The Girl I Love The Most (JENLISA GirlxGirl) COMPLETED

Chapter 38

Nami

"Stop smiling Nami, will you?" Saway sa akin ni Miyu noong madaanan ako nitong wagas kung makangiti habang tinitignan ang last night convo namin ni Jennie sa messenger.

Pasimple at sandaling lumapit ito sa akin, para silipin kung ano ba 'yung tinitignan ko nang bigla itong napatawa ng mapang-asar!

"Ni-reply ka lang ng good night tapos hindi ka na nagawang mai-reply, kinikilig ka na doon?" Napapailing na sambit nito habang tinitignan ako na para bang hindi makapaniwala sa akin.

"Grabe! Ang lala ng tama mo kay Jennie!" Pagkatapos ay tinaasan ako nito ng kilay. Kaagad naman na tinignan ko ito ng masama.

"Pwede bang umalis ka sa harapan ko ngayon din at baka makalimutan kong iisang dugo lang ang nananalaytay sa atin." Muli ay napatawa lamang ito.

"Good bye! And good luck sa pakikipag-kompetensya kay Lisa." Atsaka walang sabi na tinalikuran na ako nito.

I don't get her!

She obviously like Jennie. Pero noong malaman nitong parehas kami ng babaeng napupusuan at noong malaman niya na may pagtingin din ang best friend nitong si Lisa, ay para bang bigla na lamang siyang sumuko at tinanggap na lamang na hanggang magkaibigan na lang sila.

I mean, why didn't she even try it once? Eh mas close pa nga sila ni Jennie sa amin eh.

Isa pa, mas nauna siyang nakilala ni Jennie kaysa sa akin.

Gusto ko si Jennie pero syempre nasasaktan din ako para sa pinsan ko, dahil alam kong minsan lamang siya magkagusto sa isang tao.

Well, ito nga yata ang kauna-unahang nagkagusto siya sa isang babae. Tapos kinompetensya ko pa.

Napapailing na lamang na umakyat akong muli ng hagdanan patungo sa aking kwarto upang makaligo na. Naalala kong marami pala akong gagawin ngayong araw.

Napahinga ako ng malalim at hindi mapigilan ang hindi malungkot.

Sigurado kasi na mamimiss ko na naman si Jennie, dahil hindi ko ito mapupuntahan ngayong araw.

Nararamdaman ko na kahit konti, mayroon na akong pag-asa sa kanya. Nararamdaman ko naman kasi na sinusubukan nitong buksan ang kanyang puso para sa akin. Kaya hindi ko mapigilan ang hindi maging masaya sa bawat pagdilat ng aking mga mata sa umaga, sinyales kasi iyon na malapit ko nang makuha ang puso ni Jennie.

Sana.

Matapos ang halos dalawang oras ay handa na ako sa pagpasok sa eskwela, hinihintay ko na lamang si Miyuki dahil sasabay daw itong muli sa akin.

Minsan, ang tamad talagang mag-drive ng babaeng iyon. May sasakyan naman sana siya eh. Tsk!