مالك وسيريين المصريه والمخابرات الخياليه

(الحلقه الرابعه بعنوان الأنتقام الباردوالطموح وطريقه)

سيريين خلاص اخذت القرار انها لازم تنتقم لنفسها بس ازاى هاتنتقم من جوزها كان لازم تنتظر الوقت المناسب لكده سيريين كانت حامل فى بنتها التانيه وكان لازم تسافر لامريكا عشان تدرس هناك فى الجامعه علم النفس وجوزها المهندس هو كمان ذهب معاها لامريكا عشان يكمل هو كمان وياخد الدكتوراه فى الهندسه من جامعه امريكيه وبالفعل سافر ت سيريين وزوجها وبنتها وكانت حامل فى بنتها الثانيه وفى قرارةنفسها لازم تخطط كويس جدا وتعرف هاتعمل ايه عشان تنفصل عن جوزها وتنتقم لنفسها وكرامتها اللى اتهانت على يد زوجها فى الوقت ده ابوها كان لسه سفير فى امريكا وكان فاضل له سنه وينتقل لسفاره اخرى وبلد اخرى سيريين دخلت الجامعه فى امريكا وبدءات تحقق حلم عمرها بدراسة علم النفس هناك وزوجها بيدرس فى جامعه اخرى وبيحضر لدكتوراه المهم سيريين تفوقت فى الجامعه تفوق غير عادى والدكتوره بتاعتها فى الجامعه كانت مبسوطه جدا جدا منها وبذكأها وعشان كده سيريين اخدت منحه كبيره من الجامعه انها تدرس علم الطاقه على نفقة الجامعه ماكنتش تعرف انها فى بداية الطريق الى عالم اخر ملئ بالاسرار الخفيه سريين وهى فى الجامعه شافها دكتور كبير اوى اوى وقال لها انتى عندك هديه جواكى وهاتعرفيها قريب جدا بس اوعى حد يستغل الهديه اللى عندك فى اشياء غير سويه وطلب من سريين رقم تليفونها وقال لها هاكلمك غدا لكن الغريب ان الدكتور اختفى بعدها مره واحده ولما سالت عليه بعد مرور وقت قالو لها ده جالو سرطان ومات جالو سرطان امتى ده وانا لسه مكلماه قريب حاجه غريبه سيريين ماركزتش اوى وماشغلتش بالها لانها ماتعرفوش المهم سيريين وهى فى الجامعه اتعلمت ازاى استخدام الطاقه لتغير الواقع او تغير الماضى وكانت مبسوطه اوى بالعلم ده خصوصا مع علم النفس اللى عندها حاجه كده تقدرو تقولو عليها غسيل مخ فى العلاج النفسى بس جبار واتعلمت سريين ازاى تعرف من حدقة العين رد الفعل وايه يتقال فى وقت معين وايه لا يقال وكانت بتدرب على ده عمليا مع زملأها فى الجامعه على يد الدكتوره بتاعتهم اللى كانت بتحب سيريين واكتشفت ان عندها حاجه مش موجوده عند جميع الطلاب سريين بتقول ان العلم ده رغم انه حلو وجميل ونافع الا انه ممكن لو حد استخدمه فى الاشياء السلبيه يقدر يدمر مجتمع باكمله لكن فى الاخر صاحب العلم ده لازم يصاب بسرطان لانه بيضغط على اجزاء معينه فى المخ علشان يطلع الطاقه اللى عنده بس بيبقى فى نفس الوقت احساس ممتع جدا خصوصا لما تكون بتعالج حد نفسيا وتلاقى نفسك بتنجح بامتياز فيه 

فى الوقت اللى كانت سيريين بتدرس وموته نفسها فى الدراسه جوزها كان بيدرس وبينام مع نسوان امريكا العاهرات بس ده ماكنش مانع انه ياخد الدكتوراه فى الهندسه سيرين عرفت مكان الورقه اللى كانت مضت عليها بتاعت التنازل واخدتها وحرقتها ودى كانت بداية الانتقام والتخطيط للانفصال من جوزها 

الدكتوره بتاعت الجامعه ابتدت تتقرب جامد اوى من سيريين وتتكلم معاها عشان تعرف كل حاجه عنها وبالفعل خلصت سيريين مرحلة الجامعه بتفوق على كل دفعتها وفى الوقت ده عرضت الدكتوره بتاعت الجامعه عليها العمل فى المخابرات الامريكيه لانها مميزه جدا واصبحت ممتازه فى علم النفس والطاقه والبرمجه العصبيه سيريين قالت هارد واعطينى فرصه لتفكير وقبل ما تعطى ردها قررت تطلب الطلاق من جوزها ورفع قضيه انفصال عنه بالفعل فى امريكا ونجحت فى الانفصال عنه واخدت بناتها وعاشت مؤقتا عند اخوها اللى متواجد فى امريكا لان فى الوقت ده ابوها كان انتقل الى سفاره اخرى وايضا كان رافض مبدء الطلاق اللى سيريين طلبته وقرر مايساعدهاش ماديا تانى وكأنها مش بنته وتبرء منها لانها طلبت الطلاق المهم سيريين كان طموحها كبير اوى اوى وحبها للعلم بتاعها كان طاغى عليها اخيرا خلاص لقيت نفسها بالفعل ردت على الدكتوره وقبلت الوظيفه فى المخابرات الامريكيه ودخلت عالم واسع وكبير جدا جدا اشبه بالخيال وابتدت سيريين تدرب على علم نفس من نوع معين وهو تحليل الشخصيات وعجبها اوى العلم ده كمان وابتدت تزور السجون الامريكيه وتحلل الشخصيات عن طريق حدقة العين وحركات معينه ووقفات معينه ونجحت نجاح باهر ومنقطع النظير 

وفى الوقت ده سيريين كان فيه واحد المانى كان بيدرس معاها فى الجامعه وطلبها للجواز وهى وافقت على الفور لانه شخص طيب ومالوش فى المشاكل وبالفعل تزوجت منه 

لكن طليقها سكت واستسلم وترك لها البنات بالطبع لا جوزها خطف البنات اول ما خلص الدكتوراه بتاعته ونزل على مصر ياترى سيرين ايه حصلها وعملت ايه لما حصل كده خصوصا انها لسه لم تحصل على التثبيت فى عملها لازم يتم ست شهور وبعدها تثبت ياترى سريين اتصرفت ازاى ده هانعرفه ان شاء الله الحلقه القادمه

تحياتى لكم جوربجى الجوربجى