High Energy QR Code [ Myanmar translation ]

Chapter 22 _ အပေးအယူ

“ဟမ်?” ဦးခေါင်းမှာ ထပ်မံ စိတ်ရှုပ်ထွေးသွားရပြန်သည်။ ရှင်ယဲ့လိုမျိုး လာစျေးညှိတဲ့ လူကို သူမ ပထမဦးဆုံးအကြိမ် တွေ့ဖူးတာဖြစ်သည်။

“ရွေးစရာနှစ်ခုထဲက၊ ငါတို့ ဘယ်တစ်ခုက ပိုအကျိုးရှိမလဲဆိုတာ ယှဉ်ကြည့်ကြအောင်။ မင်းရဲ့ နည်းလမ်းအတိုင်းဆိုရင်၊ ငါက သုံးရက်အတွင်းမှာ ဦးခေါင်းတစ်လုံးကို မရှာနိုင်ဘူး၊ အဲ့တော့ ငါက သေမယ်။ အဲ့ဒီအခါ မင်းကို ကူရှာပေးမယ့်လူ ရှိမှာ မဟုတ်တော့ဘူး။ ငါ့ နည်းလမ်းနဲ့ဆိုရင် ငါက သုံးရက်အတွင်းမှာ သေမှာမဟုတ်ဘူး။ အဲ့တော့ မင်းရဲ့ ခေါင်းကို ကူရှာပေးမယ့်လူက ရှိနေဦးမယ်။ ကြည့်လိုက်တာနဲ့ ဒုတိယနည်းလမ်းက နှစ်ဦးနှစ်ဖက် အကျိုးရှိတာ သိသာနေတာပဲလေ။ လူတိုင်း ဘယ်နည်းလမ်းကို ရွေးရမလဲဆိုတာသိတယ်”

ကွန်ပြူတာတစ်လုံးသာ ဘေးမှာရှိခဲ့လျှင်၊ ရှင်ယဲ့ သေချာပေါက် ဦးခေါင်းအတွက် အချက်အလက် နှိုင်းယှဉ်ပြဇယားတစ်ခု ဆွဲပြလိမ့်မည်ပင်။

ဦးခေါင်းမှာ သူ့ကြောင့် ရူးချင်ချင်ဖြစ်သွားသည်။ အတန်ကြာမှ ဖြည်းဖြည်းချင်း ပြောလာနိုင်လေ၏: “နားထောင်ရတာ…. အဓိပ္ပာယ်တော့ရှိသား”

“ပြီးတော့ မင်း ငါတစ်ယောက်တည်းကိုပဲ မကြည့်သင့်ဘူး” ရှင်ယဲ့ ဆက်ပြောလေ၏။ “ငါတို့ အားလုံးပေါင်း ငါးယောက်တောင်ရှိတာ မင်းတွေ့တာပဲ။ မင်း အားလုံးနဲ့ သဘောတူညီချက်ယူလို့ရတယ်။ ခိုင်းဖက် ငါးယောက်တောင် ရမယ်ဆိုတော့၊ အကျိုးအမြတ် အရမ်း ရှိမသွားဘူးလား?”

“ရှိတယ်!” ဒီတစ်ကြိမ်မှာတော့ ဦးခေါင်းက အလွန် လျင်လျင်မြန်မြန် တုံ့ပြန်လာလေသည်။ ထို့နောက် တဒုန်းဒုန်းဖြင့် ခုန်ပေါက်လျက် အနားရှိ ချောင်ချန့်နဲ့ ဝူယွီတို့ ဘေးသို့ သွားကာ မျက်ထောင့်နီကြီးဖြင့် စိုက်ကြည့်လိုက်လေ၏။

“ငါ နင်တို့ ငါးယောက်လုံးကို မှတ်ထားတယ်”

ချောင်ချန့်နှင့် ဝူယွီမှာ ရှင်ယဲ့ကို တစ်စစီဖြစ်အောင် လုပ်ချင်နေပြီဖြစ်သည်။ သို့သော်လည်း ရှင်ယဲ့၏ ညှိနှိုင်းမှုမှာ မပြီးဆုံးသေးပေ။  သူ စကားဆက်လိုက်သည်: