The Girl I Love The Most (JENLISA GirlxGirl) COMPLETED

Chapter 27

Jennie

Ang madalas kong tanong sa tuwing nakakasama ko si Nami, nananaginip lamang ba ako o totoo lahat ng ito?

Dahil sa tuwing nakakasama ko siya, nangyayari ang mga bagay na hindi kapani-paniwala na nangyayari o mangyayari sa buhay ko.

Iyong tila ba bigla na lamang akong magigising sa katotohanan na isa lamang panaginip ang lahat.

Lalo at higit sa lahat ang dalhin ako nito dito sa kanilang Studio, para samahan siya sa isang photoshoot na hindi ko alam, at wala akong kaalam-alam na matagal na palang nakalista ang pangalan ko sa mga pinagpipiliin.

Hindi naman pang model ang katawan ko, lalo na ang itsura ko.

Pero bakit tila ba tuwang-tuwa pa si Sarah at Sommer nang makita ako kanina?

Ang dugyot ko ngang tignan eh! Daig ko pa ang nagmukhang alalay ni Nami kanina.

Pero in fairness, nakapag pa-picture ako sa kanila na talagang hinding-hindi ko makakalimutang pangyayari sa buhay ko. Akala ko kasi noon sa TV at mga Billboards ko lamang sila makikita eh.

Pagkatapos na maipakilala ako ni Nami sa lahat, ay agad na ipinagkatiwala niya ako sa dalawang artist na mag-aayos sa akin.

Hindi ko alam kung ano ang pinaggagawa ng mga ito sa mukha ko. Basta ang alam ko lang, nakatulog ako nang hindi ko alam kung gaano katagal at ginising na lamang ako para sumunod kay Nami na ngayon ay nasa kabilang kuwarto na kung saan nagaganap na ang kanyang unang shoot.

Ngunit bago pa man ako makalabas ng dressing room, ay kapansin-pansin ang pagnganga ng ilang modelo habang nakatingin sa akin.

Hindi naman napigilan ng manager ni Nami na mapapalakpak noong mapalingon ito sa akin.

"Wow! Wow! Wow! You look stunning, Jennie!" Komento nito at mabilis akong nilapitan bago hinigit papunta sa isang napakalaking salamin kung saan nakaupo si Sommer kanina.

Swear!

Hindi ko din mapigilan ang mapanganga ng literal noong makita ko ang aking sariling mukha sa salamin.

Napapalunok ako ng maraming beses bago napahawak sa magkabilaang pisngi ko.

A-Ako ba talaga ito?

Nagniningning ang mga mata na napapangiti ako sa aking sarili.

Hindi ko akalain na gaganda rin akong katulad ng mga modelo na nandito.

Naka-curl na ang aking buhok ngayon, inayos ang aking kilay at nilagyan ng makeup, syempre ang aking mukha.

Nilagyan din ako sa aking buong katawan ng oil. Hindi ko alam kung para saan ngunit ang tanging alam ko lang, nanlalagkit na ako.

"Isa kang tunay na Dyosa." Komento ng isang makeup artist na lumapit sa akin. "Heto na nga pala ang susuotin mo." Pagkatapos ay maingat at maayos na ini-abot niya ito sa akin.

Muli akong napalunok nang makita ito.

"Y-Yan ba talaga ang isusuot ko?" Utal na tanong ko dahil isa itong bikini na parang nipples ko nalang yata ang matatakpan nito at iyong pang ibaba, hindi ko alam kung papaano nila ipapasuot yan sa akin.

Tatanggihan ko pa sana ito nang hilain ako bigla ng manager ni Nami at mabilis na lumabas kami ng dressing room.

"We need you there  in 5 minutes." Wika nito. "Pumasok ka sa pintuang yan pagkatapos mong makapagpalit." Tukoy nito sa isang kulay brown na malaking pintuan kung saan ang pinaka studio nila.