ရှောင်ကျန့်အံ့ဩသွားသည်။ထိုအမျိုးသမီးကြီးတွင်မူလခန္ဓာကိုယ်ပိုင်ရှင်ကဲ့သို့နှလုံးရောဂါရှိနေမှန်းမထင်ထားခဲ့ချေ။ရှောင်ကျန့်နည်းတူကျန့်နင်သည်လည်းအံ့အားသင့်သွားသည်။
"အန်တီ့မှာနှလုံးရောဂါရှိတာလား???"
ထိုစကားဟာအနည်းငယ်ရိုင်းပြသလိုရှိပေမယ့်လှပကျက်သရေရှိသည့်အမျိုးသမီးကြီးကတော့ကျန့်နင်၏အမေးစကားကိုစိတ်ဆိုးခြင်းအလျင်းမရှိပဲအပြုံးလေးဖြင့်သာခေါင်းငြှိမ့်ပြသည်။
"သမီးမောင်လေးမှာလည်းမွေးရာပါနှလုံးရောဂါရှိတယ်အန်တီ....."
ရှောင်ကျန့်ကိုယ့်မျက်နှာကိုယ်တောင်ဖြတ်ရိုက်ချင်သွားသည်။ဇာတ်လိုက်မကအရမ်းတည့်တိုးဆန်ပြီးပွင့်လင်းတာပဲ.....
အမျိုးသမီးကြီး၏မျက်နှာဟာတော့အံ့ဩသွားပုံရသည်။သူမအလွန်စိတ်မကောင်းဖြစ်သွားမိသည်။ထိုအလွန်အမင်းချစ်စရာကောင်းသည့်ကလေးငယ်လေးမှာသူမနှင့်ဘဝတူတွေဖြစ်နေမှန်းမထင်ထားမိပေ။
အမျိုးသမီးကြီးစိတ်မကောင်းဖြစ်နေသည်ကိုသတိထားမိသွားသည့်အိမ်တော်ထိန်းကြီးမှာချက်ချင်းပဲစကားလမ်းကြောင်းလွှဲလိုက်သည်။
"သခင်မကြီး.....ကလေးတွေကိုအိမ်ထဲအရင်ဆုံးခေါ်လိုက်ရင်ကောင်းမယ်ထင်တယ်"
အမျိုးသမီးကြီးဟာသူမတို့မှာအိမ်ပေါက်ဝ၌ရပ်၍စကားပြောနေသည်ကိုချက်ချင်းသတိရသွားသည်။
"အာ.....အန်တီမေ့သွားတယ်ကွယ်.....
လာ....လာ....အိမ်ထဲအရင်ဆုံးဝင်ကြအုံး"
လှပကျက်သရေရှိသည့်အမျိုးသမီးကြီးသည်ရှောင်ကျန့်တို့မောင်နှမနှစ်ယောက်ကိုအိမ်ထဲသို့ခေါ်ယူလိုက်သည်။
ကြီးမားကျယ်ဝန်းသည့်ဧည့်ခန်းကြီးရှိဆိုဖာပေါ်၌သူတို့မောင်နှမနှစ်ယောက်ကိုထိုင်စေသည်။ဇာတ်လိုက်မကျန့်နင်သည်ကလေးပီပီတွေ့သမျှအရာအားလုံးကိုလိုက်စပ်စုနေခဲ့သည်။
အမျိုးသမီးကြီးဟာရှောင်ကျန်တို့ဆန့်ကျင်ဘက်ဆိုဖာပေါ်၌ဝင်ထိုင်ပြီးပြုံးပြုံးလေးဖြင့်သာသူမကိုယ်သူမမိတ်ဆက်လာခဲ့သည်။
DU LÄSER
system 091
Romantikwang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]
(2.1)
Börja om från början
