ညနေလေးနာရီ...
ခုနေ့တော့ ထူးခြားမှုတစ်ခုရှိနေ၏။ညနေခင်းဖြစ်တာကြောင့် နေရဲ့အလင်းရောင်နဲ့ပူလောင်မှုတွေလျော့သွားတဲ့အချိန်လည်းဖြစ်သည်။ဝရံတာပေါ်မှာ စားပွဲဝိုင်းတစ်ခုချထားပြီး ဟိုကောင်လေးထိုင်နေ၏။ထိုင်ပြီးစာကြည့်နေတယ်ဆိုရင် မှားသွားလိမ့်မည်။အနက်ရောင်ဖုန်းလေးနဲ့ gameဆော့နေခြင်းပင်ဖြစ်ပါလိမ့်မည်။ကျွန်တော်အိမ်ထဲဝင်သွားတာကိုတောင် သတိမထားမိသေးဘဲ ဖုန်းကို သဲကြီးမဲကြီးနှိပ်နေပုံထောက်ရင်တော့ တော်တော်လေး စာတွေရနေတဲ့ပုံပင်။
"ကြွပါရှင့် ဆရာလေး။အိမ်ပေါ်မှာ ကြယ်တာရာစောင့်နေပါတယ်.."
ညနေလေးနာရီဖြစ်နေတာကြောင့် ရုံးဆင်းချိန်ဖြစ်ပါလိမ့်မည်။ဒါပေမယ့်အန်တီက ပိုက်ဆံအိတ်တစ်လုံးကိုကိုင်ကာ အပြင်ပြန်ထွက်တော့မည်ပုံစံဖြစ်နေသည်။ခိုပြာရောင်ဝမ်းဆက်နဲ့ အပျိုတစ်ယောက်ရှုံးလောက်အောင် ပြင်ဆင်ထားပုံပေါက်ရင်တော့ ပွဲတစ်ခုသွားတာပဲ ဖြစ်ပါလိမ့်မည်။ကျွန်တော်လဲ ခြံထဲမှာစိုက်ထားတဲ့ ဘူးသီးနုတစ်လုံးကို ခူးလာတာကြောင့် ထုတ်ရင်းကမ်းပေးလိုက်သည်။
"အိမ် ဘူးသီးခူးလာတာအန်တီ။နုနုလေးဆိုတော့ ကြက်သားနဲ့ရောချက်ပြီးစားရင် တော်တော်ချိုမှာ.."
"ကျေးဇူးပါဆရာလေးရယ်။သားက ဘူးသီးချက်အရမ်းကြိုက်တာ။ရေခဲသေတ္တာထဲထည့်ထားရင် ဘူးသီးကကောင်းသေးတယ်မလားဆရာလေး။ခုနေ့တော့ ချက်ဖို့အချိန်မရလောက်တော့ပါဘူး။ပွဲတစ်ခုသွားစရာရှိလို့လေ."
"ရေခဲသေတ္တာထဲ ထည့်ထားရင်တော့ အဆင်ပြေပါတယ်။နည်းနည်းတော့ နွမ်းသွားမယ်ထင်တယ်။"
"မနက်ဖြန်တော့ မမိုးပြန်လာမယ် ဆရာလေး။သူပြန်လာမှပဲ သေချာချက်ခိုင်းတော့မယ်။ကျွန်မချက်ရင် ချိုသလေး၊ခါးသလေးနဲ့ သားက ချေးများအုံးမှာ.."
"ဟုတ်ကဲ့အန်တီ။ဒါဆို ဘူးသီးဘယ်ကိုထားလိုက်ရမလဲ"
"ပေးပေး ဆရာလေး။ကျွန်မ ရေခဲသေတ္တာထဲပဲသွားထည့်လိုက်တော့မယ်။ဒါနဲ့ဆရာလေးကို ကျွန်မတစ်ခု requestလုပ်ရအုံးမယ်.."
YOU ARE READING
ချစ်သောကြယ်တာရာ(ခ်စ္ေသာၾကယ္တာရာ)Completed
Romanceစောင့်ဆိုင်းခြင်းနဲ့ ချစ်ခြင်းမေတ္တာဟာ တသတ်မတ်ထောင့်လို။ထပ်တူညီခြင်းဥပဒေသအရ အချစ်သည်..စောင်ဆိုင်းခြင်းနဲ့ တိုက်ရိုက်အချိုးကျနေလေရဲ့ ေစာင့္ဆိုင္းျခင္းနဲ႕ ခ်စ္ျခင္းေမတၱာဟာ တသတ္မတ္ေထာင့္လို။ထပ္တူညီျခင္းဥပေဒသအရ အခ်စ္သည္..ေစာင္ဆိုင္းျခင္းနဲ႕ တိုက္ရိုက္အခ...
