مالك وسيريين المصريه والمخابرات الخياليه

( الحلقه الثانيه) بعنوان (انهزام النفس)

مالك هو كمان كان بيحب سييريين حب غير عادى وكانت ماليه عليه حياته وماكنش شايف ست فى الدنيا زيها وماكنتش متخيل ان فيه ست فى الدنيا لها قلب مثل سريين او بتعرف تتعامل زيها كان شايفها وكأنها ليست من هذا العالم كان شايفها البسمه الوحيده فى دنيته وحياته من غيرها ولا شئ زى ما احنا عارفين مالك ابتدى حياته من الصفر وقدر يكون نفسه فى مجال الاعمال الحره مالك فعلا ماكنش له اى علاقات نسائيه مع انه رومانسى بشكل كبير جدا وكان بيكتب شعر بس يحتفظ به لنفسه كان عايش الرومانسيه مع نفسه وجوه روحه المهم ان مالك كان لازم يرتبط ويتزوج لانه تعب من حياة العزوبيه لكن مالك رغم انه انسان مثقف جدا وعنده شفافيه الا انه عندما اراد الزواج اختياره كان خاطئ لأنه اعتمد فى اختياره على الناحيه الجماليه فقط وبالفعل ارتبط بسيده جميله تشبه النساء الروس فى جمالهم ولكن بعد الزواج اكتشف انه كان حمار كبير هههههه وان الزواج له معايير اكبر بكتيير من الجمال واكتشف ان الواحد ممكن يتزوج واحده ماتكنش جميله لكن روحها حلوه ومثقفه وفاهمه الدنيا كويس ويكون عندها رومانسيه افضل بكثير جدا من الجمال 

مالك بعد شهريين من الزواج اكتشف انه اخطأ زوجته لا تعرف اى شئ عن الرومانسيه والحب حاول يعلمها ويفهمها كتير ويقرب لكن الطبع كان دايما بيغلب التطبع زى ما بيقولو وقرر مالك انه يستمر فى حياته وقال داخل نفسه كل واحد بياخد نصيبه وخلاص لكن جواه مش مبسوط خالص لان مش هى دى الحياه اللى كان عايز يعيشها مالك كمان بطبعه كان ملتزم وبيحب يقوم الليل ويصلى الفجر حاضر وكان نفسه زوجته تشاركه ده لكن مع الوقت مالك ابتدى مايصليش قيام الليل زى الاول والفجر برضه يعنى بقى كسول شويه لكن كان بيرجع تانى وبقى فى حرب نفسيه شويه يهزم نفسه وشويه نفسه تهزمه لكن فى النهايه مالك عمره ما اذى احد وكان بيحب العمل التطوعى جدا وكان مؤمن جدا ان ايده لازم تبقى فى خير يتعمل حتى لو مع يهودى المهم انه خير وايده لازم تكون فيه 

مالك كمل حياته وبقى يعامل مراته بما يرضى الله لكن من جواه كان نفسه يعيش عيشه تانيه وحد يفهمه ويحس به

واستمرت الحياه ومالك شايل مسؤلية كل شئ ومش عايز ينفصل عن زوجته لانها باختصار ليس لها غيره مالك بيخاف ربنا جدا وكان يتحامل على نفسه من اجل ان تمضى الحياه كان عارف ان الدنيا هاتمشى كده كده والايام بتمر سواء كان حزين او فرحان او مريض هاتمضى الايام ولن تتوقف من اجله 

لكن نرجع لسيريين وكيف انهزمت بعد عشريين سنه 

سريين من وهى صغيره كانت بتحب القراءه جدا والتطلع ومن وهى عندها عشر سنوات بتقرء فى علم النفس وتبحث عن كتب علم النفس فى مكتبة المدرسه وعند اصدقاء ابيها الدبلوماسى وللاسف كان فيه واحد من اصدقاء ابيها يتحرش بها وهى فى هذا السن الصغير لكن سريين كانت بتفهم وقالت له هاقول لمراتك ياعمو ومن بعدها عمو الوقح بطل يتحرش بها ههههههههههه

المهم سيريين كتب علم النفس كانت عامله لها هوسه فى دماغها وكانت بتقرء وتروح عشان تناقش امها وابيها لكن بدل ما كانو يتناقشو معاها كانو زى اى اب وام بيتعاملو مع ابنائهم وهما صغيريين يلا حببتى انتى لسه صغيره يلا روحى العبى يلا او ادخلى ذاكرى يلا 

سيريين لما وصلت لسن 18 عام ابوها ارغمها على لبس الحجاب سيريين كانت شايفه من وجهة نظرها ان زى ما الحجاب فرض طب ما كمان غض البصر فرض ايضا لكن لبست سيريين الحجاب وماكنتش مقتنعه زى بنات كتير فى مجتمعنا الشرقى بيلبسو الحجاب لكن مش مقتنعين 

سيريين كان فيه حاجات كتير فى الدين الاسلامى بتسأل فيها لكن للاسف الشيوخ كانت روددهم غير مقنعه لها ايضا فى كثير من الاحيان وده عمل معاها عقده نفسيه من الشيوخ فى المستقبل لانها من النوع اللى بيفكر ولازم يقتنع المهم سريين كانت عايزه تطلع من سجن ابوها واتعرفت على دكتور فى الكليه بتاعتها واعجب بها واعجبت به وبشخصيته وكان الدكتور من طبقه متوسطه لكن كافح واصبح دكتور بالجامعه وبيدرس كمان لسريين المهم سريين اتفقت مع الدكتور انه يتقدم لها وبالفعل اتقدم لها لكن طلبه كان مرفوض عشان ازاى بنت الدبلوماسى تتجوز واحد من طبقه متوسطه او اصله من طبقه شعبيه 

سيريين كانت غير اهلها خالص كانت بسيطه فوق ما تتخيلو لدرجة انها عزمت فى يوم من الايام كل خدامين وبوابين المجتمع الراقى اللى كانو ساكنين فيه على الغداء وكان البيت وقتها فاضى ولما رجعت امها فاجئه وشافت المنظر صرخت ورمت الاطباق والمعالق هههههههه مسخره بصراحه وموقف يضحك 

المهم سيرين بعد ما اترفض الدكتور اللى اتقدملها قررت انها تتمرد على كل العرسان اللى اتقدمو لها من ابناء دبلوماسين وابناء وزراء وضباط واعالى القوم زى ما بيقولو كانت بترفضهم كلهم لكن ابوها كان متسلط وقرر يعاقبها بأنها لن تخرج من البيت ابدا ولمدة عام ظلت سيرين محبوسه داخل البيت وحركتها مقيده فى النهايه سيريين استسلمت وقررت تخرج من سجن ابيها ومع اول عريس حضر تبع ابيها وهو مهندس وافقت على الفور لتتخلص من عبودية ابوها وامها المتكبره وبالفعل تزوجت المهندس وفى ثانى يوم من جوازها تم اتهام سيريين انها ليست بكرا وليست بنت ازاى ده حصل وامتى هانشوف فى الحلقه الثالثه ان شاء الله

تحياتى لكم جوربجى الجوربجى(مالك وسيريين المصريه والمخابرات الخياليه)

انتظر ارائكم