بس !
* سكت فتره *
كمل كلامه: بحاول اصلح غلطي واكون اب ناجح وتفخر فيني انا ماكان قصدي هالكلام او حتى كيف طالع مني كيف قدرت اقول لك صح ان غيث غالي بالنسبه لي وانه الشخص اللي كبرت معه بس ___حتى ولو يظل انك ولدي غير اوعدك ماعاد اضايقك او اقول لك شي يجرحك ورح اكون الاب اللي تكون فخور فيه
كنان مسح دموعه وهو يسمع نهايه الرساله
بندر : ولاتنسى اني احبك وانك ولدي
كنان رد عليه بكلمه : انتظرك
بندر اللي وصلته الرساله ابتسم بمتنان لوجود اخوه بجنبه ولوجود كنان وعيث بحياته
انتهى البارت 🤍🤍🤍 احبكم وتوقعاتكم للجاي
KAMU SEDANG MEMBACA
مُهمل
Romansaكنت مُهمل الى ان التقيت بك وانه لمِن الجميل أن يكُون لديكَ صديقٌ كلّما أتيتَ له متكدّراً رجعت منه صافياً وكلّما قدمت إليه ضعيفاً عُدت منه أقوى 🤍🤍🫀
