البارت الرابع والثلاثون..
دخلت سيلا وهي مبوزه واعدت علي حرف السرير...
روكا.... يابااااي خنقتوني انتو الجوز😡
سيلا... بس عشان مقتلكيش..واخلصي يلا
روكا... انا..سكت اهو🤐🤐🤐
سيلا....انا مش فاهمه انتي بتنيلي ايه ده كله....
روكا... يابنتي قربت اهو بلاش زن بقي وبعدين الساعه 8ونص لسه..
سيلا.. امال كنتي بتستعجليني ليه..
روكا... خلاص يارخمه خلصت مكياچ وخلصت شعري... هدخل البس الفستان بسرعه..
سيلا... يارب نخلص...
روكا... طول ما بوزك شبرين كده مش هنخلص..
سيلا...اهوووو😁😁😁يارب نخلص😡
روكا....اعوذ بالله داخله اهو..
دخلت روكا... تلبس..وتظبط نفسها. فالدريسنج رووم...
وخرجت بعد خمس دقايق... سيلا تعالي اقفليلي السوسته مش طيلاها....
سيلا...اوبااااا يخربيت الحلاوه ايه الفستان الفظيع ده يجنن.
روكا...بجد ايه رأيك صحبتك فنانه صح..
سيلا... فنانه ايه ده انتي تجنني بجد فظيع.. وفستاني جميل بجد بقولك ايه صحيح... انا بعد الحفله هجبلك الفستان ده بجد شكله غالي جدا..
روكا...بس يابت بلاش عبط.. غالي ايه هو في حاجه تغلي عليكي ياسيلا انا لو اطول اعملك احلي منه كنت عملتلك...
حضنتها.. سيلا بموت فيكي 😍😍
روكا...وانا كمان ياروحي هو انا ليا غيركو يابت..
وجه فالوقت ده مسدچ من بدر...فتحتها....
بدر... روكا... احنا تحت كلنا خلاص..
روكا.. اوك نازلييين حالا..
روكا... يلا ننزل انا خلصت..
سيلا... ياساتر اخيرا .. يلا...
نزلت روكا.. وسيلا....
فتحت روكا الباب.. الدنيا لسه هاديه.. والمكان ضلمه خالص...شبه مش شايفين حاجه...
سيلا... روكا.. انتي لازم تكلمي بتاع الصيانه ده عشان يومهم بسنه.. بجد المكان يرعب ومش شايفه اي حاجه خالص.
روكا... اه طبعا لازم يجيلي بكره الصبح هأكد عليه...
روكا... ايه ده اللي منور عالارض هناك ده..
سيلا.. فين.
روكا.. هناك اهو في دايره حمرا فالنص شيفاها..
سيلا.. اه
روكا.. في ضوء صغير عندها..انا خايفه اشوف ايه ده.
سيلا... استني خليكي هنا هشوفه انا..
مشيت.. سيلا.. براحه لحد الدايره الحمرا وقفت...سيلا لروكا...مفيش ضوء...يا رو وقعطت كلامها..واتسلط علي روكا.. نور..واشتغلت موسيقي العد التنازلي...10..9..8..7...6...5...4...3...2...1...0واتفتحت انوار الڤيلا كلها... ونزلت عليها بلالين من فوقها. واشتغلت العاب ناريه فوق الڤيلا نورت المكان بالكامل... كل ده في زهول تام لسيلا.. وسط... اصوات صحابها.... وجنان ريم ويوسف...
واشتغلت اغنيه هابي بيرث داي تو يو....
سيلا.. وافقه باصه عليهم كلهم واقفين جمب بعض....قلبها كان هيقف من الفرحه.. نسيت عيد ميلادها خالص. وعرفت الوقت انهم كانو عاملينلها مفجأه واقفه حاطه ايدها علي قلبها... وايدها التانيه علي بوئها من المفجأه...ودموعها نازله من فرحتها..
بدر باصص عليها من بعيد..ومبسوط عشان حاسس انها طايره من الفرحه....
سيلا عايزه تروحلهم..بس حاسه ان الفرحه شلت حركتها....واخيرا راحو البنات عليها...فضلو يحضنو بعض...
ريم... هابي بيرث داي ياصغنننننن
سما...هابي بيرث داي ياقلبي عقبال ميت سنه...
روكا.... بزمتك ايه رأيك فالمفجأه هابي بيرث داي ياروحيييي..
سيلا... ياجزمه بتضحكي عليا....
ريم.. بزمتك في حد ينسي عيد ميلاده...ايه القمر ده يابت يخربيتك...
فاللحظه دي قربو الشباب....
يوسف... هابيييي بيرث داي ياسيلااا..
سيلا. قربت منه وباسته ميرسي ياچو..بجد
سلم عليها مهاب...كل سنه وانتي طيبه يا سيلا..
سيلا.. وهي بتبوسه وانت طيب يامهاب...
قرب..منها عامر....هابي بيرث داي عقبال سنين كتير حلوه.
سيلا...قربت منه وباسته ميرسي ياعامر بجدد..
نوني....اوعي ياواد انت وهو كده... كل سنه وانتي طيبه ياروحي .
سيلا.. نونييييي وحشتيني اوي وانت طيبه كده يانوني تتفقو عليا..
نوني... بزمتك في حد ينسي عيد ميلاده...
روكا... يعني هي اول مره يانوني ده كل سنه علي كده...وقربت روكا.. من نوني.... وحشتيني يانوني... وسلمت عليها..
نوني... انتي وحشتيني اكتر بكتير...هاتي بوسه..وحضن كبير...
وابتدت روكا.. تسلم علي الشباب لانها كانت واقفه بعيد. مكنتش جمبهم لما نزلت مع سيلا ومكنتش سلمت عليهم
بدر.. قرب من سيلا.....كل سنه وانتي طيبه ياعمري
لمعت عيون سيلا بالدموع ياااااه اد ايه وحشها ووحشها كلامه..وضحكته وقربه..
سيلا..وهي عيونها بتلمع من الفرحه.هو ده المشوار المهم..
بدر... اي مكان بيجمعني بيكي هو اهم مشوار عندي...
وقرب منها وباسها..هابي بيرث داي...
رفعت سيلا.. ايدها علي رقبته..واتعلقت بيه... كانت محتاجه تحس بقربه محتاجه حضنه..محتاجه تحس بالامان...
لف بدر.. ايده علي وسطها ودفن راسه في رقبتها وبصوت هادي... وحشتيني اوي ووحشني حضنك..
سيلا... بحبك يابدر ..
بدر...وانا بعشقك... سيبي رقبتي بقي عشان نوني هتجرسنا الوقت..
حست سيلا انها نسيت نفسها ونسيت اللي موجودين...وفاقت علي كلمته ونزلت ايدها بسرعه...وهي مبتسمه...
بدر... مدلها ايده...تعالي..
مسكت.. سيلا ايده....وراحو عليهم..
روكا.. بعد ما سلمت علي نوني والشباب....
وصلت لعامر... مدت ايدها لعامر...اللي مركز في عيونها
روكا... ازيك ياعامر...مد ايده وقرب منها وقربت منه وباسها..كانت روكا مغمضه عينها ضرات قلبها فضحاها وهو حاسس بيها..
عامر... الحمد لله ..
روكا.. مبسوطه انك.. جيت..
عامر...وانا مبسوط اني معاكي..
روكا...احممم وفضل تلعب في شعرها وتبص جمبها بارتباك...
عامر... شكلك يجنن.
روكا... ميرسي ياعامر...وحاولت تهرب منه...اتفضلو ياجماعه واقفين ليه..
يوسف... الله مش ندي الهدايا الاول لسيلا....
روكا...انا اول واحده ادتها هديتي ابه رأيكم فالفستان...
نوني... تحفه طبعا وسيلا حليته اكتر...
سيلا... احلي فستان... وباست روكا...
يوسف... لحظه واحده بس كده.. وخرج بره جري عالعربيه..
روكا..بيعمل ايه المجنون ده...
رجع تاني بسرعه وماسك في ايده دبدوب كبيرررررر.
يوسف... كل سنه وانتي طيبه يااحلي سيلا مرضتش اجبلك اكبر من ده عشان مش هتعرفي تشليه اصلا ده يادوب طولك او والله اطول..
سيلا..الله تحفه بجد بس ايه ده هشيله ازاي ده اتقل مني..
يوسف.. لا ماهو ده مبيتشالش انتي يادوب تروحيه البيت وترميه في اي حته وميقومش منها تاني...
سيلا... بضحك... ميرسي ياچو بجد.جميل اوي...
ريم.... ودي هديتي اخر كولكشن نزل من الميكب اللي بتحبيه. والبرفيوم ده خطيررررر...
سيلا... ميرسي ياريمو بجد حلوييين اوي...
سما... ودي بقي ياستي هديتي... احدث لاب توب عشان ينفعك في شغلك وهتبق ياكتر هديه هتستخدميها..
روكا... سوسه يا ابله نظيره..
سيلا.. ايه ده الله انا فعلا كنت محتاجه اغير اللاب توب.
سما... مانا عارفه عشان كده جبتهولك...
مهاب...ودي ياستي احدث كاميرا عشان بردو اكيد هتحتاجيها في شغلك.
سما... اتفقت انا ومهاب فالسر كده علي هديه تنفعك في الشغل بتاعك..
سيلا... بجد ميرسي يامهاب تجنن انا بجد مش عارفه اقولكم ايه...
عامر.... ودي هديه بسيطه يارب تعجبك سامحيني انا مش عارف انتي بتحبي ايه...
ريم.. افتحي عايزه اشوف...
فتحت سيلا البوكس... ايه ده ده موبايل😳 فظيع يا عامر يجنن بجد جه في وقته وبصت لروكا.. عشان هي كانت فعلا محتاجه موبايل ورقم جديد...
روكا. غمزتلها..
سيلا.. بجد ميرسي ياعامر... حلو اوي...
نوني.... انا بقي اعدت افكر افكر... اجبلك ايه...ملقتش انسب من الهديه دي....
فتحت سيلا البوكس... كان مليان شوكلاتات...دخلت ايدها جوه. وطلعت بحاجه تقيله...
سيلا... ايه ده دي كتب
نوني... دي احدث مجموعه كتب عارفه انك بتحبي تقري كتير. ومجموعه كتب طبخ من كل المطابخ العالميه.. عشان تتعلمي الاكل وتبطلب تاخدي مني وصفات..
روكا.. ايه ده هي بتاخد منك وصفات يانوني...
نوني... اه... اخر حاجه كانت المكرونه البشاميل..
سيلا.. فضلت تضحك... انتي فتانه يانوني علي فكره..
نوني..ايوه انا فتانه.
سيلا... بجد ميرسي يانوني بعيدا عن كتب الطبخ بس المجموعه التانيه دي كنت محتاجاها انتي اصلا لقتيها ازاي دي مش موجوده فالسوق..
نوني...لا ده سر بقي...
ريم... نوني دي جامده..
بدر... وانا بقي جايبلك .. هديتين... فيهم واحده عارف انها هتعجبك او اتمني ده...
سيلا...بصتله ايه..
طلع بدر..الاول علبه قطيفه. فتحها.. كان فيها سلسله وانسيال من الدهب الابيض...بأسم سيلا ...
سيلا... ايه ده ده اسمي الله تجنن يابدر.. بجد...
بدر..عجبتك..
سيلا.. اوي بجد. فظيعه..
روكا... التانيه ايه..
بدر....رافع حاجبه لسيلا...مستعده..
سيلا....ايه ..في ايه. اه مستعده...
بدر... ثواني.. هجبها من العربيه..
ريم.. هي ايه حكايه العربيه معاكو انهرده..
روكا.. اه صحيح.. 🙈🙈
راح.. بدر... ورجع حاطت حاجه ورا ضهره...
وجه وقف ادامها...وطلع البوكس.. كان مغطيه بقماشه من الستان لونها اسود..
سيلا.. ايه ده🙄
بدر...اسحبي الغطا ده وانتي تعرفي...
سيلا.. مسكت طرف القماشه الستان...وسحبتها براحه....اوي...
لحد ما البوكس ظهر... كانت قطه صغنونه لونها ابيض شملها يجنن..
فضلت سيلا تصوت وتتنطت زي الاطفال...
بدر...فضل يضحك عليها..
روكا..ايه ده الله كيوووت اوي.
ريم.. جميله خالص 😍😍😍
سما.. اوعي تطلعها والنبي انا بخاف..
سيلا.. مسكت البوكس حطته عالارض واعدت علي ركبها وفتحت البوكس وطلعتها براحه. وخدتها في حضنها...الله بجد فظيعه يابدر...
بدر... كنت واثق انها هتعجبك...
سيلا.. انت عرفت ازاي اني بحب القطط..
بدر . لا ده سر بقي..
سيلا.. لا بجد عشان خاطري...
بدر.. يعني استشفيت كده.. انتي حاطه كام برواز فالبيت للقطط.. حاطه صوره البروفايل بتاعك عالفيس قطط.. شاشه الموبايل قطه.. حتي الكاڤر بتاع الموبايل اكيد يعني بتحبي القطط..
سيلا.. انت تجنن بجدد..
روكا.. طلعت مش سهل ياسي بدر..
شالت سيلا القطه.. فالبوكس.. وقامت من عالارض..
سيلا.. بجد انا مش عارفه اقولكم ايه ده احلي يوم في حياتي بجد .ميرسي ليكم عالمفجأه دي ميرسي عالهدايا اللي تجنن دي.. وميرسي ياروكا.. علي الحفله وكل اللي عملتيه ده..
روكا.. لا بصي بقي ... انا هديتي ليكي كانت الفستان صحيح.. انا كنت اتفقت علي كل تجهيزات الحفله بس واحد صاحبنا مرضيش ابدا. وبصت لبدر ورفعت حواجبها..
سيلا.. تقصدي ايه..
روكا.. بدر. هو اللي صمم يدفع كل حاجه خاصه بالحفله دي.. ومرضيش ابدا اني ادفع اي حاجه..
سيلا.. بصت لبدر... بجد ميرسي بدر.. انا مش عارفه اقولك ايه..
بدر... ولا خاجه كفايه انك مبسوطه..
سيلا.. خدت نفس وهي مبتسمه...
يوسف.. طب ايه مش هنطفي الشمع انا جعان.
روكا.. ياساتر همك علي بطنك كده علي طول...يلا نطفي الشمع طيب.
وجهزت التورته اللي جننت سيلا ..واشتغلت اغنيه هابي بيرث داي وقفت سيلا وبدر ماسكها من ايدها وكل بنت واقفه جمب حبيبها .. عامر كان طول الحفله ساكت.. ومركز بس مع روكا.. اللي كل عينها ماتيجي في عينه تبعدها بسرعه...
خلصت الاغنيه وقطعو التورته... واڜتغلت اغاني...فضلو يرقصو عليها البنات ..كان الجو العام يجنن..
عامر.. باصص علي روكا.. ومبتسم. هو شايفها مبسوطه...وسط صحابها وبتتمايل بمياعه علي صوت الموسيقي...
كانت الاجواء جميله الكل كان مبسوط..وبدر.. كان فرحان عشان قدر يفرح سيلا وينسيها الطريقه اللي كان بيعاملها بيها..حتي سيلا نسيت كل الزعل ومكنش في حاجه في بالها غير ان هو معاها وانها طايره من السعاده...
وبعد وقت من الرقص والتعب... اعدو مع بعض علي تربيزه واحده... فضلو ياكلو ويهزرو ويضحكو كان كل واحد فيهم جواه سعاده من نوع خاص كل واحد فيهم فرحان بطريقه مختلفه.. حتي عامر وروكا غم زعلهم بس كانو مبسوطين انهم مع بعض شايفين بعض حاسيين ببعض...
مهاب....ياشباب... طبعا مش محتاج اقولكم اني بكره محتاجكم معايا...
نوني.. مبروك يامهاب.. مبروك ياحبيبي مبروك يا سما ربنا يسعدكم يارب.
مهاب.. ايه ده اول مره تحترميني كده مبروك وحبيبي في جمله واحده.
نوني.. متاخدش علي كده ده عشان انت عريس بس..
مهاب.. ماشي ياست نوني وطبعا انتي اول واحده فيهم..
بدر.. انا عند رأي قبل الكلام ده.
مهاب ....رأي ايه
بدر... بص ياعم انت بكره رايح انت وحج حسين. لسه رايحين تتعرفو يعني لا في خطوبه ولا جواز كل الحكايه تعارف لسه بينكم واتفاق ووكده يعني فانا من رأيي ان بكره تكون لوحدك عشان تقدرو تتعرفو علي بعض وكده يعني.
مهاب.. ايه العبط ده انت عايز تسبني لوحدي ولا ايه..
بدر.. مش لوحدك ولا حاجه انت بس روح واتفق واي وقت تاني همون معاك طبعا.
مهاب.. لا مش موافق طبعا..
روكا... علي فكره بقي بدر بيتكلم صح.. وانا كمان ده رأيي واتفقت انا وسيلا وربم علي كده..
سما.. نعم انتي كمان انتو ناويين تسبوني لوحدي في يوم زي ده .
روكا... يابنتي دي اعده تعارف بينكم لسه لافي قرايه فاتحه ولا خطوبه ولاجواز وبعدين نسيبك ايه بس احنا علي قلبك.. بس بكره خلي الاعده تكون بينكم.
سما.. لا انا كمان مش موافقه..
نوني.. اسمعو مني... بدر وروكا معاهم حق... خلي كده الاعده تبقي عائليه بينكم اتفقو وظبطو اموركم واي حاجه بعد كده هنبقي معاكم...
مهاب... عائليه ايه يانوني انا مفيش غير ابويا بس اللي جاي معايا وانتو عيلتي ازاي هتسبونا لوحدنا..
بدر... تسيبك ايه يالا ياعم بقولك بكره اتفق وبلغنا باللي هيتعمل ومن بعدها احنا علي قلبك..
مهاب.. انتو بجد قفلتوني...
عامر.. بعد طول السكات... علي فكره اللي بيقولوه ده الصح...غير كده احنا معاك اي وقت ..
مهاب... صباح الفل انت لسه هنا والله نسيتك..
عامر..اتلم يلا بدل ما اشلفطلك وشك قبل ما تبقي عريس..
مهاب.. لا وعلي ايه الطيب احسن ياعم..
يوسف... انت صحيح جيت امته طب وربنا انا نسيتك🤣🤣🤣
عامر... لا وعلي ايه تنساني افكرك بيا ياظريف..
يوسف... لا خلاص ياعم انا غلطان
نوني... محدش ليه دعوه بعامر ياواد انت منك ليه...
يوسف.. ماشي يانوني.. ادام انتي وراه محدش يقدر يتكلم....
نوني... طيب بالمناسبه الحلوه دي في حاجه عايزين نقولها انا وبدر او بالاخص بدر اللي عايز يقولها..
روكا.. ايه في ايه..
نوني... لبدر . ماتنطق وإلا والله اتكلم انا...
بدر... ياساتر عليكي.. مبتستريش ..
سيلا.. في ايه...
بدر.. بص لسيلا...
اولا ...كده يعني انا عايز استغل اننا متجمعين كده كلنا ...يعني مفيش وقت انسب من ده عشان اطلب ايد سيلا...
سيلا😳😳😳😳😳😳😳🙊🙊🙊
روكا... اللللله.
ريم.. ايه ده ده بجد...
كلهم كانو مبسوطين وطايرين من فرحه صحاب بدر. مبسوطين لبدر.. وصحاب سيلا طايرين من الفرحه...
بدر... موافقه ياسيلا..
سيلا... فقدت النطق مش عارفه تقول ايه.. قلبها بيدق بطريقه فظيعه..عيونها مدمعه.. بتبص بس لصحابها...كلهم بيهزو دماغها عشان تقول موافقه..
روكا.. بتهزلها دماغها وهي مبتسمه..
بصت.. سيلا.. لبدر... وهزت دماغها براحه باحراج..
بدر.....لا انا عايز اسمعها...
سيلا.. خدت نفس كبير... موافقه..
قام.. وقف.. بدر... وطلع لتاني مره... علبه صغيره من جيبه... كان فيها خاتم سوليتير. ودبله رجالي... ومسك ايد سيلا ولبسهولها... ومد ايده بالعلبه.. سيلا واقفه متنحه.. بدر. جاب راسه علي كتفه وهو رافع حواجبه ومبتسم علي لخمتها..
روكا... لبسيه الظبله الله يخربيتك هتفضحينا🤣🤣
مسكت سيلا.. الدبله..ولبستها لبدر... وطي عليها بدر وحضنها وشالها من الارض خالص. وصحابه وصحابه. بيصفرو ويسقفو ويصوتو...
فضلت سيلا... متعلقه في رقبته ودافنه وشها في رقبته من كتر الاحراج .. مكنتش مصدقه ان السعاده كلها اتجمعت في يوم واحد عشانها...
نزلها بدر.. وقرب منه صحابه
يوسف.. مبروك يابدر.. مع اني زعلان كده تسبني ياقلبي.
بدر... اتلم يلا 🤣🤣..وبعدين يارب اشوفك عريس قريب.
يوسف.. وهو بيبص لريم... يرجعو اهل ريم ان شاء الله واكيد هروح اطلبها علي طول..
ريم.. وهي بترخم عليه.. وانا مش هوافق...
يوسف... انتي تطولي اتنيلي.
ريم.. تصدق بقي اني مش هوافق🤨🤨
يوسف... ده انا حبيبك.
ريم.. هفكر🙄
مهاب... وهو بيبوسه.. بتسبقني يانمر صدق اللي سماك نمر..
بدر.. والله ابدا..هي جت كده..
عامر.. وهو بيحضنه.. مبروك ياصاحبي .. اخيرا شوفتك عريس..
بدر... هشوفك قريب انت كمان عريس..
ابتسم عامر... قول يارب.
بدر..يارب ياصاحبي...
روكا..... لسيلا مبروك ياسيلا.
ريم... الله انا عايزه اتجوز..
سيلا.. حضنتها وهي بتضحك قريب ياريمو ..
سما... بتسبقيني يا ست سيلا.🤔🤔
سيلا... والله ابدا انا مليش دعوه..
حضنت نوني بدر... مبروك ياحبيبي ده احلي يوم في عمري..
وحضنت سيلا... مبروك ياحبيتي من يوم ماشوفتك اول مره وانتي معايا فالمستشفي عمري ماشوفتك غير عروسه بدر. وحبيتك اوي والله العظيم وبجد انتي والبنات مليتو حياتي انا شخصيا ربنا يسعدك ياحبيتي
سيلا. وهي بتحضنها. وانا كمان بحبك اوي يانوني والله العظيم مش بس عشان انتي مامت بدر. ولا عشان انتي بجد جميله وتجننني بس عشان انتي اوقات كتير بتحسسيني ان مامي مش ماتت..
حضنتها نوني اوي... انا زي مامي بالظبط واوعدك اني ديما هبقي جمبك واي وقت الواد ده يزعلك هموتهولك...
عايزه اقولكم ياولاد نصيحه واسمعوها مني.. وقفو كلهم انتبهو لكلام نوني. سيلا ماسكه في ايد بدر.بحب.. يوسف ماسك ايد ريم... مهاب ماسك ايد سما... عامر واقف حاطط ايده الاتنين في جيبه.و روكا.. واقفه ادامه من الناحيه التانيه مربعه ايدها الاتنين...
اوعو تفكرو في يوم.. تبعدو عن بعض. هتقابلكم مشاكل كتير اوي... اللي بيحب بجد. هيقدر يعدي المشاكل دي وهو حاطت ايده في ايد اللي بيحبه. مش سايبها. اوعو تخلو الزعل يطول ويقسي قوبكم بص عامر لروكا.. وهي كمان بصتله..بعدو عيونهم عن بعض ورجعو بصو لنوني تاني...الزعل لما بيطول بيخلق فراغ فالعلاقه و بيخلي في مساحه للبعد تدخل وسط الفراغ ده وانتو مش حاسين ولو دخل البعد... مع الوقت هيعمل جفا..وبرود. وروتين ويفضل البعد يكبر مساحته اكتر واكتر لحد ما ياخد مكانه ووقتها الحب ده مش هيبقي موجود... ازعلو واتخانقو لاكن ماسبوش بعض.. عايزه اقولكم ان اوقات الخناق بيقوي العلاقه.. وبصت لروكا ورجعت بصت لعامر صدقوني في مشاكل لما بتحصل بين اتنين بيحبو بعض.. بجد.. البعد فالوقت ده بيبقي اختبار بينهم لا يدخل وسطهم ويدمر العلاقه لا اما البعد ده يوجعهم.. ويخليهم مش قادرين يبعدو اكتر من كده ويقوي علاقتهم اكتر. ولما بيرجعو حبهم بيقي اقوي...بس نصيحتي متخلوش المشاكل تطول خلو الزعل بالكتير كل واحد فيكم ياخدله ساعه مش اكتر من كده. ابعدو عن بعض وانتو متعصبين عشان تقدرو تهدو بسرعه. ولما تهدو هتلاقو انكم بتخلو مشاكلكم بهدوء امسكو ايد بعض اوي.. خليكم ديما مع بعض انت. حلوين مع بعض بجد. صدفه جمعتكم وجمعت كل واحد بنصه التاني... اوعو تسيبو بعض ابدا وافتكرو ديما كلامي ده طول مانتو كلكم ايد واحده هتفضلو في سعاده ديما..
ادو نفسكم فرصه تفرحو. ورجعت بصت لروكا وعامر.. ادو نفسكم فرصه تنسو الوحش وتبصو للجزء الحلو اللي في حياتكم. انا بقولكم الكلام ده عشان بحبكم ومليش غيركم. وعايزه ديما اشوفكم مع بعض صحاب وحبايب وايد واحده ..وبس انا خلصت كلامي...
باسوها البنات... وباسوها الشباب..
عامر... ربنا يخليكي لينا يانوني وتفضلي ديما اخلي ام في حياتنا.
نوني.. ويخليكو ليا وتفضلو عيلتي وولادي ..
