"သိလား..ဆာရန်းကမျက်နှာရော၊စိတ်ဓါတ်ရောယူဂျောင်းနဲ့တစ်ပုံစံတည်းပဲ။ ကြီးလာရင်အရမ်းလှပြီးအရမ်းထက်မြတ်တဲ့ကောင်မလေးဖြစ်လာမှာသေချာတယ်။ဘာလို့အစောကြီးထွက်သွားတာလဲ။ ဆာရန်းလေးလှလှပပကြီးပျင်းလာတာကိုစောင့်ကြည့်ကြီးပျော်ပျော်ရွှင်ရွှင်နဲ့အကြာကြီးနေသွားသင့်တာပေါ့"
ယူဂျောင်းသာအသက်ရှင်နေဦးမယ်ဆိုရင်သူရယ်၊ ဆာရန်းရယ်၊ ယူဂျောင်းရယ်.. သုံးယောက်သားနွေးထွေးတဲ့မိသားစုဘဝလေးမှာအေးအေးချမ်းချမ်းနဲ့နေနိုင်မှာ။ ပြီးတော့.. သူလည်းသူ့စိတ်တွေကိုတခြားဆီပျံ့လွင့်ခွင့်ပေးမိမှာမဟုတ်။ယူဂျောင်းရဲ့အုတ်ဂူလေးကိုကျောမှီ၍ထိုင်ချလိုက်ပြီးမျက်စိတစ်ဆုံးကျယ်ပြောလှတဲ့ကောင်းကင်ပြင်ကြီးကိုစိတ်လွတ်ကိုယ်လွတ်ငေးနေမိသည်။ ပြာလဲ့နေတဲ့ကောင်းကင်ကြီးမှာသူ့ရဲ့ခံစားချက်တွေအရောင်ဟပ်သွားလို့ထင်.. တိမ်တွေထူထပ်လာပြီးရုတ်ခြည်းအမှောင်ဖုံးသွားသည်။
"အမှန်တိုင်းပြောရရင်..အရမ်းပင်ပန်းတယ်.. ယူဂျောင်း။ ကိုယ့်စိတ်ကိုယ်ထင်သလိုစေခိုင်းလို့မရလို့ပိုပင်ပန်းတယ်"
အစကတည်းကဖြစ်သမျှကိုလှပတဲ့အိပ်မက်လေးတစ်ခုလို့ပဲအမှတ်ထားခဲ့ပါတယ်။ တစ်ချိန်မှာမဖြစ်မနေနိုးထရမယ်ဆိုတာကိုလည်းနားလည်တယ်။ နားလည်ပေမယ့်အိပ်ချင်ယောင်ဆောင်နေတဲ့နှလုံးသားကိုအမှန်တရားကလှုပ်နှိုးတဲ့အခါနိုးနေပါလျှက်ဆက်ပြီးအိပ်ချင်ယောင်ဆောင်နေတော့ခက်လှသည်။
ယူဂျောင်းရဲ့အုတ်ဂူလေးကိုသန့်ရှင်းရေးသေချာလုပ်ပြီးယူဂျောင်းကိုနှုတ်ဆက်စကားပြောကာတိတ်ဆိတ်စွာလှည့်ပြန်ခဲ့ရင်းအပြန်ခြေလှမ်းတို့ကနှေးကွေးလေးလံလို့နေသည်။ ထိုအချိန်မှာသူ့နံဘံတစ်ဖက်လမ်းပေါ်မှာပတ်ဝင်လာသည့်အနက်ရောင်ကားလေးတစ်စီးကသူ့ဘေးမလှမ်းမကန်းတွင်တုံ့ခနဲရပ်သွားသည်။
"Hyung"
ကားအနက်ပေါ်ကဆင်းလာသူက.. အခြားမဟုတ် ဂျွန်ဂျောင်ကုပင်တည်း။ ဂျောင်ကုကသူ့ကိုမြင်တာနဲ့သွားတွေပေါ်အောင်ပြုံးပြရင်းသူ့အမည်ကိုတက်ကြွစွာခေါ်လာသည်။ မမျှော်လင့်ဘဲမြင်လိုက်ရလို့အံ့အားသင့်မိပေမယ့်ပြုံးရွှင်နေတဲ့မျက်နှာကိုမကြည့်မိအောင်အကြည့်တွေကိုအမြန်လွှဲလိုက်သည်။
![](https://img.wattpad.com/cover/300897735-288-k191607.jpg)
YOU ARE READING
Can We Become Strangers? (✔️)
Fanfiction(Unicode) ရင်ထဲမှာသူရှိ,မရှိကိုနှလုံးသားကအလိုလိုသိနေပြီးသားပဲ.. အဲ့ဒါကြောင့်အကြောင်းအမျိုးမျိုးကြောင့်လမ်းခွဲကြပြီးရင်သူစိမ်းတွေဖြစ်သွားမှာလားဆိုတဲ့မေးခွန်းကိုမေးမနေတော့ပါဘူး.. Jeon Jung Kook 💜 Kim Seok Jin (Zawgyi) ရင္ထဲမွာသူရ...
Chapter- XVI
Start from the beginning