- رواية| خَيبات الأحـبه لاتنسى.

10

استغفرالله العظيم واتوب اليه

(لا أُحلل القراءه بدون فوت و كومنت)✨🤍

_عَلقوا بين الفقرات هالشيء يحفزني أنتبه للتفاصيل_

لم يفعل الكثير ليُلفت نظري، فقط كان حنونًا فألتفت لهُ قلبي

.

.

واقف عِند باب البيت ويفرك يدينه سَوا من البرد وفجأه حَس بضوء سياره قَريب لَف وتنهد بارتياح بعد ماعرف إنه خويه ،ركب السياره وهو يطَلع زقاره من جاكيته الأحمر الثقيل ونَطق: كل هالوقت متأخر ليه سَيد فارس وش كنت تسوي؟

فارس بهدوء: فيني نوم

رَاكان ضرب كتفه وهو يبتسم بعباطه: رح تنبسط مع البنات اللي هناك يحلوهم

فارس: اسكت بس انت تناقض نفسك دائما،قبل كنت تقول نترك البنات بحالهم واللحين تقول ننبسط!

رَاكان بعدم اهتمام: من ينبسط مع بنات شوارع بالله؟واضح إني امزح معك بس إنت صاير نفسيه

ناظر فيه فارس بطرف عين وشافه يدخن ورافع رجله فوق ومروق عالآخر تمنى لو يقوم ويضربه بس مسك نفسه وكمل سواقه لنَفس مكانهم اللي كانوا يروحونه بين فتره وفتره

دخل رَاكان وهو يدندن مع الاغنيه ومبسوط عالآخر وفارس عَكسه يدور النوم،وقفت بنت عند رَاكان وهو تلمس صدره وتبتسم بغنج

مسك خصرها رَاكان وقام يرقص معها

وفارس راح يَم الطاوله حقت الطَلب عشان يآخذ له مشروب وقف وعيونه تدور يبي له مشروبه المفضل ،أخذ زجاجه ومدها وهو يقول: ابي ذي،كم الحساب؟

الحرمه الكبيره:150

فارس: تمام خذي

لف يدور في محفظته وسمع صوت بنت طلعت من الغرفه اللي ورى الطاوله وهي تقول لأمها إن عندها اختبار وتبي ترجع بيتها تذاكر

رفع رأسه وشاف الحرمه الكبيره تسحبها من يدها بعصبيه وتدخلها لنفس الغرفه عٕقد حواجبه ومشى بسرعه ودخل تحت الطاوله من جوا وانتظر اللين طلعت الحرمه وطلع بهدوء ودخل الغرفه والفضول بيذبحه ناحية هالبنت شافها متلحفه وهي قاعده وتصيح 

فارس بهمس: هيه

رفعت رأسها بقوه وهي تناظر فيه ونطقت : أهبل انت وش مدخلك هنا

فارس: سمعت امك تهاوشك قلت أشوف وش المشكله يمكن أحلها

نطَقت: واو يالمصلح الاجتماعي إنت

سند ظهره فارس عالجدار جنبها وقال: انتي وش يدريك عني ترى أحل مشاكل سياسيه بعد

ناظرت فيه بطرف عين وغرتها مغطيه على عينها وقالت: اص بس ماعندك سالفه دامك جيت لهالمكان