High Energy QR Code [ Myanmar translation ]

Chapter 34 _ သီခွမ့်

ပိုင်ရွှိက လင်ကျင့်ရွှယ်၏ သူငယ်ချင်းကောင်းဖြစ်သည်။ သူမကသာ တကယ် မနာလိုဖြစ်ခဲ့မည်ဖြစ်ဆိုလျှင် အမြဲတမ်း တောက်ပလင်းလက်နေသည့် လင်ကျင့်ရွှယ်ပင် ဖြစ်လိမ့်မည်ဖြစ်ကာ၊ မကောင်းမြင်စိတ်အားလုံးကိုလည်း သူမအပေါ်သာ ပုံချလိမ့်မည်။ ထို့ကြောင့် လျှိုမုချင်းအပေါ် အမုန်းတရားထားဖို့ဆိုသည်မှာ အလွန်ခက်ခဲပေလိမ့်မည်။ အကယ်၍ နှစ်ယောက်စလုံးအား အမုန်းပွါးရန် အကြောင်းဖန်လာစေသည့် ထူးခြားသည့် အဖြစ်အပျက်တစ်ခုခု ရှိမနေလျှင်သာပင်။

ကျောင်းဝန်း အံဖွယ်ဒဏ္ဍာရီထဲမှ မွန်နာလီဇာအံဖွယ်ဒဏ္ဍာရီကိုပါ ထည့်ပေါင်းလိုက်လျှင်၊ သဲလွန်စအကုန်လုံးဆက်စပ်မိသွားပြီဖြစ်သည်။ ရှင်ယဲ့၌ ပိုင်ရွှိက လျှိုမုချင်းအပေါ် အာဃတများရှိနေသည်ဟု သံသဃဖြစ်ရသည့် အကြောင်းအရင်းရှိသည်။ mission  သဲလွန်စအရဆိုလျှင် ပန်းချီကားနှင့် ပတ်သက်နေရမည်။

သေချာပေါက် ဒါတွေအကုန်လုံးကို တိုက်ဆိုင်မှုဟု မှတ်ယူ၍ ရနိုင်သော်လည်း၊ ရှင်ယဲ့က တိုက်ဆိုင်မှုဆိုသည့် အရာများ၏ တည်ရှိမှုကို မယုံကြည်ပေ။ မတော်တဆတိုက်ဆိုင်မှုဟု ခေါ်သော အရာအားလုံးမှာ မရေမတွက်နိုင်သည့် မလွဲဧကန်ဖြစ်ပေါ်လာသော ဆက်နွယ်မှုများမှ ပေါ်ပေါက်လာခြင်းသာဖြစ်သည်။

ထို့ကြောင့် 'မွန်နာလီဇာ အပြုံး' မှာ ပိုင်ရွှိက ပန်းချီပြိုင်ပွဲတွင် ပုံတူတုပရေးဆွဲကာ ပါဝင်ခဲ့သည့် ပန်းချီကားဖြစ်သည်ကို သီခွမ့်ဆီမှ သိခဲ့ရပြီးနောက်၊ ရှင်ယဲ့ စဉ်းစားမိလိုက်သည်က ထို ပန်းချီကားက တခြားလောက၏ ပထမအလွှာ၌ ရှိနေနိုင်သည့် ရာခိုင်နှုန်းမှာ 70% ကျော်လောက် ရှိသည်ဟုပင်!

ရှင်ယဲ့၏ ရှင်းပြချက်ကို ကြားလိုက်ရသည့် ချောင်ချန့််: "......"

သူနဲ့ ငါက ဂိမ်းတစ်ခုတည်းကို ကစားနေတာကော ဟုတ်ရဲ့လား? ငါတို့က တစ်ချိန်လုံး အတူတူ တွဲကစားနေကြတာကော ဟုတ်ရဲ့လား? ငါ့မှာ ဦးနှောက်ကော ရှိရဲ့လား? ချောင်ချန့် သူမကိုယ်သူမ သံသယဖြစ်နေမိလေ၏။

ထိုအချိန်တွင် သီခွမ့်ကတော့ ဖုန်းကို ဆက်ပြောနိုင်သေးလေ၏: