"ဒီနေရာက နင်ရှိနေရမဲ့နေရာမဟုတ်ဘူး မြူ နင်ဒီမှာ မရှိသင့်ဘူး သူနင့်ကိုခေါ်လာသလား အို ဘာပဲဖြစ်ဖြစ် ဒီနေရာက ညီမလေးနဲ့မသက်ဆိုင်ဘူး "
သွေးပျက်ချောက်ချားစွာဆိုနေသော မမစကားတို့ကို မြူဘယ်လိုမှနားမလည်နိုင်သဖြင့်
"မမဘာတွေပြောနေမှန်း မြူနားမလည်ဘူး ဒီကိုဘယ်လိုရောက်နေမှန်းကို မြူမသိဘူးမမ မြူသတိရလာတော့ ဒီနေရာကိုရောက်နေတာပဲ ပြီးတော့ မမကိုတွေ့တယ်.."
"ဒီမှာ ညီမလေးရှိမနေသင့်ဘူး မြူလေး"
"ဒီနေရာကဘာနေရာမို့လဲဟင် မမကရော ဘာလို့ဒီမှာရှိနေသလဲ.."
"ငါကအစကတည်းက ဒီမှာနေတာပါ"
"ဟင်... "
နားလည်ရခက်လွန်းသော မမစကားကြောင့် မြူအံ့သြကာရူပ်ထွေးနေစဉ်မှာပင်
"သူ....သူခေါ်နေပြီ ငါသွားရတော့မယ်"
ရုတ်တရက်အလန့်တကြားထရပ်လိုက်သော မမပုံစံကြောင့် မြူပင်လန့်ဖျပ်သွားရင်း..
"ဘယ်သူလာသလဲ... ဘယ်သွားရမလဲဟင်"
"...."
မမ မဖြေပါ။ သူမကိုရှိသည်ဟုပင် ခံစားမိပုံမရ။ မြင်ဟန်လည်းမရှိတော့သလိုမျက်ဝန်းတို့က ဖြူဆုတ်သွားရင်း တစ်နေရာသို့ ချာခနဲ့ ပြေးထွက်သွားသည်။ မြူမှင်သက်နေရာမှ အသိဝင်လာပြီး..
"မမ..ဘယ်သွားနေသလဲ မြူ့ကိုစောင့်ပါဦး"
မြူနောက်ကနေ အပြေးလေးလိုက်လာသည့်တိုင် မမကလှည့်ပင်မကြည့်ပါ။ အသိစိတ်ကင်းမဲ့နေသကဲ့သို့ ရှေ့ကိုသာ လျှောက်သွားနေသည်။
"မမ...မမပန်းသု"
သူမအသံကိုမမ မကြားချင်ဟန်ဆောင်သလား တကယ်ပဲ မကြားသလား။ မြူဝေခွဲရခက်စွာတွေးနေမိစဉ် အမှောင်ကွင်းပြင်ကြီးအလွန်တွင် ဘွားခနဲ့တွေ့လိုက်ရသည်က..
" အို..... "
ဖြာထွက်နေသောလရောင်အောက်တွင် မြင်တွေ့ရသည်က မြူနှင်းတွေတဖွဲဖွဲကျနေသော လှပလွန်းသည့်နှင်းတောင်တန်းတွေ...။
ပြီးတော့..စိမ်းစိုနေသည့်တောအုပ်တစ်ခုနှင့် ဒီကနေလှမ်းကြည့်ရင်ပင် လှမ်းမြင်ရသည်ထိ မြင့်မားထည်ဝါလွန်းသော ရဲတိုက်ကြီးတစ်ခု။
YOU ARE READING
မှော် (ေမွာ္)
Fantasy🪸Mhaw🪸 Fantasy Adventure Series ... Own Creation (Season -1 to Season -11) Started date - 18.5. 2019 Ended date - Novel Creator- Sue Khat Pann
Season-2 Ep(1)
Start from the beginning
